[بريداوي ليمتد]

اقتباس المشاركة الأساسية كتبها أبو محمد النجدي أمريكا كما تفضلت أخي شعب مسالم [ مقارنة ببعض الدول الأوروبية ] وشعب كما نقول [ مهكوك عليه ] أو مضحوك عليه , يدار بطريقة الريموت كنترول عبر الاعلام ( الصهيوني ) والإدارة المتطرفة ... لديهم احترام للآخر وهذا موجود وكثيرين يقولون هذا , ولديهم حرية في معتقدك شريطة ألا تؤذي غيرك وهذا الذي صوره الاعلام على أن المسلمين إرهابيين ومؤذين وبالتالي انطبعت صورة سيئة ! ختاماً يقول الله عز وجل [ ولن ترضى عنك اليهود ولا النصارى حتى تتبع ملتهم ] وهذا مصداق قول الحق فهم وإن أبدأو مسالمة لك إلا أنهم لن يرضوا عنك حتى تكون مثلهم تأكل من أكلهم وتذهب للقداس معهم وأتمنى أن تكون سفيراً حسنًا للمسلم السعودي وتبتعد عن الشبه [ المراقص والحانات والخمارات ]

اخي ابو محمد

فعلا مثل ماتفضلت به تماما

اقتباس لديهم احترام للآخر وهذا موجود وكثيرين يقولون هذا , ولديهم حرية في معتقدك شريطة ألا تؤذي غيرك وهذا الذي صوره الاعلام على أن المسلمين إرهابيين ومؤذين وبالتالي انطبعت صورة سيئة

!

لكن المشكله بعض الاخوان لا يعلم تلك الحقيقه وهذا مادعاني لكتابه هذا الموضوع

[بريداوي ليمتد]

اقتباس المشاركة الأساسية كتبها اخو دريحم تقوووول :عندي قصص كثيره عنهم وجميله ولكن واحده لن انساها : عطنا من الرخيص ليله جمعة وفاضين .!!

هلا والله باخو دريحم

لا ان شاء الله مالك الا قصصا صدقيه بس انت وسع صدرك

اخو دريحم ولايهونون القراء عندي مجموعه من القصص حدثت لي شخصيا و لزملائي وتخبرون قصمان ومشافيح ومدخلين انفسنا بكل مكان حتى رئيس الجامعه مسوين معه اتصلات وعلاقات وقد عزمناه على كبسه واكلات شعبيه
تخبر اخو دريحم يمكن ان شالله اخوك دريحم يجي يدرس بامريكا ونشوف له واسطه مع مدير الجامعه :D

مالكم بالطواله:
الصيف الماضي قررت العمل في احدى الشركات الامريكيه وهذا العمل يسمونه(انترنشب) يعني وظيفه صيفيه لطالب جامعه والهدف من هالعمل ابي اشوف هالامريكان وشلون يتعاملون مع بعضهم وكيف يشتغلون بالاضافه الى كم دولار يضاف الى مخابينا :D

فتره العمل شهرين فقط من الساعه 8 وحتى الرابعه
احداث كثيره لكن بعطيكم اللي استفدته باخر الشهرين:
1- الامـــــــــــــانه والثقه: تسالوني كيف واقولكم:
تخيلوا ياجماعه الوظيفه اللي اشتغلتها يعطونك راتب على عدد الساعات (مهوب مثلنا قطوعه) طيب منهو اللي يسجل ساعاتك؟
انت نفسك تقدر تحط الساعات اللي تبيها يعني تقدر تكذب بالراحه وماتجي الا ساعتين باليوم وتحط انك اشتغلت ثمان ساعات لكن عندهم مبدأ الثقه الكامله.

2- الاخلاص في العمل:مثلا معطيننا نص ساعه للغدا وانا بصراحه متعود اقل شي ساعه ونص على مامغط رجولي وعلى ماجلس واطلب وامدد رجليني بعد الاكل لكن اللي شفته ان كل الموظفين نص ساعه وهم بمكاتبهم ولا فوقهم احد.
3- الابتسامــــــــــــــــــــــــــــه: اااااااااااااااااااااااااااااااااااااااااه ياعالم ياناس والله انهم عذوبون بتوزيعهم للابتسامات , وين ماتروح وتجي او تتحط عينك بعين الاخر تلقاه يبتسم لك , تذكرت وقتها قول الحبيب عليه الصلاه والسلام ( ابتسامتك في وجه اخيك صدقه)

4- ماعندهم عنصريه : يعني مايقول المدير ايه هذا من نفس مدينتي بوظفه بمكتبي وهذا ماعرفه ولا هوب منا ومناب موظفه. كلهم سواسيه كاسنان المشط والبقاء للافضل.

5- وين ماتروح وتجي بهالشركه تلقى معلقين لوحه مكتوب عليها
( شركتنا (الفلانيه) لاتميز بين الموظفين على حسب لونهم او جنسهم او ديانتهم او مبدأهم الجميع سواسيه)

6- اغلب الموظفين حاطين صور عيالهم قدامه على مكتبه وبصراحه حركه اعجبتن لان فيها حس عائلي ووجداني جميل اغلبنا للاسف مفتقده . ومانسى صوره المدام على برواز على شكل قلب

الكثير والله من الاشيا الحلوه بس هذا اللي اذكره حاليا وابشر بالقصص يا خو دريحم بس خلك متواصل معنا

اللي موسع صدري ولله الحمد ان اغلب الزملاء الامريكان تغيرت نظرتهم لنا كسعوديين عرب مسلمين واكثر من واحد قالي ماكنت اتوقع ولا واحد في الميه اتقابل مع شخص عربي مسلم سعودي ويتعامل معي بهالطريقه (ذكرت هالشئ مهوب عشان يعني ترى ماشالله علي وش ملحي بس عشان تعرفون ان الناس ودها تعرف عنا ومستعده تفهمنا اذا قبلنا بهم وتحدثنا لهم )