[المتزن]

اقتباس المشاركة الأساسية كتبها وحــــــــداني ههههههههههههههههههههههه اعذرن يابو فهد قسم بالله يالصور انه روعه مشالله والله يجزاك الجنة ووالديك والمسلمين بس والله اني ضحكت ضحك يوم شفت ابو فهد اللي على الجنب يعني الا بتثبت لنا فنياتك بالفتشوب شكلك تقول وش تبون اكثر من هالأبداع <<< صورة واحد يضحك بس وين اللي يقدر هالفن تحياتي القلبية لك يابو فهد ياحبيبنا وشكراً لك مرةً اخرى على المجهود الأكثر من رائع قبلة على جبينك

تسلم ياغالي .. تسلم .

تراك أحرجتن .

وبعدين أصلاً أنا عندي فنيات ( ولا مغنم أو يوسف الثنيان :D ) , بس ما ودي أطلـّعهن علشان ما تنحتونن .


وتقبل تحياتي 00
المتزن

[المتزن]

اقتباس المشاركة الأساسية كتبها الصباخ زين بإحتراء باقي الصور .. وإذا قضن الصور .. قص علينا قصتكم هناك .. زين ..

ما قضن الصور .. الخير واجد

لكن الصور الجاية يبي يصيرن من مناطق غير وندرمير , بس شكلي أباقص عليكم قصتي هناك قبل الصور ( يعني فاصل إعلاني )


والله يستر لا أقعد أسبحن عليكم سبحانيه وبعدين ادخل جو واقعد اوبـّر عليكم . :D


وتقبل تحياتي 00
المتزن

[الصباخ]

طيب .. أنت سو اللي تبي ..



بس أهم شيء لا تسهجنا ..


كمل .. كمل ..

[المتزن]

اقتباس المشاركة الأساسية كتبها الصباخ طيب .. أنت سو اللي تبي .. بس أهم شيء لا تسهجنا .. كمل .. كمل ..

سم وابشر .. من " عنوني " .


وتقبل تحياتي 00
المتزن

[وحــــــــداني]

تسلم تسلم يابو فهد ياحبيبنا

ننتظر

[المتزن]

اقتباس المشاركة الأساسية كتبها وحــــــــداني تسلم تسلم يابو فهد ياحبيبنا ننتظر

ابشر باللي يسرك وانا اخوك , بس انتظر علي شوي الله يخليك تراي قاعدن اجمـّع واوثق الصور كلهن علشان ما أبطي بعد ذلك

فبعد تفكير , وجدت أنّ الأفضل أني احط الصور مع التعليق عليها أو قبلها ..
وباقي التعليقات والمعلومات , ممكن أذكرهن بعد ذلك إن لزم الأمر .


وتقبل تحياتي 00
المتزن

[المتزن]

بلدة وندرمير اللي شفتوا صورها فوق كانت هي آخر محطة من رحلتنا قبل رجوعنا للسعودية .. لكني بدأت بها لأنها أجمل منطقة ذهبت إليها .

والحين راح أبأ بكم من أول مدينة سكنت فيها ثم بعد ذلك أعطيكم خط السير كاملاً .

الديرة اللي سكنت ودرست فيها ( طوال شهر ) هي مدينة صغيرة اسمها : هاستنق وهي تقع في جنوب شرق إنجلترا ( بالقرب من مضيق دوفر ) .

وهذي صورة للبيت اللي سكنت فيه :




وهذي كم صورة لكلية هاستنق اللي درست فيها :

1-



هذي الصورة من الخارج , يعني من المواقف .


2-




وهالصورة من الداخل ( من الجهة المقابلة للصورة السابقة )

وتشوفون هاك السطيح اللي بالزاوية يسار ( اللي بوسطه مدخنة ) ؟؟

هذا نبي نعطيكم كم صورة منه .

وعلى فكرة , هالسطيح هو خلف قاعة دراستنا مباشرة ( قاعتنا الكوخ ) .

