 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
12-08-2006, 12:26 AM
|
#1 |
|
عـضـو
تاريخ التسجيل: May 2006
المشاركات: 17
|
قـصـتـي مـع شـايـب بـايـعـهـا . . .
أهلاً بأهل بريدة كلها . .
هـذي قـصـة صـارت مـعـي قـبـل مـدة . . وكـان بـطـلـهـا واحـد مـن الـشـيـبـان الله يـسـتـر عـلـيـه  مـرة أنـا مـاشـي فـي أمـان الله عـلـى الـطـريـق الـدائـري الـغـربـي عـنـدنـا ومـاسـك الـمـسـار الأيـسـر ( يـعـنـي اللـي تـسـرع الـسـيـارات فـيـه ) وأمـشـي تـقـريـبـاً بـسـرعـة 130 وأنـا مـاشـي وسـارح بـفـكـري . . إلا وألـمـح سـيـارة كـل شـوي تـقـرب لـي . . وتـمـشـي بـنـفـس الـمـسـار اللـي أمـشـي أنـا فـيه لـكـنـهـا كـانـت مـعـاكـسـة الـطـريـق  أنـا قـلـت أكـيـد إن عـيـونـي فـيـهـم شـئ إلا والـسـيـارة كـل مـالـهـا تـقـرب . . أنـا قـلـت : يـا عـبـدالله مـالـك إلا تـمـسـك الـمـسـار الأيـمـن حـتـى تـسـلـم وحـتـى أتـأكـد إنـهـا أكـيـد سـيـارة مـهـب بـقـرة  يـوم مـسـكـت الـمـسـار الأيـمـن إلا وأشـوف . . شـايـب مـتـعـلـق بالـدركـسـون ويـسـوق سـيـارة شـكـل مـوديـلـهـا ( 13 ) هـايـلـوكـس قـرمـبـع فـيـهـا ( هـنـقـلـيـن ) <---- للـي مـايـعـرفـه هو :" شـبـك مـن حـديـد يـحـطـونـه عـلـى صـنـدوق الـسـيـارة " الـمـهـم أنـا ضـربـت لـه بـوري . . وصـوّتّ لـه وقـلـت لـه : ويـن يـاخـال وأشّـرّت لـه بـيـدي وبـيـنـت لـه إنـك مـعـاكـس الـطـريـق . . قـام هـو ويـمـد يـده لـي ويـهـاوش ويـقـول وش تـبـي أنـت قـلـت لـه بـنـفـسـي : لاأبـداً مـاسـويـت شيء بـس تـراك عـاكـسـت والـصـراحـة أنـا خـفـت عـلـيـه وقـلـت لـه : رح يـاخـال الله يـسـتـر عـلـيـك . . . . هـذا الـشـايـب الله حـافـظـه وإلا كـان راح بـخـبـر كـان . . خـاصـة إنـه مـعـاكـس طـريـق عـلـيـه ضـغـط . . والـمـشـكـلـة إنـه مـعـاكـس الـمـسـار الأيـسـر . . . قـاعـدة عـنـد الـشـيـبـان : ( دائـمـاً أنـت الـمـخـطـئ ). . . هـذي هـي الـقـصـة اللـي صـارت مـعـي وحـبـيـت أقـولـهـا لـكـم . . وأتـمـنـى مـن أي واحـد مـنـكـم عـنـده قـصـة أو حـادثـة صـارت مـعـه إنـه يـقـولـهـا . . . . . عبد الله عايش في ربوعها . . |
|
|
12-08-2006, 04:03 AM
|
#2 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
الله يهديك المفروض لحقته وعلمته أو أتصلت على المرور
عموما الحمدلله على سلامك يعني أنت بغيت تصير بخير ليت وأخواتها بس ودي أدري وش جاب الموضوع هنا 
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
12-08-2006, 10:07 AM
|
#3 |
|
عـضـو
تاريخ التسجيل: May 2006
المشاركات: 17
|
أخوي مخاوي الصمت مشكور على مرورك العطر
بس ودي أعرف الموضوع هذا المفروض مكانه وين ؟؟ |
|
|
|
12-08-2006, 12:28 PM
|
#4 |
|
عـضـو
تاريخ التسجيل: May 2006
المشاركات: 604
|
مرة واحد نفس سالفك معاكس بالدائري الشرقي وانت رايح للربيعية
المهم بغى يصبخة راعي موتر وجه بوجه بس ستر الله لكن راعي الموتر نشمي عاكس معه وصقط عليه وبدا يمشي قدامه وينبه الناس اللي ماسكين الايسر .... ....
__________________
.
. .  . . . ... |
|
|
|
12-08-2006, 01:02 PM
|
#5 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هلا بالبي عايش العتيبي ..
الشاهد .. ( وش تبي أنت ) المناسبة .. معاكسة الدائري .. معاكسة والا مغااااازل هلا بيك .. مايستفاد من القصة .. هو ان نعلم ان هناك بعضن من الشيبانوا دائماً يعاكسونا الطريقا ثم مايلبثون ان يصدمونك فماتلبثوا انتا الا ان تبتعدا عنهو .. يابعدي انت ياعاااااااايش فك الله عينك .. بغى هالشايب يتوسد الصدااااااااااااااام .. وتلقى الشايب اصبعه بخشمه ويفرفر وضرب من الهواجيس .. :D وانت ضربت لوه بوري ومن قوة البوري ( نز :D ) .. وترى الشياب ماينفع معهم الحتسي .. كود ترقيه الأثل .. أول تمدحه وتقوله ياخال انت من ايقالك .. واذا عطاااااااااك اسمه قله .. اوووووه أنت من الفلاااااااااااان والله ابوي يمدحكم يقول هذاولا الفلاان حمولة طيبة رجال هذولا من أكبر حمايل بريدة وأهل كرم ودين وشجاعة .. همن تشوف الشايب يلحس سعابيلوه من الوناااااااااااسة .. :D :D :D بعدين قل لوه ياخال تراااااك موجه لحايل هالحين .. اللي يبي بريدة يرجع منا .. همن يبي يقولك ايه .. اجل الدرب منا .. ايه .. عااااااااد انت وحظك .. بعضهم يقولك عااااااااااااد يالله انزلع فارق لأهلك :D .. والبعض الآخر منهم يبي يقولك .. الله يعدي عنك ياوليدي ماقصرت .. وعلى فكرة .. ترى كل ( الشيبااااااااااااااااااان .. هبااااااااااااال .. خيااااااااااااااال ) لاتقعد تبلشنا فرقعين جدي .. ويسلموا يالبي .. :D :D :D
__________________
. . .  .. قلب البحطلة ينبض ..ينبض ينبض ينبض .. . |
|
|
|
12-08-2006, 01:56 PM
|
#6 | |||||||||||||||||||||||
|
عـضـو
تاريخ التسجيل: Feb 2006
البلد: بالمسجد .. !
المشاركات: 561
|
صراحة فكرة رهيبة يالبي ... أبجرب مع شايب عندنا بالحارة ....:D |
|||||||||||||||||||||||
|
|
|
13-08-2006, 04:45 AM
|
#7 |
|
عـضـو
تاريخ التسجيل: May 2006
المشاركات: 17
|
مدحت شوقي . .
الله يرجك والله فطستني من الضحك . . خخخخخخخخخـ مشكور على التفاعل أنت والأخوة الثانين . . |
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
