[فضة]

السلام عليكم عندي استفسار
ناويه اقدم على شغاله ان شاء الله
سيرلانكيه ولا هنديه
بكم استقدامهم
وافضل مكتب استقدام
وكم تجلس بعد الطلب وتجي
محتاجه ضروري لمريض جزاكم الله خير

[الخيال699]

اقتباس المشاركة الأساسية كتبها فضة السلام عليكم عندي استفسار ناويه اقدم على شغاله ان شاء الله سيرلانكيه ولا هنديه بكم استقدامهم وافضل مكتب استقدام وكم تجلس بعد الطلب وتجي محتاجه ضروري لمريض جزاكم الله خير

وعليكم السلام ورحمة الله وبركاته
اول شي الشغالة بتقدميها باسمك والا باسم زوجك؟
طبعاً اذا كان باسم الزوج يحتاج الى تعريف بالراتب اذا كان موظف او كشف حساب
من البنك وصورة من دفتر العائلة وتسديد رسوم التأشيرة سواء عبر الصراف او عن طريق الانترنت او زيارة البنك. والمبلغ هو 2000 ريال ولازم ما يكون عندك مخالفات سواء كانت ساهر او غيرها

بعد كذا يروح لمكتب العمل والقصيم بكبره لا يوجد به استقدام الا من مكتب العمل اللي في بريدة بالقرب من الجوازات

ولازم يجيهم من بداية الدوام علشان يأخذ رقم وينتظر له ساعة او ساعتين على الاقل
وبعد كذا يوصل للموظف ويحدد له الجنسية اللي يرغب ويستخرج له التأشيرة في 3 دقائق تقريباً.

بعد كذا يتوجه الى احد مكاتب الاستقدام المشهورة والمعروفة بالصدق وقليل هم
وانا عن نفسي انصح بمكتب النفيسة بالرياض لانني سبق وان تعاملت معهم

والمدة للهند وسيريلانكا تتراوح من 3 شهور الى خمسة اشهر

المعذرة اقيمت الصلاة ولنا عودة ان لزم الامر للتعليق

[فضة]

جزاك الله خير
تو وحده قالت لي ان فيه واحد بالرياض يبيع سيرلانكيات
ب٢٠الف بس مادري وش سالفته
ولاادري هو ارخص اوالاستقدام

[الخيال699]

طبعاً نسيت اذكر ان تكلفة الاستقدام من الهند يختلف من مكتب الى اخر لكن المعقول 16 الف
ونصيحة اللي يعرضون للبيع ابتعدوا عنه لانه اكيد فيها مشكلة غير كذا نقل كفالة ومشاكل
لكن لو حصلتوا احد يأجر بالشهر الى ان تصل شغالتكم يكون افضل

[فضة]

جزاك الله خير ماقصرت

[ابن علي78]

الفترة هذي فيه اشكالات بالاستقدام
واللي يظهر لي ان الدول ماعندها مانع
لكن الاشكال في المتنفذين هنا وهناك
عساس تشتغل شركات تاجير العمالة لما تسقدم عمالته ذات الاعداد الخرافية
لكن المهم
ان الهند معقده الان جدا قد ماتصل الا بعد ستة اشهر
وسرلانكا قريبه من ذي
لو فكرتي في فتنام او كمبوديا
او الدول الافريقية
كينيا غانا
شكرا