[مدحت شوقي بريده]

السلام عليكم ..



حيالله شباب منتديات بريدة ستي .. اعضاء وعضوات ..
تماسيح وشباصات .. احياءً منهم واموات ..

اعود اليكم بعد رحلة على الشاطئ الشرقي مع جدتي موضي .. وذلك بعد ان نشبت بحلقي ..
تقول ابشوف هالبحر اللي يقولون انه مالح وغدار ..
وبعدين ودي اسبح بالبحر بس خايفتن من البرد ..


اخذناااااااااااااه ورحنا للشرقية .. ولاوقفنا الا على شاطئ نصف القمر .. ( الهااااااف مون )

عاااااد حنا مانبيه تسبح وقلناه له .. ياميمتي توهم يعبونوه البلدية مابعد امتلى ..
ماتشوفينه مايغطي الا الرجلين ..

قالت ماعليكم من .. مالكم دخلن بي ..
وترى ان ماتركتون اسبح .. والله لاأحرمكم من الميراااااااااث ..
بلاااااااااااكم ماتدرون انهم من اول يسمونن الفقمة .. من كثر مااسبح ..:D

اقول لاتخلينا يالميراث .. الله يستمعتس يقول انتس تقسمين ايجارات برج الملكة مع الوليد ..
كل اللي عندتس شنطة هالحديد وحتى البسطة اللي به (دين )


وحنا قاعدين على الشاطئ والا هي تمر من عندنا .. لابستن ثلااااااااث بجامات وفوقهن المايوه ..
وتبي تروح تطب بالبحر .. وتنادية امي وتقوله ياخزياااااه وشلون تطبين وهالعالم تناظرتس ..
قالت ماعليتس من انثبري بس اللي يسمعتس يقول اني طابتن مصلوخة ..


المهم قمنا وعبينا له ( الطشت ) وقلنا له تعالي هنا اجل ..
وحطيناه بالبركس ( بالمظلة ) وقعدت تطااافش بوه ..


بعد ماطيحة اللي برااااااااااسه وسبحت وطافشت بهاك الطشت ..
طلعت وقعدت عندنا وشافت البحر ماتحرك .. قالت وراهم ماعبوه .. يمكن الدينموا خربان ..
عاااااااااااااااد هي جلست وشغلت الراداااااااااااااار على هالنااااااااااااااس اللي جالسين على الشاااااااطي ..


وهي تتفرج وتطيح عينه على عائلة وقفت بجنبا .. واتسلط علهم ..

ماشاء الله شكلهم معاريس هذولا مامعهم بزاااااااااااااااارين ..
الا والله دوتس الشغالة نزلت شايلتن معه بزر ..

ناااااااااه سلة هالزمزميات اللي معهم .. والله ماتقولين الا سلة اختي مزنة اللي تسد اخذته من الصانع ..

هاللحين وراه هي واقفتن عند البحر .. والرجل والشغالة هم اللي ينزلون العفش ..

ياويلي دوك كرشته اثره حاااااااامل .. واويلي وش هالدبشة .. اوقفي اوقفي لاتطيحين بالبحر ويطيح ولدتس ..

دوك دوك وش يسوون .. قاعدن يدحا اثمه بالأكل اقول مير نفرتن تبرزخ جلدك ..
وهي مقطعتن ايديه وراه ماتاااااااااكل هي جعله للمر ..
ياميمتي ماعلينا منهم .. الهي عنهم اتركيهم .. حنا جايين نستانس والا نبلش بالناااااااااااااس ..


عاااااد بذمك دوك وش مسوين بالشغالة ..
ياويلي قاعدتن تحت السيارة وجادعين له الأكل يادافع البلى .. تقول بسة:D ..

وين يبون قااااااموا .. دوكم دوكم ركبت هي بالسيارة والرجال والشغالة ينفضون الفرشة ويضفون العفش .. الله اعلم ان هذا ( شهره ) زاااااد بطنه نااااااازل صاريتن تقول كنغر ..:D


ياميمتي اغدينا نمشي حنا بعد .. اكلنا البرد وانتي اكلتي هالعااااالم ..


وحنا نضف عفشنا وقف عندنا الرجال اللي كان جنبنا وقال ..
يالبي خوذو برطم هالعجوز ناسيته عندنا .. من جلسنا وهي جادعتن خشته علينا ..



[GLINT]ياناس ياعالم اللي يطلع للبر والا يروح للبحر .. لايبلش بالناس ..
وينتبه لنفسه ولعياله وللي معه .. ويترك الناااااااااااس ..[/GLINT]

سي يو ..

