[متهور]

اقتباس المشاركة الأساسية كتبها مدحت شوقي بريده هلا بالبي متهور .. يابعدي انت .. والله يالبي ان الحفاااايظ والقواطي والقراطيس والباغات .. إنه تنافس السمك بكثرته على الشواطي .. والبلدية عجزت وهي تقشقش ورى هالعااااااالم .. الواحد اذا قام من محلة تلقاو مدعية تقل مكب البلدية .. يادافع البلى .. والحريم اللي يغيرن لبزارينهن .. النظيفة منهن تحط الحفاظة بكيسة وتجدعة .. اما الوصخااااااااات فهي تمحش .. وتجدعه .. وقضينا .. الصراااحة أن المسألة يبي له توعية اعلاااااااامية .. والمهم أنه يكون فيه توعية ذاتية .. لأنه أذا ماهنا توعية ذاتية ولا قبول أو إقتنااااااااع .. تسان لو تصيح من الصبح الين الليل ماحولك أحد .. يدخل منا ويطلع من هناااااااااااااااك .. سي يو ..

ومع التوعية لابد من عقوبات صارمة لكل من يساهم بتدمير الشواطئ !

الحكومة لاتعجز عن الضرب بيد من حديد إذا أرادت

مبدأ العناية بهذه الشواطئ وأخذ شريحة كبيرة من المجتمع بالاعتبار غير موجود في أجندة المسئولين
هذا هو حال الشواطئ والوضع السياحي في جدة والدمام ومن زمااااااااااان

وأعطي مثال بسيط في شاطئ الجبيل الجميل والنظيف والرائع

كل شيء في شاطئ الجبيل يفتح النفس على الرغم انه متواضع ومايليق ببلد نفطي ولكن أفضل من غيره ( الله يسلم الهيئة الملكية فيها ولا كان نشوف علوم)

وش الفرق بينها وبين بقية مناطق الشرقية والغربية ؟؟

مفهوم ( المواطن ) غير موجود عند كبار المسئولين عندنا

وأكبر دليل الطفرة المالية الرهيبة التي تعيشها البلد من سنوات وبدون أي فائدة ملموسة للمواطن !

الفقر يزيد ، البطالة تزيد ، حال الطرق ماتسر ، الصرف الصحي زفت ، حقوق الإنسان من جفرة لدحديرة ، نسبة كبيرة من المواطنين يعيشون بشقق مفروشة تحت جبروت وسلطة المالك يزيد الاسعار بدون أي رقيب أو حسيب ، حتى أسعار المواد الغذائية ماخلوها بحالها الحرامية واللصوص ، جامعات زفت وتعليم أزفت ، هذا إذا لقى المواطن الغلبان كرسي في الجامعة !!