[مدحت شوقي بريده]

ياحبيلك يالمتزن ..
أثرك منسم إذا إشتهيت تنسم ..

المهم يالبي يعني قضن طرق الخير .. مابقي الا هالطريق ..


يالبي التعدد مافيه شي رضن الحريم أو أنرضن .. وهن يدرن ويعرفن ..
بس اللي ماله لزوم بالتعدد ولاهوب قده وقد العدل .. لايبزع ويعرس همن يطيرن شوشته هالحريم ..



واللي ماأعرسن أو مطلقااااااااات .. ترى الشباااااااااب مالين البيوت بعد ..
يدورون ظلااااااااااااااااال زوجة يتعلقون بوه .. بس يرخصون اهلهن المهور ..



واللي يبي يعدد الله يقويه ..

سي يو ..

[تالي حياتي موووت !]

اقتباس المشاركة الأساسية كتبها مدحت شوقي بريده هههههههههههههههههههه واوك .. تخيل تدق عليه وتقولك .. وش تبي لاتدق علي تبلشنا .. أنا عند رجلي الثااااااااااااااااااني .. الليلة ليلته .. كم مرة قلتلك لاصارت ليلته لاتدق علي .. انت ترضى يدق علي وانا عندك .. وإذا تقابلوا بمجلس .. ماأحد يسلم على الثااااااااااااااااااااني .. وكل واحد وده يفرم الثاااااااااااااااني .. وإذا حطت لوه مرزامين بالشماغ وانت مرزام واحد .. قلت له .. إيه تحبينه اكثر من .. حاطتن لوه مرزامين وأنا واحد .. ياسلااااااام بعد بعد .. وأنا قاعدن ادور شراااااابي الكحليات وأثر المليح جاري ( تاكهن ) .. بعدين وراه هاك اليوم تروحين معه لدورية عمومته .. وأنا تطلعين روحي ماتروحين معي للدورية .. وإلا إذا جت ليلتوه طرتي من المغرب طيران عنده .. وأنا ليلتي ماتجين الا الساعة 11 تقولين ازعبل هالعيال وادرسهم وأعشيهم .. مع إن عيالي أكثر من عياله .. وبعدين ترى مهوب على كيفتس إذا سافر يومين تروحين معه .. يومي ترى ماأحللتس ولا أبيحتس .. ماعلي منتس .. يومي تجين عندي بوه .. والله ياويلي ان تعااااف حياته .. تبي الجد .. ياشين ( نغر ) الرجاااااااااااال .. سي يو ..

ههههههههههههههههههههههههه
هههههههههههههههههه
هههههههههه
هههه

احمد ربك ..... الرجال مافيهم غيره .....

البنات اللي أعوذ بالله منهن .... حقد وحسد وبلا وجلا الله يهديهن .....

وبعدين يااااااااااليت نقدر نتزوج عليكم عشان تعرفووووووووون وتذوقوووووون القهرررر ...

ولا أعتراض لكن عجبتني الفكره ..... لاعاد عساي أتحمل واحد عشان اتحمل أثنين ....

لالا خلنا على واحد بس <<< مصدقه

اقتباس المشاركة الأساسية كتبها مدحت شوقي بريده يالبي التعدد مافيه شي رضن الحريم أو أنرضن .. وهن يدرن ويعرفن .. خيـــــــر أن شــــاء الله ............!! لو درينا مانبي يعني مانبي ......فهمتوووووووووا .......؟ بس اللي ماله لزوم بالتعدد ولاهوب قده وقد العدل .. لايبزع ويعرس همن يطيرن شوشته هالحريم .. أزين بحسربه مو بطير شوشته بس لا بطيره هووو بعد ..... أقصد هي جارتي جعله البلااا <<< متحمسه سي يو ..

[..هوجــااس..]

السلام عليكم ورحمة الله وبركاته


يعطيكم العافيه على هذا الطرح
والردود....

بالنسبه لرأيي الشخصي..
فأنااا أمانع وارفض بشــــــــــــــــــــده الزواج بثانيه..
إلا إن كان فيه عيب وانا عارفه هالعيب فأنا ما أكون أنانيه على حسابه بذاك الوقت أصرح له الزواج ..
إما أن تكون كبيره في السن يعني من بعد الــ45 سنه يمكن يروح يدور.. مب لاطقت الــ30 قال كبرتي وراح يعرس
أو فيها عاهه خُلُقيه <<متعوب عليه:D
أو أو ....................الخ
يعني فيه شي يقنع عن سبب زواجه....

........
أما إذا صار فسق فــــــ مر يمصع قلبه يعرس
ومافيه رجل يحب مرته ويعرس <<<<خير ياطير والله من التسذب بعد
اذا يحبه مب شايف غيره من الحريم ماليه عينه اصلاً

بعدين اذا اعرس الناس مب قايلين اعرس فسق بيقولون ما اعرس إلا وهي مابه خير ماريحته ولا هنته ولاسنعت اموره معه....
بيذمونه وهو ماغير يتبندح جعله للكسار

والعوانس والأرامل والمطلقات يعرسن ماقلنا لهن شي الله يهنيهن بس ماياخذن واحد متهني مع زوجته تاخذ واحد مطلق مثله وله ولدين ثلاث أو ماله بس كبير أو أو .....