يعني بكل بريك , نفتح الباب الخلفي للقاعة نشم هواء ونتفرج على البحر وعلى الديرة وعلى الطلاب اللي قاعدين


3-




4-




5-




6-




7-




8-




9-




=======

في المشاركة القادمة إن شاء الله , سأعطيكم نبذة عن ديرة رحنا لها في أول ( ويك إند )

وترى ما فيه صور واجد ( بس صورتين )


وتقبلوا تحياتي 00
المتزن

[برق1]

أخي المتزن :
ما شاء الله !
الحمد لله على السلامة ( لو جت متأخرة حيــــــــــــــــــــل )
صراحة أعجبتني كثيرا جدا جودة التصور ! وكأنك محترف متقدم ( لا تصير كذا وأنا ما أدري )
وأظل أتعجب من اختيارك الذكي لمكان التصوير , سبحان الله تختار نقطة تخلي الصورة وكأنها من صور التجميل المدبلجة

اللي يزعجني شي واحد بس , وهو إنك اخترت بريطانيا !
اتركنا من مسألة الكفار فهي ثانية
اللي أبيه إن بريطانيا بلد ( محارب ) وهي وأمريكا أشد الدول بطشا بالمسلمين هذه الأيام التي نعيشها
هس التي اغتصبت فلسطين وأقصاها لليهود
وهي ثاني أكبر حماة اليهود المحتلين اليوم , المدافعين عنهم المزودين لهم بالمال والسلاح والخبرات , المسوقين لبضائعهم
وهي وأمريكا التي تولّت كبر البطش بإخواننا بالعراق وأفغانستان وقتل ( مئات ) الآلاف منهم , وتهدم عيهم بيوتهم وتخرب مدنهم , وتسرق خيراتهم ويغتصب جنودها نساءهم
........الخ
هل فكّرت أن عشرة آلاف دفعها كل واحد منكم هناك مشاركة في رفعة عدونا الأول ورفاهيته
أما عن قولتك انك لقيت منهم ناس تعاملهم صح , فأقول , وكيف لا يعاملونك ( صح ) وهم يرون مسلما ( معتدلا ) على قولتهم , أي لا يعنيه شأن إخوانه الذين يذبّحهم جيشهم في الساعات التي يتضاحك فيها معهم هذا المسلم ( الحبيب ) وكأنه ليس مطلوب منه عداءهم شرعا .
هذا الذي يحز في النفس , وربي يحفظك ويوفقك لكل خير , ويجعل الخير اللي كنت راجيه من السفرة تحقق لك آمين

[الصباخ]

ماشاء الله .. إيه ويقولون وراه الواحد يبي يروح يدرس برى .. يشوف كل هالخضار والطبيعة .. وتبونه مايقول شيء ..



يالله الجنة ..








أقول أبوفهد .. سجل واحد متابع لك بكل دقيقة ..



انجز علينا واخلص وكمل باقي الصور ..

[GIVENCHY]

دوار الهدية خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخ




ماعرف انكت
تقبلو تحياتي:

جفنشي

[المتزن]

اقتباس المشاركة الأساسية كتبها برق1 أخي المتزن : ما شاء الله ! الحمد لله على السلامة ( لو جت متأخرة حيــــــــــــــــــــل ) صراحة أعجبتني كثيرا جدا جودة التصور ! وكأنك محترف متقدم ( لا تصير كذا وأنا ما أدري ) وأظل أتعجب من اختيارك الذكي لمكان التصوير , سبحان الله تختار نقطة تخلي الصورة وكأنها من صور التجميل المدبلجة اللي يزعجني شي واحد بس , وهو إنك اخترت بريطانيا ! اتركنا من مسألة الكفار فهي ثانية اللي أبيه إن بريطانيا بلد ( محارب ) وهي وأمريكا أشد الدول بطشا بالمسلمين هذه الأيام التي نعيشها هس التي اغتصبت فلسطين وأقصاها لليهود وهي ثاني أكبر حماة اليهود المحتلين اليوم , المدافعين عنهم المزودين لهم بالمال والسلاح والخبرات , المسوقين لبضائعهم وهي وأمريكا التي تولّت كبر البطش بإخواننا بالعراق وأفغانستان وقتل ( مئات ) الآلاف منهم , وتهدم عيهم بيوتهم وتخرب مدنهم , وتسرق خيراتهم ويغتصب جنودها نساءهم ........الخ هل فكّرت أن عشرة آلاف دفعها كل واحد منكم هناك مشاركة في رفعة عدونا الأول ورفاهيته أما عن قولتك انك لقيت منهم ناس تعاملهم صح , فأقول , وكيف لا يعاملونك ( صح ) وهم يرون مسلما ( معتدلا ) على قولتهم , أي لا يعنيه شأن إخوانه الذين يذبّحهم جيشهم في الساعات التي يتضاحك فيها معهم هذا المسلم ( الحبيب ) وكأنه ليس مطلوب منه عداءهم شرعا . هذا الذي يحز في النفس , وربي يحفظك ويوفقك لكل خير , ويجعل الخير اللي كنت راجيه من السفرة تحقق لك آمين

