 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
24-08-2006, 02:46 PM
|
#21 |
|
عـضـو
تاريخ التسجيل: Apr 2006
البلد: خارج الديار المقدسه بريده
المشاركات: 246
|
السلام عليكم ورحمه الله وبركاته ياجماعه الخير والله ان كلامكم طاير بالهوى مهب اذا قال فلان ان بنك الراجحي احسن بنك نقول له تم او اذا قال احد ثاني ان بنك الراجحي اشين بنك نقول تم كل واحد ينام على الجنب اللي يريحه يعني انا من ست سنوات وانا اتعامل مع بنك الرياض ولا شفت منهم الا خير ( مع العلم اني ما أعرف احد بالبنك) ومن زود انهم مريحينن فتحت عندهم حساب ثاني والامور ماشيه تمام هل هذا معناه ان بنك الرياض احسن بنك (بالنسبه لي حتى الان نعم ) لاكن ولد عمي يقول انه اردا بنك .... ليش ؟ كان ولد عمي عنده حساب بالرياض وماشي معهم تمام ولاكن يوم صار له مشكله معهم راح وفتح حساب عند الراجحي وحول راتبه عليه ومن ذاك اليوم وهو يسب الرياض هل ناخذ كلامه او كلامي ؟؟؟؟؟؟ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ ومن جانب الخدمات كل بنك تقريباً يتميز بميزه ولاكن مهب معقوله اني ابحول على بنك الراجحي علشان متى ماأنقطع جوالي يسدده بسرعه ( ياخي اللي صبرت من طلعت الفاتوره الى ما انقطع اصبر زود يوم ما يضر. وبعدين وشلون اروح للراجحي وهو اذا سويت حواله خارج بنك الراجحي ولاكن داخل السعوديه ياخذ عليك خمسين ريال  50 هالخمسين احول به ثلاث مرات من بنك الرياض الى اي بنك داخل السعوديه ويبقالي خمسه بعد :D ما اقول للناس تعالوا للرياض وخلوا الراجحي كلن يروح للبنك اللي يلقى عنده حاجته... ــــــــــــــــــــــــــــــــــــــــــــــــــ ــــــــــــــــــــــــــــــــ ومن ناحيه الربا اولاً: الشرع ماحرم انك تحط فلوسك عند بنك ربوي الا اذا انت تتعامل بالربا... ثانياً:انا مره رحت لبنك الرياض وقلت لهم ابفتح حساب ربوي قالو لي ضف وجهك  ( والله على ماأقول شهيد )ثالثاً: واحد من قرايبنا بالرياض كان يشتغل مدير احد فروع الراجحي .. ولاحظ انه فيه فلوس تدخل عليهم وهي ربا. ومن باب الخوف من الله واتقاء اكل الحرام طرح هالموضوع في احد الاجتماعات وقال هو وكم واحد معه ممن يخافون الله ان هالمبلغ يدخل علينا ربا ولا ودنا يكون تعاملنا بالربا .... تدرون وش قال لهم الراجحي ( او المسؤل عن الأجتماع ) قال لهم : ياتمشون الأمور عادي مثلكم مثل غيركم او ................ او ؟ او ؟ او الباب يوسع جمل يعني جايزن لكم هالوضع ولا استقيلوا وشدعوى خربت ؟ ومير يطلعون ويخلونها لهم وصدق انه من ترك شي لله عوضه الله خير منه ابشركم الرجال هالحين متشارك مع ناس كبار وعندهم بالصناعيه الثانيه بالرياض مصانع وبدون مبالغه بالسنه يروح خمس او ست مرات للصين . يعني الله فتح عليه ...... ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ واخيراً احسن بنك هو البنك اللي ترتاح له وتلقى خدماته تناسبك هذا والله اعلم اخوكم جلال
__________________
اللهم اغننا بحلالك عن حرامك
آخر من قام بالتعديل ابونجديه; بتاريخ 24-08-2006 الساعة 02:53 PM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي