|
لاحول ولاقوة الا بالله العلي العظيم ياناااااس خافوا الله واركدوا هالحين نسكت وباتسر يجي الخراب بعينه هالطرمبه ذي وش تبي تجني من هالمقهى عساه للقاهي اللي يقهى تسبده
صحيح ياجماعة الخير انه جايز ومهب حرام المقهى النسائي لكن يكفيك السمعه يعني تصور لو جيرانك واهل حارك محافظين ودريوا ان اختك مثلا او مرتك تروح لهالمقهى يعني يحسون انكم متمدنين وسرابيت ماتخالفون ودينكم سمح ومتعودين على تمييع الدين !!!! باتسر وش يبي يصير لاجاء خاطب يخطب هالبنت ودري انه راعية طلعات وروحات وجيات بدون محارمه!!! ترانا ببريدة يعني بمجتمع محافظ ماحنا باي ديره غيره!!
انا ماقلت ان المقهى النسائي حرام لكن اعرفوا هالقاعده الي طالما يرددونه الفقهاء وهي سد باب الذراااااااااااااااااااااااااااااااااااااااااااااا ااااااااااااااااااااااااائع يعني لو نفتح المجال باتسر يبي يصير به نادي رياضي للحريم والنادي الرياضي وشو للي مايعرفه!! يعني بنيةٍ سمحة الخدود تلبس لبسٍ مش حالك وتتمرن!!! تقل مابه اختراع اسمه تشتري ادوات تمرين وتحطهن بالبيت يعني لازم لازم الخروج من البيت!!! سبحان الله.
خذه قاعده ياالرجل ترى المرة ماتُعطى وجه لو تطلق الحبل على الغارب فانه تبي تخرب وتدوج بالشوارع اذا ماكانت ديّنة وملتزمة فالله الله ببناتكم وخواتكم شدوا عليهن وزروا عليهن حتى لو انتم سرابيت راعين تتن ،،،حنا ياالقصمان واهل نجد مانرضى لحريمنا السمعة الشينة وليخسى من يخسى ويهبى العلمانيين عيال الريح. هذا موجز كلامي واكز لكم سلامي.
|
05-03-2007, 09:22 PM
النمط المتشعب
