[راعي الطيب]

هلا بحبايبنا

ياشباب هالقسم " سوالف كشكوليه " يعني لازم تصير فيه سوالف بين الأعضاء عشان تزيد المحبة ويزيد التعارف بين الأعضاء , وأيضاء تزيد الوناسه الطهبلهـ بلا حدود , وعشان نسمع قصصكم وسوالفكم ...

ومن هذا الـ" door" يعني الباب ودنا نسولف معكم أحلى السوالف بعيداً عن الهوشات
"ومّاعط الشوش "

يعني السنافر والمرتزقه كلهم حبايبنا والزعل مالهـ داعي <<واللي يزعل يطق براسهـ الجدار:D


ننتظر طلّتكم البهية ...؟؟

[Fahad]

شكرا راعي الطيب

وان شاء الله نسولف سوالف زينه وفلة حجاج وطهبله بس الشااهي والقهوه يازينهن

[المميز نت]

هلا والله براعي البخور براعي العود هههههه هلا والله براعي الطيب

اقول من اللي راح لم مزاين العتيبة الهيلا >>>>>>>>> يعلمكم انه رايح

طعستو هناك ولا ماطعستو

اشكرك اخوي راعي الطيب

واشوف توقيعك به باترول اعجبن وش رايك تمرن بالبيت وتكشت بنا

[الوابل الصيب]

والله فكره حلوه ويالله ابدو

[دريم]

اقتباس ننتظر طلّتكم البهية ...؟؟

طيب كان بديت أنت

و خاصة إنك راعي ( الموضوع , الطيب )

8
8
8
إلى هالحين براسه هواش :D


و الله فكره حلوه يالغالي

وسجلن نفر متابع بحماااااس

[راعي الطيب]

اقتباس المشاركة الأساسية كتبها Fahad شكرا راعي الطيب وان شاء الله نسولف سوالف زينه وفلة حجاج وطهبله بس الشااهي والقهوه يازينهن

هلا بك يافهووودي <<< يمووون هو خشته

يله عليك عزبة القهوة والشاهي بس لاتنسى الزنجبيل والحليب تعرف هالوقت برد يعني لازم شي يدفينا :D

أنا بإنتظارك يا ألبي

[راعي الطيب]

اقتباس المشاركة الأساسية كتبها المميز نت هلا والله براعي البخور براعي العود هههههه هلا والله براعي الطيب اقول من اللي راح لم مزاين العتيبة الهيلا >>>>>>>>> يعلمكم انه رايح طعستو هناك ولا ماطعستو اشكرك اخوي راعي الطيب واشوف توقيعك به باترول اعجبن وش رايك تمرن بالبيت وتكشت بنا

هلابك اكثر يالمميز نت

رحت لم المزاين وليتي مارحت حامت تسبدي غبار وحر بس قعدنا نضحك على هالخلق :D

ولقينا ناس مستصيحين ميتة قلوبهم بوسط السوق العام اللي يبعون به خمسة دببه معهم باترول وفاتحين الدرايش
وبصوت واحد " هيلا هيلا هيلا هووووووب "

منذ مبطي ما ادخلو الانعاش بوسط العتبان ويتطنزون بهم

اقتباس واشوف توقيعك به باترول اعجبن وش رايك تمرن بالبيت وتكشت بنا

ياخلفهم تستاهل من يمرك لأنك وقفت معي وقفة رجال بالهوووشه دايم تقوول " هووووو "

ياحبيلك لاشكر على واجب ..

أنا بإنتظارك

[راعي الطيب]

اقتباس المشاركة الأساسية كتبها رفيق درب المبدعين والله فكره حلوه ويالله ابدو

هلا رفيق


يله بدينا نحتريك تشارك معنا

[راعي الطيب]

اقتباس المشاركة الأساسية كتبها دريم طيب كان بديت أنت و خاصة إنك راعي ( الموضوع , الطيب ) 8 8 8 إلى هالحين براسه هواش :D و الله فكره حلوه يالغالي وسجلن نفر متابع بحماااااس

فرقى عين يوم شفت اسمك يادريم ومير ابلع ريقي

قلت شكله ناوي هوشه

بديت تزولي عند كل موضوع الله يغربلك

تكفى خلن اسولف على راحتي بالموضوع هذا<< حسيت انه متعذب من دريم

خلن آخذ راحتي بالسوالف

لاتدقق على هرجي ترى الدعوى ماتستاهل خلنا حبايب الله يصلحك


انا بإنتظار سواليفك الرائعة يادريم كل الود ...

[فارس نت]

هههههههههههههههههههه

ذكرتن بموضوعي الأول

طق مئة صفحة كان نفس موضوعك بس أحذفوها




اقول كيف الحال وشلونكم عساكم طيبين وش أخباركم >>>>>>>>>>>>>>جاب شئ جديد


اقول مع السلامة عندي أختبار صعب


كلام داخل على كلام مهب لم قلم

[شاعر المليون]

.......



