|
أصل كلمة الكليجا
هاكم أخر ابحاثي وهو أصل كلمة الكليجا ونزلتها في أحد المنتديات
الأخوة والأخوات
طرح أحد الأخوان في منتدى عن الكليجا قمت كاجتهاد مني وبحثت في عدة دول وقارات عن أصل كلمة كليجا 00 وبعد عدة جولات وصولات توصلت الى أصل الكلمة .
طبعا أنا ماني قصيمي بس من واقع قراءاتي المتنوعة ( أحم احم ) والأبحاث الكثيرة اللي سويتها أقدر أقول أني تعرفت على أصل كلمة "كليجا"
هذا يابو الشباب ولا يهونون الأعضاء يقال أن من قديم الزمان كان فيه حرمة قصيمية عجوز وكانت بنتها متزوجه من رجال بخيل يقتر عليها حتى في الأكل فكان ماعندهم الا هالعسل وهالسمن وهالبر وكانت تسوي هالاقراص وفي عدة مرات كانت تعطي بنتها من هالاقراص واول ماتعطيها يجي رجل البنت ويقعد يصارخ لمرته "يله بسرعة فما تاكل المسكينة وتروح لبيتها جايعة .
وبعدين فكرت الام قالت خلاص ابترصد لرجلتس واعلمتس لي جا وصارت البنت المسكينة تنتظر واذا الأم شافت الرجل التفت على البنت وقالت " كلي جا " وعدة مرات يتكرر هالأمر الين سمعهم الرجال قام وصرخ عليهم وش تقولون قامت الم ورفعت الاقراص وقالت "كلي جا" عشان ماتكون كاذبة عند رجل بنتها .
قام الرجال وصار يقول اذا جا " عطوني كليجا" وراحت فيها "كليجا".
والله اعلم.
__________________
قــريبا..
|
21-08-2002, 08:26 PM
النمط الأحادي