..........................

معاني الكلمات :

تركتون : هذا بزر يقول دركسون ..


( الشرااااااااااافة ) :

الشرافة لغة :
حسحس شعر ركبتي اذا صار شي قدامك ورحت وانت ماتدري وشو ..

وفي معجم اصول العرب في هرج الكرب ..
يقول العالم المصري : حماده نفسي اجيلك ..
ان الشرافة .. هي الشر.......افة .. ويعني ذلك ان معناها .. آفة الشر ..


دوك دوك :هذي دعااااااية شمبوا عام 1215 هـ ومعناه ) افرك )
وافرك بمعنى انحااااااااااااش ..


وسلاام ائليكم ..

[خوي السرور]

إي والله أنك صادز يا أبو أبراهيم ..

عاد حنا يا سكّان الرياض مشكلة ..

تروح بأقصى الثمامة ومعك اهلك تبي تستانس وتخلي أهلك يستانسون همن ماتدري ألا هاك اللي حول يقول وخروا الفرشة لا أطاهـ ..

نعنبوا أبليسك ضاق البر ..

همن عاد تشوف عيالهـ ومرتهـ عيونهم طابتن بالفناجيل ..

وياحول الشغالة هي اللي ماتناظر .. مطنبسهـ ..

متى نتعلم أن كل واحد له خصوصياتهـ ووشسمه ذا ..

يالله سلام ..

[رجل الثلج]

حيهلا ...

رحلة وللبحر ومعك موضي , يعني حكمت إلا الهاف مون يامدحت مكان خربوتها حت وحده وطلعتوها باريس ...!

[!! آحلأم آلقصيم !!]

ههههههههههههههههههههههههههههههههههه

ياحبيل امك موضي ماعليك منه خله تاخذ رااااحته ههههههههههه

فعلآ فيه فئه من الناس مايحسون في انفسهم وهم يتكلمون عن الاخرين
اللهم لا شماته

يسلمووو مدحت ننتظر جديدك

[abo suliman]

ههههههههههههههههههههههههههههههههههههههههه
هههههههههههههههههههههههههههههههه

أجل عليه ثلاث بجامات هههههههههههههههههههههههههههههههه

ياحبيلك يأبو براهيم .. وموضوع ( بالصميم )

[S A L M A N]

يا حبيلك و يا حبيل جدتك موضي

[غريب وبين أهله]

وين حقنا من السمك ؟

موضوع اكثر من رائع



شكرا لك

[ميغا]

هههههههههه

يا مدحت .... المرة الجاية أبروح معك البحر ..... وعلى فكرة شكلك نسيت أن توضح كلمة ( وش هالدبشة ) ...

في كتاب معاني الكلمات الذي لا يزال تكمله تأليفه ....

تحياتي لك ....

[حبة فستق]

يجب على كل إنسان أنه لا يكون شَرُوْف ..

ليس له همٌّ إلا البَجَاحَة ومشاهدة الخلق وهم بالكشتة اللي وش اسمه ذا ..

ثم إنه مهب لازم أن الإنسان يذهبُ إلى الهاف مون عندما يريد أن يكشُت .... والسبب أنه ماتلقى ناسن زيُّك يَتَبَيْجَحُون ويَقْعُدُون يناظرون اللي ذهب واللي عاد .... أعتقد أن هذه الأسباب تيزي لكي يعلم الإنسان أن المثابرة والجد شيء لابديدا منه ..


..




ألف تحية حبيب ألبي أبو إبراهيم ..

[ولدالقصيم]

هههههههههههههههه


يعطيك العافية يامدحت

والحمدلله على سلامتكم

وسلامت جدتك موضي

[موهوب تميم]

ههههههههههههههههههه .. !

يألبي قسمن مهبووووولهـ جدك موضي , شكراً أخ مدحتوه , دمت لنا

[هدد 2007م]

وهـ بس وهـ ...


ياحبيلكـ انت وجدتكـ موضي ..


والحمدلله على السلامة يالبي ..

[~{ الوسـامـ ..]

هههههههههههههههههههه

هههههههههههههههههههه


عليه ثلاث بجامات وتسبح والله يا جدتك رهيبه

ياحوووبيلك يامدحتوه انت وجديدك تـ(غـ)ـبل مروري العطر<<والله ياهو واثق

[عـزتي في سمـو ذاتي]

افااااا تجي للدمام ولا تسير علي انا ساكن بالدمام ولي 15 سنة بهم شرافة وبعدين هاذي بحق