 |
|
|
|
|
11-05-2008, 02:12 AM
|
#11 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
من وحيّ المزرعة [ 3 ]
في أحد ليالي رمضان ، وتحديداً في العشر الأواخر !  والشيبان يصلون القيام كنّا نلعب بالسياكل بالشارع اللي عند المزرعة ..  طبعاً ممنوع اللعب بالشارع ، بس لا غاب البس إلعب يالفار !  قدّر الله علي علي وانقطع جنزير سيكلي .. وكان بي زود اهبال وابليس راكبن راسي الله يتسفينا الشر .. حاولت أطيّح حدى عيال عمي وأظف سيكله بس ماقدرت !  ورحت أدوّر بالملحق سيكل أظف جنزيره بس مالقيت ! وأنا طالع كنت أخطط شلون ألعب على أحد وأظف سيكله .. لعله طلع ولد عمي توه قايم من النوم واقترحت عليه يدفّن وأدفّه بسيكلي اللي منقطع جنزيره !  استانس لأنهم من الرياض ولا معه سيكل  الموهيم تهاوشنا أيّهم اللي يركب الأول .. وحطينا قرعة اللي تطلع له هو اللي يدف ، وطلعت علي ! لعلي دفيته .. ومن زود الهبال إذا قابلنا أحد من عيال عمي أدفعه عليه وأهج ! ثم يتصادمون ويتهاوشون وأطلع منه أنا سويت كذا 3 مرات .. بس ماهوب كل مرّة تسلم الجرّة ! بالرابعة كان ولد عمي ظاف سيكل عامل المزرعة << مقاسه 26 كبير  الموهيم قابلنا ودفعته عليه لعل اللي أنا أدفه كسر الطاره يمين وهج به على الجدار .. أما أنا هجت بي على السيكل الكبير اللي مقابلنا و صارت بي الدّقة ! كان به حديدة فوق الكفر ما أدري وش تبي ! الموهيم .. عجزت أوقّف روحي ولعلي طحت واستقبلتن هالحديدة واضربتن من عند الجبهة ! جبهتي انشّقت وبدت تخرخر دمّان ودرعمت للحريم قلت أموت عند أُمي أحسن لي يوم دخلت من اللعانة جدعت روحي بينهن عشان ينهبلن  الحريّم ياويلي صرّخن واللي تصايح واللي جابت قماش وحطته بمكان الدم واللي كزت ولده ينادي أبوي من المسجد ! راح الولد للمسجد وقال لأبوي .. وأبوي يحسبه جرح عادي قال إيه يحطون به لصقة ويشوي إن شاء الله وكمّل صلاته ! يوم جاء ولد عمي اللي مرسلاته الحريم قال يقول حطوا به لصقة ويشوي وياويلي نطّن به الحريم قالن قل له يبي يموت ولدك ! وأنا يقالي مغمى علي وأنا أدري وش يقولن << صدز أثرهن رحومات ياعمري هن جاء أبوي وشالن للمستشفى وخاطون وعيّدت بدون جبهة ! ومازالت الآثار باقية << أدري كل من شافن يبي يدقق بي وللتوليف أقصد السواليف بقيّة
__________________
 من التقاطاتي التي أفتخر بها لمدينة بريدة .. آخر من قام بالتعديل الفـــارس; بتاريخ 11-05-2008 الساعة 02:16 AM. |
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي