[سيف الدولة]

السلام عليكم ورحمة الله وبركاااااااااته



صباااااااااااااااااااح الخير




من الافضل عدم الاستعجااااااال والمغامره في شغله ما تعرفها

خلك مثل ما قالوا الاخوااان

خلك طالب مستمتع
وادخل السوق وشف كيف البيع والشراء
ولا تستحي يعني خلك ملقوف شف وأسال عن كل شي على شان تكون على بصيرة

والله يرزقنى واياكم من واسع فضله

[خنشليلة]

اقتباس المشاركة الأساسية كتبها مملكة المحترمين خنشليلة انا ساكن في القصيم طيب وش رايك لواشتري تمر من القصيم واجيبه للرياض يمشي

100%

بس تعال بتاريخ 11/8/1428هــ


وما عليك

ان شاء الله ان تبيع بيع القدره


وتبي تستانس لان كل الي بالسوق قصمان



تعال بسرعه

[حديث الساعة]

مثل ماقالو اشتر من هنا وبع بالرياض,,,,,,,
او دور لك على زبون ثقيل,,جار اوعم اوخال اوصديق واشتر من السوق ووصل له يبي يوصيك هو واهله ورفقاوه
او مدرسه ...اي معلمه تراهن يطلعن قروووووووووش
ويحبن يوصن,, احيانا مايلقن احد ينقي لهن التمر الزين ,,
دور لك عمه والاخاله تدرس وجب له سطل وقل وريه المدرسات وخله هديه يتقهون عليه ,,وتبي تشوف الطلبات بإذن الله..
وقل له انا اشري لكن التمر اللي تبن ووصله لبيوتهن بعد,,بس انتبه لا تاخذالا الزين الملكي ,,

[مملكة المحترمين]

جزاكم الله خير جميعآ
وماقصرتو بصراحة ردودكم اثلجت صدري
وشكرآ

[وحـيــد الـجـزيـرة]

أنصحك تجي عندنا بالرياض بسوق الربوة..... به الخير والبركة..

وخاصة اعرف ناس شخصياُ من القصيم عموماً..

يجون يبيعون بالرياض..

وفيه بعض الناس بمزارع طريق الخرج أيضاًُ يجون يبيعون بالربوة..

والبعض يبيع بالقصيم..


أنا بالخدمة..

أي شيء تبيه على الخالص..

وأخيرا أحيي فيك هذه الهمة اعالية التي غالباً مايفتقد إليها بعض الشباب..


عين الله تحرسك..

[مملكة المحترمين]

وحيــــــــــــــــــــد الجــــــــــــــزيرة
جزاك الله كل خير
وماقصرت

[خالدوف]

أنصح الجميع بسماع شريط هنا السوق للشيخ عبد الله العيادة فهوجميل في هذا الموضوع

[خ.الخريصي]

والله الرزق بالتمر شي ولله الحمد ممتاز جدا
بس أهم شي

الصبر ( مو أرزقني واعجل )
ولالالا تطمع ( في التأني السلامة وفي العجلة الندامة )
واهم شي وانت في بدايات عملك أن تتقن التوزيع يعني أكسب لك اسم باللي عندك بالبداية إذا تبي المواصلة بأن يكون بضاعتك جدا نظيفة والربح فيها ليس بالكبير .
واتمنى من الله عز وجل أن يبارك لكل من يتاجر بعرق جبينه
وكما قال النبي - صلى الله عليه وسلم :- ( تسعة أعشار الرزق التجارة .. ) أو كما قال عليه الصلاة والسلام