[مزآجيـہ]

عاتي ايش فيها ..

الاهم انك تستخدم الجوال استخدام صحيح..

واي رقم غريب لاترد عليه..

[زيتوونة]

وش عليك من ميزانيات الناس ماحد حطك تشرف عليهن وماعليك مع البنات جوال مامعهن مب مشكلتك ومامتضرر الا من استخدمه لسوء

[مزآجيـہ]

>> فااااااااااطسة ضحك عالردود..

لعنبوكم الناس تطلع مشاكل لشي ثاني ..وانتم الجوالات..

متى هالمنتدى واعضائه بتصير ردودهم راقيه ..

استغفرالله العظيم ..

الحين كل ماسألت احد اعرفه عن المنتدى..

ودهم بطراق علي..يقولون الله يقرفك مالقيتي الا هالمنتدى..

اللي بس جالسين يسبون بعض 24 ساعة..

شوفوا لكم حل ياناس ..

ماصارت وربي من متى وحنا نقول ..

حسنووا الفاظكم ..

لكن لاحياة لمن تنادي..

الله يخلف..

ودي..

[هالي]

اقتباس المشاركة الأساسية كتبها زين البنات احسنت صياغه الموضوع فلك الشكر...... ولاكن اخطأت في العنوان.......ترددت كثيراُ في المشاركه لاكن عندما طال ذلك........ اوددت ان اقول لكم أنـــآ حــوآء .. قـــآرورهـ .. فــ ( رفقــآ بالقوآريـــــر ) .. كــــــذآ جـآكم بحــــــكم الله .. فـ طيعـوآ حكم منهــآجهـ ..

أشكرك على الرد الطيب لكن أخالفك فحواء اليوم تختلف عن حواء الأمس بالأمس كانت كالقاروره


الكل يحافظ عليها من الكسر فيرفق بها بينما اليوم صارالرجل أوبعض الرجال كالقوارير فارفقن بهم


ايها النساء ثم لدي مفهوم يخالف نظرتك بخصوص الرفق بحواء وتشبيهها بالقاروره ففي رايي


أن المحافظه عليهن هو بحمايتهن من كل مايحيط بهن من أمور قد توقعهن بالخطأ ومنعن من وسائل


قد تكون سببا في سقوطهن هذا ياأختي القصد والله يعلم بالنوايا والمقاصد ثم لماذا الزعل فالجوال


أصلا ممنوع بالمدارس ماعدا الجامعات وهذا يثبت أنني لم أكن مخطئا في موضوعي 0

[شقراء ومملوحه]

ايوا وبعدين وش الفايده من الموضوع.......
لافي أحد سحب الجوال من بنته
أرجوا حذف الموضوع

[الجآآآزي]

>>>فاآآآآطسه ضحك ع الردوووود



بريده ستي مااايتغير مشآآآآكل في مشآآآآكل

[شاعرها]

اقتباس المشاركة الأساسية كتبها الفــآهيه ( البنت لو حطيتها في علبه وقفلت عليها اللي في راسها تسويه )

صح .. يعني ما وقفت على الجوال

[شاعرها]

اقتباس المشاركة الأساسية كتبها هيبارا ياقدمكم والله العظيم معي 4ارقام وكلهن ابوي ومطلعهن لي وماعمره مر يوم ومافيهن رصيد و2 فاتوره ..!!! تبون شي يامتخلفين ومعي بلاك بيري وباقي جولاتي نوكيا بكاميرا بعد.. واختي توه باديه تمشي معه ايفون..

أكيد شغالتكم معه لابتوب سوني اجل 4 جولاات وBB وكاميرا بعد .. ماكأني سمعت احد يقول أذكرو نوع جوالاتكم لكن وش نقول تعووووويض وربي انه تعوووووويض

[معاشر الذيب]

اقتباس المشاركة الأساسية كتبها ام راشد هههههههههههههههههههههههههههههههههههههههههههههههه الى الان تفكيركم كذ1 من جد سخافه بعدين تقول مزانيه احنااا جايين شاحذينك افلوس والا ابوي طاق بابك يبي منك ريال بليز ترا البنت الي مظغوط عليه هي الي تسوي الخراب ام الي اهله معطينه كل شي ومع ذالك يرقبونه بس مويشكون فيه ماتسوي شي غلط للمعلوميه حط بالكم { الظغــــــط يولد الانفجــــــــــــــــــار}

والله انا مع كلام امـ راشد { الظغــــــط يولد الانفجــــــــــــــــــار}

[( ســـويــم )~]

شاعرها انا كيفي حره بقول اللي ابقول..
وعمرك شفت التزام بالمواضيع ؟؟؟انا ماقد شفت
تسيب في تسيب...
وبعد انا يوم اقول معي 4 جوالات انا عاارفه انه ماطلبوا
ذكر انواع الجولات قبل اشوفك بس انا يعني ابين لصاحب
الموضوع انه موضوعه فاشل وماله دااعي ..
يعني الواحد لاصار شكاك وماعنده ميزانيه يعمم علا كل خلق الله ..

كككككككككككككك اساسا مافيه شغاله عندنا ..
ونا معي لابتوب سوني عندك شي بتقوله؟

[بصير النجدي]

السبب هو المجتمع أولا وأخيرا

[سمره ومملوحه]

ههههههههههههههههههههههه
للحين موجود الموضوع
ايه نسيت اقولكم لاتنسون تسحبون الجوالات من بناتكم خخخخخخ

[الـعـابـر]

انا كنت ابشتري جوال لبنتي " صغيرة طبعا"
لكن بعد هذا الموضوع تراجعت .
يالمشرفين حرام عليكم ميزوا هالموضوع وثبتوه
هذه المواضيع هي التي تفتح باب الميانة بين الجنسين

[شقراء ومملوحه]

اقتباس المشاركة الأساسية كتبها من الجماعة انا كنت ابشتري جوال لبنتي " صغيرة طبعا" لكن بعد هذا الموضوع تراجعت . يالمشرفين حرام عليكم ميزوا هالموضوع وثبتوه هذه المواضيع هي التي تفتح باب الميانة بين الجنسين

؟؟؟؟؟؟؟؟؟؟؟ظإلى هالدرجه مو واثق

تخلف