ارحبوا يا راعي الحلال هااااه وش نوحك ما تسرح بالحلال <<< مستخف دمه ابو سيقان

يا الراعي بما انك اول من دري ان ضرس العقل بتاعي على وشك الخروج الى النور
فلا تلومن لا شفتن أتغلى ( خلاص أحس اني عاقل )

على طاري الضرس . . الاسبوع اللي راح وبينما أتجول في ربوع مدينتي الغالية ( اللي بعروق راعي الطيب )

صليت بحدا هالمساجد وكان على يساري ولد خالتي الصغير( بخامس ابتدائي ) وعلى يسار ولد خالتي عامل له شنب عظيم له بداية بس ماله نهاية ما تقول الا مدرج طيارة من كبره يعني من شكله توحش . . المهم كبر الامام وبدأ بالفاتحة الوضع عادي يوم بدأ الامام سورة نوح ويبدأ يضرس العامل ( يضرس بمعنى يحك ضروسه ببعض ) بهالموقف حسيت ان ضروسه تركيب من شدة الصوت اللي يطلعنه . . ولد خالتي صارن شديقاته حمر وانخرش . . شوي إلا العامل يبي يقطع زراره ويبدا يهرج هرج خفيف غير مفهوم . . عقبه ما دريت إلا يوم تسلقط ولبط على ورى ويصير تحت رجلين ولد خالتي ويبدأ يرررررهش . . ولد خالتي يناظرن ورجلينه ما تشيله متوحش بلحيل . . ويجيك واحدن يقطع صلاته يوم ناظرالعامل تبين انه مصروع ( الله يشفيه ) . . يوم طلعنا الى ولد خالتي يا مسكين ما يلقط نفسه من الروعه ويقول وراك ما قطعت صلاتك وهجيت ( والله ما أحللك ) <<< أنواع البراءة

( وه بس ) يالراعي خلاص لاتقول اكتبوا مواقف تبدأ توجعن اصيبعاتي

ودمتم سالمين .. ددددمتم .. دمتم دمتم ساااااالمين <<< هجت بهـ الرصة



.......

[راعي الطيب]

اقتباس المشاركة الأساسية كتبها فارس نت هههههههههههههههههههه ذكرتن بموضوعي الأول طق مئة صفحة كان نفس موضوعك بس أحذفوها اقول كيف الحال وشلونكم عساكم طيبين وش أخباركم >>>>>>>>>>>>>>جاب شئ جديد اقول مع السلامة عندي أختبار صعب كلام داخل على كلام مهب لم قلم

ياهلا بك يافارس نت الله يغربلك باتسر عندك اختبار وداخل النت والله انك منسم :D


وييييييه خنت حيلي انت ليه يحذفون موضوعك

اخاف يصيرون قلبوا الموضوع اللي ياصل رقم خمسة يفلق العضواللي يبي

[راعي الطيب]

اقتباس المشاركة الأساسية كتبها شاعر المليون ....... ارحبوا يا راعي الحلال هااااه وش نوحك ما تسرح بالحلال <<< مستخف دمه ابو سيقان يا الراعي بما انك اول من دري ان ضرس العقل بتاعي على وشك الخروج الى النور فلا تلومن لا شفتن أتغلى ( خلاص أحس اني عاقل ) على طاري الضرس . . الاسبوع اللي راح وبينما أتجول في ربوع مدينتي الغالية ( اللي بعروق راعي الطيب ) صليت بحدا هالمساجد وكان على يساري ولد خالتي الصغير( بخامس ابتدائي ) وعلى يسار ولد خالتي عامل له شنب عظيم له بداية بس ماله نهاية ما تقول الا مدرج طيارة من كبره يعني من شكله توحش . . المهم كبر الامام وبدأ بالفاتحة الوضع عادي يوم بدأ الامام سورة نوح ويبدأ يضرس العامل ( يضرس بمعنى يحك ضروسه ببعض ) بهالموقف حسيت ان ضروسه تركيب من شدة الصوت اللي يطلعنه . . ولد خالتي صارن شديقاته حمر وانخرش . . شوي إلا العامل يبي يقطع زراره ويبدا يهرج هرج خفيف غير مفهوم . . عقبه ما دريت إلا يوم تسلقط ولبط على ورى ويصير تحت رجلين ولد خالتي ويبدأ يرررررهش . . ولد خالتي يناظرن ورجلينه ما تشيله متوحش بلحيل . . ويجيك واحدن يقطع صلاته يوم ناظرالعامل تبين انه مصروع ( الله يشفيه ) . . يوم طلعنا الى ولد خالتي يا مسكين ما يلقط نفسه من الروعه ويقول وراك ما قطعت صلاتك وهجيت ( والله ما أحللك ) <<< أنواع البراءة ( وه بس ) يالراعي خلاص لاتقول اكتبوا مواقف تبدأ توجعن اصيبعاتي ودمتم سالمين .. ددددمتم .. دمتم دمتم ساااااالمين <<< هجت بهـ الرصة .......

اقتباس ارحبوا يا راعي الحلال هااااه وش نوحك ما تسرح بالحلال <<< مستخف دمه ابو سيقان

اتفقنا مابه هواش يالشاعر لأنه به ناس المرتزقه يدورون القلهي وخاصة واحد اسمه دريم الله يغربله ملوسن ولد الريح

تنسم ولد خاللك أحلف انك خفت اكثر منه

وبالنسبة لضرس العقل وبما انك توك تصير رجل لازم تعشينا لأنك خلاص الحين تحسب من الرجال..

وهـ بس الله يعينك على هالضرس والله ياهو بهذلن يوم طلع رويسه

[راعي الطيب]

ياشباب حق علينا أن نرحب بالعضو

" عـــربـــجـــي قــاااضــي "

ونقول له طهوووووور وماترى بأس ياحبيبنا المنتدى بدونك كان كسل

ونقول له حمداً لله على سلامتك ياخلفهم وعسى الشر مايجيك

بس ماتلاحظون أنه ماتغير به شي الواحد اذا حصله حادث وإلا شي يركد وهو ماتغير به شي

" هذا حمد وهاذي خلاآآآقينه "