وهـ بس وهـ ذا موضوع ؟؟ <<<<<يخلي الوحده تأتش وده تكسر الكيبورد من الحماس والعصبيه


تحياتي

اختكم هوجااس

[تغاريد نجد]

والله لا طقت برأس الرجل العرس أعرس ولا شاور أحد

[تالي حياتي موووت !]

اقتباس المشاركة الأساسية كتبها ..هوجــااس.. فأنا ما أكون أنانيه مــنــ نـــاحـيـــة الــــرجــلــ .... إلاااااااا انــــانـيــــــهــ ونـــــــص .....

........

[المتزن]

اقتباس المشاركة الأساسية كتبها مدحت شوقي بريده ياحبيلك يالمتزن .. أثرك منسم إذا إشتهيت تنسم .. المهم يالبي يعني قضن طرق الخير .. مابقي الا هالطريق .. يالبي التعدد مافيه شي رضن الحريم أو أنرضن .. وهن يدرن ويعرفن .. بس اللي ماله لزوم بالتعدد ولاهوب قده وقد العدل .. لايبزع ويعرس همن يطيرن شوشته هالحريم .. واللي ماأعرسن أو مطلقااااااااات .. ترى الشباااااااااب مالين البيوت بعد .. يدورون ظلااااااااااااااااال زوجة يتعلقون بوه .. بس يرخصون اهلهن المهور .. واللي يبي يعدد الله يقويه .. سي يو ..

اقتباس ياحبيلك يالمتزن .. أثرك منسم إذا إشتهيت تنسم ..

هذا بعض مما عندكم يا باش مهندس متحت , فنحن طلاب في مدرستك أستاذنا القدير .

اقتباس المهم يالبي يعني قضن طرق الخير .. مابقي الا هالطريق ..

ولا صارن طرق الخير واجد , يعني نسكـّر هالطريق ؟؟!!

ياخي هالطريق رهيب وفيه مصالح مشتركة , ومثل ما قالوا ربعك : يا بخت من نفـّع واستنفع . :D

اقتباس يالبي التعدد مافيه شي رضن الحريم أو أنرضن .. وهن يدرن ويعرفن .. بس اللي ماله لزوم بالتعدد ولاهوب قده وقد العدل .. لايبزع ويعرس همن يطيرن شوشته هالحريم ..

ماودي أقول شيء يقعدن يزعلن الحريم ويدعن علي .

اقتباس واللي ماأعرسن أو مطلقااااااااات .. ترى الشباااااااااب مالين البيوت بعد .. يدورون ظلااااااااااااااااال زوجة يتعلقون بوه .. بس يرخصون اهلهن المهور ..

يعني انت تشوف ان البلاء كله بغلاء المهور ؟؟؟!!!

شكلك إلى الحين يالشايب متأثر بمضارب البادية وابن شلاح ومع الناس وسؤال اليوم . :D

الشباب وانا اخوك مهوب باغين لا المطلقات ولا حتى الكبار ( إلا تسانهن مدرسات علشان يكدّن عليهم , امحق رجال ) , والمطلقات يتعنفقن ويتشرطن يقالـّهن نبيلة عبيد أو إيمان بنورة على غفلة .


وتقبل تحياتي 00
المتزن

[الحياة حلوة]

الخيانه هي لما يكون الزوج شارف عمره على السبعين وزوجته على الستين وياخذ بنت عمرها تسعة عشر ..

[نورالدنيا]

اقتباس المشاركة الأساسية كتبها المتزن متحت هذي والمعزبة مهيب عندك , اجل لو هي عندك وش تسوي . :D شوفوا يا جماعة : اللي يعتقد ان فيه امرأة تقبل أو تتقبل الزوجة الثانية , فهو مهبول . وانا اقولها لكم نيابة عن معظم النساء : نعم , زواج الرجل من ثانية , يـُعتبر خيانة , بل خيانة عظمى . لكن خلونا ناخذها بالعقل شوي ( مع ان الحريم ما فيه عقل بمثل هالامور , واحياناً دايم :D ) : العوانس والمطلقات والبنات عموماً كثرن يا جماعة , وذولي تراهن حريم مهنب قروده .. يعني تراهن يبن رجال . لا تجون تقولون لي : ياخذونهن شباب ما أعرسوا ؟؟!! هالجحلط اللي ما أعرسوا داااااااجين وكثير منهم مهوب كفو الصراحة , لا علم ولا دين ولا وظيفة .. يعني عور وينشق . وبعدين حتى لو قلنا ان هالجحلط يبون يعرسون , هل يبي يغطون كل هالحريم ؟؟؟!!! وهل يبي ياخذون مطلقات أو عوانس ؟؟؟!!! يعني بالنهاية , راح يبقى حريم أكيد . طيب من يبي ياخذهن ذولي ؟؟!! أتوقع الحريم المعرسات يبن يقولن : بكيفهن , بقليط , وش دخلنا بهن .. وانت تبي تصفي الملك . :D فأقول لهن : طيب , منب مصفي الملك .. بس حطن ببالكن انه ممكن بنتك أو اختك أو قريبتك تكون وحده من ذولي .. كذلك حطن ببالكن انه ممكن هاللي مالقن رجال يشبعونهن , ممكن يتجهن للمغازل أو أشد . فهل ترضن يا حريم ان حدا بناتكن أو خواتكن أو قريباتكن , يقعدن بلا رجل . وهل ترضن اننا " ننحرف " ؟؟؟!!! :D لأ , قولن : انحرفوا ازين .. قولن ؟؟! وه , اوجعتن اصابعي . وتقبلوا تحياتي 00 المتزن

