[مغترب عن بريدة]

بسم الله الرحمن الرحيم أختى الغاليه أم دحيم
السلام عليكم ورحمة الله وبركاته وبعد ....
خطكم الشريف وصل وفرحنابهُ ... وكثر الله خيـركم على الـمقطع
والغدفه الي كزيتي لي وأبشرك إن أخبارنا تسّرك . البقُره أضنت ، ونوير مخطوبه ، وعويش فطمناه من الرضاع ، وسويره رفعناها من السقاط ،وصويلح شرالُه دنانه ، وسليم ختم الـمصحف ، وعزيز الصالح طاب من الطنان، وسند ولد مضيوي بدأ يحبـي والحمدالله طاب الجحام اللي بعينُه ، وأنتـي صادقة حطينا عليّه تبنه ، وحصيصه طابت قطوفَه اللـي براسهْ ، ومنيـرمشطناهَ ببو ورده .
وأم سويلم طلعت من الـماجب وتمْمْنا لسويلم ، والنعال الزنوبه اللى
تخبـرينه عندنا هاك السنه رقعناه ، ومقطع الروز خبناه ،والدوشق غيرنا قطاعتُه ، والسفرة الكبيـرة علقناه بالقبُه ، وحطينا بيت للراديو و الـمصحف حق عـمـي ، والسراج زينا فتيلتُه ، والزبيل مليناه حتات من نخلتنا، وشرينا سحاره ولقيناه منكسره ، وابقولس أنـي مع هالحمولـه غاديه حوسه. الطايه تخر ، والـمثعب منشق ، والقوتاله منقلعه وصاير باب الروشن منكسر والـموقد مسنْي والبـريق منقشع والله يهديس يخيتـي أم دحيم الـبزار اللـي كزيتيه شوي الكركم بُه ، والـمسمنه تقل رماد مابُه ليمون والفتيت مسرىوالكليجا تقل عظامه ، وذا بغيتو تكزون شى .. كزوا شي يبل الريج ويواجه عندالحمولـة . معكم علم أن حمولتنا ناس نقاده وخالتي شراهه وعمتنا خقنه مايجوز لها شى مثل رقاص الساعه ، وحريم عمومتنا صرت أثم لهن ، وجذاعينهم شيبان كبـرى يتـرددون على هالجصْه قضوا على النعمه الله يهديهم وأنا ماودى أطول عليس السالفه عسى مايخلينى منس ، ولامن جناين قبلك وسلميني على خاصة نفسك ومن يعز عليس أخص بالسلام الرقوي وحصوص وقوليلهم والله ماخلان أقصر عنوتيو أشوفكم إلا إني عويجزه ولاصقه على ظهرى وضليعاتي ومارخه كتوفى ورجيلاتي بالفقس ومعك علم هالريح يعودن بين حين وحين يالله حسن الخاتـمه والعمل الصالح وسلمي وأنتي سالـمه ....... أخيتس أم نويــــــــصـــر ... ومــع الـســلامــــــه .

[نبع الحنان]

لم أفهم أي حاقة

[بدر الشايع]

هههههههههه
والله حلوه هالحركه منك ( مغترب عن بريدة ) , وكثر لنا منها الله يعطيك العافيه على الموضوع.

[مالكوم إكس]

هذا اردو ولا عربي هههههههههههههههههههههههههههههه

والله انك مصرقع .....

[مغترب عن بريدة]

الاخ نبع الحنان

انت مــدلّـــع

----------------
الخير واااااااجـــــد
انتظروني

[بلا مجاملة]

الأخ مغترب عن بريدة

أقول لعلك الأن قد رجعت لبريدة ، فالموضوع له ست سنين


في الحقيقة و إن كان موضوعك متكلف شوي إلا أنه مضحك