[عاشقة مكة]

سأخل بالموضوع ع طول حنا عائلة كبيرة وهي متفرقه بين القصيم والرياض والشرقية وبصراحة


عوائلنا متقاطعين اعمامي لي بالقصيم تقريبا لنا 3 سنوات واكثر ما شفناهم وحده من بنات اعمامي

توفت الله يغفرلها ولنا عنها 10 سنوات حتى يوم توفت ما حن لها قلبي ............

حتى بالأعياد ما نعايدهم ولا بالعزا نعزيهم ........ ودي اروح لهم لكن اخشى ان امي يصير بخاطرها

الزبدة من الكلام ودي اجمعهم لكن كيف اجمعهم ؟ وأنتم تعلمون ان الرحم معلقة بالعرش

<يأخوان لايوجد لي عم رشيد ولاخال حكيم ولا اخ حازم<

والله لو اني موظفه لأجمعهم........

تكفوووووووون لي عنده حل بخبرنااااااااااا

ولكم منا خاص الدعوات

[حربي عابر دربي]

اتصلوا باحد المشائخ او طلبت العلم او المستشارين الاسريين المعتمدين واطلبوا منهم التدخل ولم الشمل وهم مايقصرون

والله يجمع شملكم

[رباه فرجك]

شوفي لك وحده من بناتهم عمرها قريب من عمرك وتواصلي معها كصداقه
او ابدئي بالاتصال عليهم والسؤال عن احوالهم مرة ومرة
لحد ما تقوى العلاقة بعدها الاجتماع

إلا اذا كنتي تعرفين انه من اول مرة تقولي لهم الاجتماع بيعجبهم ويرضوا ويجتمعون
من الجميع الاجتماع مايصير على واحد مثل مايسوي بعض العوائل
الله يجمع شملكم

[مسلهم]

اول شي يا اختي ما عليك ملااام

ثانيا ممكن تبدين بالي تقديرين عليه

مثلا اضيفي بنات اعمامك بقروب واتس
وخذوا اخبار بعض سوالف وهكذا
وانقلوا سلامكم لاهاليكم وهذا يعزز التقارب بينكم شوي شوي
لين تكبر السالفه ويزيد التواصل
الاهم انقلوا اخباركم لبعض انقلوها لاهاليكم اخبار اقاربكم
فلان تعبان فلان بيتزوج وفلانه تخرجت وعلانه مريضه وهكذا
يتعزز مع الوقت صله التقارب بينكم
واقترحوا مثلا جمعه كبيره بينكم انتم تنسقون بيناتكم عليها
وتخلون بعض الشباب من اقاربائكم يتحركون ويساعدونكم مثلا بحجز استراحه ومطبخ وهكذا
الاهم تكون منكم البادره يالبنات ومن ثم تخلون معكم الشباب من اقاربكم كل وحده تقول لاخوانها
ومع الوقت يزيد التواصل ان شاء الله ويكون عملكم مأجورين عليه

[الوائلي]

والله مادري

صاع الصز وسط زحام الكذب

[الزين عذروبي]

انا رايي من راي اختي رباه فرجك
الله يجمع شملكم ويحنن قلوبكم على بعض

[عاشقة مكة]

جزاكم البارئ الف خير وجعله في ميزان حسناتكم

صحيح لي بمشكله لا يستطيع حل

لكن أسأل ربي ان يجعل ماذكرتم في ميزان حسناتكم وان يقر أعينكم برؤية البارئ

وان يعطيكم ما تتمنوا من خيري الدنيا والاخره

[مسلهم]

اقتباس المشاركة الأساسية كتبها عاشقة مكة صحيح لي بمشكله لا يستطيع حل

ودي افهم هالنقطه يا اختي ؟!

[نبراس القصيم]

الله يجمع شملكم

[فهد - الرسي]

اضم صوتي لصوت مسلهم
مافي حل الا عن طريق التواصل الاكتروني والقروبات والاتصالات
حتى لو طال سنه كامله بالنهايه سوف تحصلين على نتيجه طيبة
دوني ذلك في مذكراتك ...............

[عاشقة مكة]

جزاكم ربي خير
حطينا قروب بس بعد إيش عمي توفى اليوم الصبح وصلوا عليه بالرياض
وقبل اسبوع توفت بنت عمي
يارب ارحم موتنا ولم شملنا
دعوا له بالثبات فإنه اﻵن يسأل*

[مسلهم]

الله يرحم اموات المسلمين
مالنا الا المقدر والمكتوب
والله يبي يجازينا في اعمالنا
ان خير فخير وان شر فشر

[مسكين قلبي كم يعاني]

الله يجمع شملكم

[ورد الربيع]

الله يجمع شملكم ...