ياهلا والله ومسهلا يابرق1

والله يسلمك اخوي .. وألف شكر لك على الإطراء ( الذي لا أستحقه ) في مسألة التصوير .
وترى موب كل الصور بعدستي , بل فيها ما هو بعدسة محترف فعلاً ( وهو اللي خلان أصوّر صور طبيعية والا أكثر الصور اللي بعدستي فيهن أوادم )


أما مسألة الذهاب إلى هناك , فالرحلة ابتداءً جاءت من غيري وليست مني , فتكاليف التذكرة والسكن والدراسة ليست عليّ ولم أدفع فيها ( بنساً ) واحداً . وبالمناسبة : هالامور رايحة رايحة لي والا لغيري وحتى لو رفضتهن أنا وغيري , برضه نطلع خسرانين - كدولة - وبريطانيا كسبانة .

فهمت شيء ؟؟!

أما بالنسبة لبقية المصاريف , فقد كان معظمها أكل وشرب وتذاكر قطارات للتنقل بين المدن وشوي هدايا .. يعني اللي يمكن يوصل للحكومة البريطانية فتافيت ما يجيب ولا طرطعانة

وهالفتافيت يمكن ما تساوي شيء أمام الفتافيت اللي تروح للهند ( المحاربة للمسلمين ) من شراء المزة ولا الفتافيت اللي تروح لامريكا ( العدو الأكبر ) من شراء الفورد والكابرس واللينكون وطقتهن وبقية المنتوجات الأمريكية اللي بكل زاوية

ايه على فكرة :

تراي من المؤيدين لفكرة المقاطعة , ولكن ليس هكذا على إطلاقها .


ماتلاحظ طلعنا عن الموضوع ؟؟!


وتقبل تحياتي 00
المتزن

[برق1]

فهمت كل حرف من كلامك زين
ربي يوسع صدرك , ويريّح بالك .
وأشكرك على لطفك معي وكان بإمكانك تقول ( وش دخلك أنت ؟! ) وتعطين الخامس بدل هالشرح الوافي يا ابو فهد

عاد يبقى إن اللي ما يدرك كله ما يترك كلّه ((( إذا ))) كان عند الواحد بديل وبيده اختيار بداية من مقص الصلصة وطبعته المشهورة .

وتسلم .

[وحــــــــداني]

الله يعطيك العافية يابو فهد

ومازلنا متابيعين ..

[المتزن]

اقتباس المشاركة الأساسية كتبها الصباخ ماشاء الله .. إيه ويقولون وراه الواحد يبي يروح يدرس برى .. يشوف كل هالخضار والطبيعة .. وتبونه مايقول شيء .. يالله الجنة .. أقول أبوفهد .. سجل واحد متابع لك بكل دقيقة .. انجز علينا واخلص وكمل باقي الصور ..

تسلم لي عزيزي على المتابعة , وتراي اتشرف بمتابعة العصصة :D

أما الدراسة برا , فلا تحرص وانا اخوك لأنك تبي تشقى بالدراسة ومنتب قادر تتمشى وتروح وتجي على كيفك ..

وبعدين من زين اختباراتك أنت ووجهك علشان تدرس برا

وبالنسبة لباقي الصور يابو ريم , فترى ما بقى شيء يسوى من المناظر للطبيعة والخضار .. اللي بقى شوي معلومات وصور .


وتقبل تحياتي 00
المتزن