[أنوار المنتدى]

السلام عليكم ورحمة الله وبركاته
(ومازال النقاش على أشدّهـ):D :D

أول شيء حبيت أجاوب على العضو القدير:التويجري

اقتباس عندما تتزوجين رجلاً ليس لوالديه غيره لاأخت ولاأخ ..! فهل ترين قيامكِ بواجب البيت كاملاً مذلة أو نقصٌ في الكرامة ..؟

لا لا لا مذلة ولا يحزنون ...والله لي الفخر والعز أني أخدم أم الرجل بالعكس هي بمكانة أميمتي
ومثل ما أنا أخدم أم زوجي أبغى مرت أخوي تخدم أمي
*************************************************
أختي تالي حياتي موت قبل ماأرد عليك لاحظت عليك ملاحظه وهي بقولك:

اقتباس إيـــه والله كــان هــــــذا تـفـكـــــــيري مـن قـبـــــــل .. لكــن أعــــــــرف وحــده تــزوجــت واحـــد فــوق الثـــــــلاثين وجــاهــا قولــــــــون مـنه ومن غثــاه .. ويـكـــــــون بـعـلمــــــك يـحـبـهـــا بـشـكــــــــل لكــن مـادري لــيـه يـسـوي كـــذا .. وانا اللحــــــــين خـــــــــلاص لا ثـــــلاثــيني ولا عـشـــــــريني ولا يحــــــــزنون بـصـــــــراحــه ضـــاعــت الـطــــــــاســه ..

ياحبيلتس ...شكلتس تاخذين الدنيا بتجربة وحده (سيئه) من مئات تجارب (حسنه)
ولا......
الحين بس شخص واحد أو تجربة أحد قريباتك.. قلبتي كل الموازين.
شكل وحده أشتكت عندك من زوجها هي وخويتها ..وأخذتي طابع أن كل الرجال زي بعض
********************************
بسم الله:

اقتباس وأنــا مــاقــلــــــت أنــه تســـــــب بـمـجـلـــــــــس مــلـيـــان .. ويكــون بـعـلمــــــــتس المـظلـــومــه دايـم تكـــــــــون مـطـنشــــــه يعنــي خــــلاص بايعتهــــــــا

هه أجل وش أدريك أن الحريم مظلومات
ومن قال ن المظلومه تكون منطشه يابعدي..
هماك تقولين أنها أنسان تحس وله مشاعر زيه زي خلق الله
(تحاول تبتسم تخفي الألم اللي بداخله)
وهذاك قلتيه أن المظلومه تصير منطشه وشلون دريتي..!!

اقتباس أكــــــــــيد لكــن المـــــــــره مهمــا كــان أضـعــــــــــف .. والــرجـــــــل بيــــــــــده كــل شـــي ..

لا حول ولاقوة ألّا بالله
(تدرين أنتي وش الحكمه أن الله خلى الطلاق بيد الرجل ؟؟
لأن الرجل مايزين شيء ألّا بحكمه منه وتروي وعلى هونه ويفكر بشويش..
ولو هو بيد المرأه والله كان من ليلة الزواج تطلق زوجها بالثلاااث عشان شيء تافهه :D :D

وشوفي الرجل اللي أعرفه متحمممممممممل زوجته الله يسعده به أن شاء الله وتعقل
ولا راح يتزوج عليه وهذا الشيء بيده ويقدر ولاتقدر تمنعه بس متحمله
وبعدين المرأه إذا بغت الطلاق تطلب من رجله وأن عيى الزوج تذهب إلا المحكمه ويطلقه غصب
(وش تبين أكثر من هالدلال ياحبيبتي)
وإيش تقصدين أن الرجل بيده كل شيء ؟؟؟؟؟؟؟؟؟؟؟؟؟؟؟

اقتباس واحـــــــد مــن مـلـيـــــــــــون .. وش اللــي حـــاده عـلـيـهـــــــــــا ..

أجل المرأه اللي تهرج عليتس وحده من بليون
واللي حادّّّّّّه عليها أنه رجل حكيم يأخذ الدنيا بحكمه وتروي
ومثل ماقلت لو المرأه كان على طوووول طلاق (تراه مهب كلهن)

اقتباس هاهاهاهاهاهاهاهاهاهاهاهاها كـــــــــــلام نظــــــــــــري قـســـم بالله .. أم زوجــــــــــي لهــا مـكــــــانتهــا بـــس مــا تقــارن بأمــــــــــــي .. وأنتـــــــي اللحــــــــــين فـضـلـــــــــتي أم زوجــك عــلى أبــــــــوك .. وهـــذا مــن الكــــــــلام ألا مـعـقـــــــــــــــــول ..

ومن قالك أني فضلته على أبوي ..
الظاهر أني أقول أنه بمنزلة الام ...
والكلام مهب نظري كيذا أمي تعامل جدتي وكيذا زوجة أخوي تعامل أمي
وكيذا أختي تعامل خالتها

اقتباس أقـــــــــوم بـالــــــواجــب بـحـــــــــــدود المـعـقــــــــــول ولا أســـــــــوي شــي بـالأجـبــــــــــــار ..

حلو طيب وراه أقول أن أم زوجي بمنزلة أمي تقولين لااا ماأطيعه طيعه مفرطه
وبعدين وش قصدك بمفرطه؟؟؟؟؟؟؟؟
يعني أظربي مثال لأم زوجتك أنه تأمرك بأمر مفرط كما قلتي

اقتباس الـرجــــــــــــــــال وقـلت بالمــوضــوع أنــي مــا أقــصـــــد محــارمــي ..

وراه محارمك مهب رجال


أنتظرك