تذكر ياخي المتزن ان جلب المصالح مقدم على درء المفاسد
فمحافظة الزوج على زوجته واولاده افضل من اهمالهم في مقابل حل مشكلة اخرى كما يدعي مثل مشاكل العنوسة والمطلقات. واحب اقولك يااخ مدحت شوقي صح لسانك ..ليت كل الرجال مثلك كان الدنيا بخير.. .وياليت كل رجل >قبل مايفكر بالزواج<مرة ثانية يحط نفسه مكان زوجته ويحس فيها .

[خالدوف]

الأخ مدحت شوقي اتق الله في وضعك هذه الصورة الراقصة اتق الله اتق الله اتق الله

[بنت بريدة]

ماتذكرون سالفة المره الي مات ابوه ورجله يبي يهون عليه الصدمه
قاله شيلي قشت ابوديتس لاهلتس تراي معرس وابسافر يوم نزله لبيتهم قاله
ان ابوتس مات قالت >> اشوااا
هي اكيد السالفه به مبالغه بس يدل على ان المره ماتبي رجله يتزوج عليه مهما كان
خاصة لاصارت تغار عليه

كوكتيــــل

[المتزن]

اقتباس المشاركة الأساسية كتبها نورالدنيا تذكر ياخي المتزن ان جلب المصالح مقدم على درء المفاسد فمحافظة الزوج على زوجته واولاده افضل من اهمالهم في مقابل حل مشكلة اخرى كما يدعي مثل مشاكل العنوسة والمطلقات. واحب اقولك يااخ مدحت شوقي صح لسانك ..ليت كل الرجال مثلك كان الدنيا بخير.. .وياليت كل رجل >قبل مايفكر بالزواج<مرة ثانية يحط نفسه مكان زوجته ويحس فيها .

يادي القاعدة اللي هريتونا فيها هري . :D

صار الواحد لا بغاك تترك شيء - أي شيء - , قال لك : ياخي درء المفاسد مقدم على جلب المصالح .

الحين سؤال يانور الدنيا :

ما يمكن نجمع بين المحافظة على الزوجة الأولى والأولاد وحل مشكلة امرأة خرى ؟؟!!

أما بالنسبة لوضع الزوجة الأولى , فشوفي وانا اخوتس :

أنا أقدّر شعور الزوجة الأولى وأعرف مدى قسوة الزواج من ثانية عليها .. وأعلم أن شعور الزوجة بالغيرة والقهر قد يصل بها إلى بغض الزوج وطلب الطلاق منه لا قدّر الله من شدة ما تحس به .. أنا أعلم بذلك .

ولكن ضعي في ذهنك أننا سنتزوج من حريم مثلكن مهوب من قروده ..

يعني مثل ما تطالبيننا إننا نكون في مكان الزوجة الأولى , برضه حنا نطالبكن إنكن تحطن أنفسكن مكان اللي ما لقن رجل .


وتقبلي تحياتي 00
المتزن

[ضرغام التوحيد]

النبي صلى الله عليه وسلم ما عدد حتى توفيت خديجة رضي الله عنها .
وإنما عدد لمصالح .. فهاتين ابنتي صاحبيه .. و أخرى مات عنها زوجها فكفلها و أبنائها و تلك ابمة ملك اليهود ...
و التعدد مع العدل شيء يسر به نبيكم ( تزوجوا الولود الودود فإني مكاثر بكم الأمم يوم القيامة ) ..
و من ابتغى تطبيق السنة فعليه بالتعدد ( فإن خفتم ألا تعدلوا فواحدة )

[التاجر]

من وجهة نظري لا

[مؤمنة]

برأيي أعتقد أنها قلة خاتمة أنه المرأة تصبر على زوجها اللي قد يكون فيه من العيوب أكثر مما فيها وتعيش معه سنوات من المودة والتفاني والاخلاص وتبذل له كل ماتستطيع ثم يطقها بزوجة ثانية....
استغفر الله
لا داعي لأن أكمل حديثي مجرد التفكير فقط في هذا الموضوع يجعلني في حالة سيئة..
شيئين اتمنى أن يحس الرجل مرارتهما( الحمل والولادة----- والتعدد!!!)
لكن تظل المرأة مسكينة(لاترى في الدنيا سعادة غير زوجها يأخذ عقلها وقلبها) بينما الرجل عكس ذلك