[مدحت شوقي بريده]

مساجدنا والرجال والتراويح ... ياحليل ميدهم ...


يطلع الوالد من بيته متقفي عياله الى المسجد ...
علشان يصلون التراويح ...

مأن ان يدلف الوالد زلفة الباب داخلاً الى المسجد ..
الا وتجد الأبناء متفلتين من بين يديه ..
يصيح بهم (( وين ياولد )) فيردون نبي نتجدد .. ( اي هين )

اقيمت الصلاة والبزارين (((( تكرمون )))) في دورة المياه ..

هذا يضرب هذا وهذا يرش الثاني بالماء .. وهلم جرا ..

وعند الركعه الرابعه تسمع مدابج رجليهم ومراكضهم علشان يلحقون الركعه ..

انتهت صلاة العشاء ...

شرع الأمام بالتراويح ... المؤدب بهم تلقاه بأخر المسجد (( منجطل ))
او داق حنك مع خويه .. الين يركع الأمام همن يجيك داق الف يبي يلحق الركعه ..

الصنف الثاني وهذولا هم (( العلل ))
اللي يقعدون برى .. وخذ يالعب بتفيخات الماء او الشروخه ... والزعاق
والهوشات ويشغلون الماره بالطريق ..
... وأبائهم بالمسجد يصلون .. وكأنهم مطلعينهم لإستراحه ..
ياليتهم مخلينهم بالبيت ويفكون الناس من شرهم ...

واذا انتهت التراويح .. نادى الشايب عياله ...
وتقفاهم راجعين للبيت ..

انتهى كلامه رحمه الله ..