[$إلا الحبيب$]

السلام عليكم ..

أخواني خواتي / الله يجزاكم الجنة
ابي استفسر عن القاعات الموجودة ببريدة
بس ابي قاعة صغيرة شوي بس مو مرة يعني مثل قاعة طيبة تقريبا .. وتصير مرتبة وحليوة

يعني تنفع لحفلة تخرج

لكن ابغى السعر يكون مناسب شوي من 7 آلاف ونازل .. من غير البوفيه وقاعة الطعام والرجال .. يعني بس ابي قاعة النساء والصبابات ..

فـ الله يعافيكم الي خابر قاعة قريبة لكذا يعطيني الأسم واذا حصل الرقم ..

والله يوفق ويفرج ع الي يرد علي يآررب ..

للمشرفين : معليش اذا الموضوع مكانه مو هنا بس ماعرفت وين احطه .. اذا مو هنا انقلوه للقسم المناسب الله يعافيكم ..

[$إلا الحبيب$]

................

[للآخر معك]

فيه استراحات شمال بريدة اسعارها معقولة ولكن الاسعار صعبه احد يحدد لك الحين

لان سعرها يختلف اذا كنتو بتاخذونها يوم الخميس ويختلف اذا كان فيه ضغط مناسبات كزواجات او اعياد او كذا

فلو تاخذون فرة على الاستراحات شمال بريدة او المكاتب العقارية راح يفيدونك

وعلى فكرة فيه بالانترنت لو تكتبين بقوقل قاعات افراح ببريدة حصلتي حتى باليوتيوب وتصوير وكذا

وبالوسيلة فيه اعلانات

وهذا رابط يفيدك

http://www.buraydh.com/forum/showthread.php?t=218119

[للآخر معك]

وهذا الموضوع احتمال يفيدك يعني لانه قريب لموضوعك وفيه ردود للقاعات

http://www.buraydahcity.net/vb/showthread.php?t=264948

[$إلا الحبيب$]

اقتباس المشاركة الأساسية كتبها للآخر معك فيه استراحات شمال بريدة اسعارها معقولة ولكن الاسعار صعبه احد يحدد لك الحين لان سعرها يختلف اذا كنتو بتاخذونها يوم الخميس ويختلف اذا كان فيه ضغط مناسبات كزواجات او اعياد او كذا فلو تاخذون فرة على الاستراحات شمال بريدة او المكاتب العقارية راح يفيدونك وعلى فكرة فيه بالانترنت لو تكتبين بقوقل قاعات افراح ببريدة حصلتي حتى باليوتيوب وتصوير وكذا وبالوسيلة فيه اعلانات وهذا رابط يفيدك [url]]

الله يجزاك خير ويوفقك ياررب .. افدتني بقوة الله يعافيك



وإذا فيه احد عنده شي زود لا يبخل :s