[[14]المايسترو[21]]

معليش أبا اتفلسف اشوي
طبعاً للإختبارات رهبة وكلون شعر بها قبل بدئها #فينيش#
طبعا أكتب وأنا نصي نوم لأن الظهر والعصر صاكه نومه مع اني شبعان لكن من زود الكسلللللللللللللللللللللل
ثانك يو صمصام

[خوي السرور]

اقتباس أحيانا يتصافقن عيوني من المذاكرة أدور زيتونة العين ما ألقاه الا بالشنق همن أعض على لساني وترجع <=== رقلة

أبتل أقول منسم

[وحيد الخلان]

من بوادر التجهّز للامتحانات ولله الحمد
قبل امس مغيّرن زيت الموتر .. واليوم غاسله .. وبه لمبتن ترمش عندي بالغرفة ابغيرهـ >> جاب البرنامج كله
يعني الوضع تمام التمام .. بس البليّه كلها من هالنت
حتى ان اميميتي الله يخليه لي قايلتن لي ونا امك خل عنك هالانترنت لين تقضي من الامتحانات .. ترى ماهوب نافعك ألا دراسك ..
دعواتس لي ياميمتي اني اخلص منهن على خير
وانتم دعواتكم لي اني اخلص من هالامتحانات على خير


سيااا

[خرمان توت]

أحسن شي إنك تبلد إحساسك ..


يعني العلاقة طردية ، كل ما شلت هم للامتحانات ، كل ما قل أدائك فيها ..
والعكس صحيح ..
كل ما تبلد إحساسك وروّقت أكثر .. تبي تمشي الأمور معك إن شاء الله ..
وهكذا دواليك < تحلف إن له أسبوعين يحفظ هالكلمة

^
نصائح مجرّب

[فارس نت]

اقتباس المشاركة الأساسية كتبها خوي السرور والله أنك صادز .,. لامنه جت الاختبارات الواحد يدور كل شين يتلهى به .. يبدا أول مايذن يروح يصلي ويبتل يتسنن و لو يشوف بيالة متروكة على طاولة الكمبيوتر يروح يوديه ويرجع يطقطق .. ماهنا مجلتن مايقراه ، وعادي تلقاوه يقراه للمرة الخمسين خلال يومين .. [MARK="CC3399"]لعبة ترافيان تشكي هاليومين [/MARK] الجوال يشكي .. تبدا الأفكار بتصليح لمبات البيت الحرقانة والنجفات وتنظيف المراوح وفلاتر المكيف .. أبد كل شي يدهر بالاختبارات .. عياااااااااال ، اللي يبي السعادة يترك الانترنت

تعرف اللعبة

[التويجري]

[A N A S]

اقتباس المشاركة الأساسية كتبها التويجري

أعرف واحد جاي يتطنز بنا معاشر الطلاب



تحياتي

[عبدالسلام بن خالد]

,

هلا أبو صمصام ,


تحس من الفضاوة أنه داخل السواليف ,

مايدخله ألا بالأختبارات ,

الله يجيب الأختبارات اللي نشوفك به .. :D

,

تصدق بالاختبارات .. تكثر المشاركات بالمنتديات ,

ولا قبل مالك خلق تشارك ,

,

ننتظر الباقي يابو صم ,


تحياتي ليك ,


محبك ,

[حفيد اعقيل]

0
0
0

قبل يمن الله عليّ بالهداية >> (فاهمن غـلط )
كانت قـهوة العصر تمتد لفترات أطول وقت الإختبارات , وكنت بس ألهي أمي
أخاف تفطن لي و تقول ( قم ياوليدي إدرس )
والله ياشـاهي العصر إنه يغدي طعمه غير
وكل شئ له نكهه , وإلى صليت العشـاء الآخر
ولقيت أحـد بالعـاير ( هذي راحت عليكم)
كنت أسـتانس وأقعـد أسـولف معه وأنشـده عن رقم نعاله من الفضـاوة

عـاد تصدقون إني امنول لاشـفت بسـة ( تعرفون البسـة ) أقول في نفسي
والله ياسـعده لاهم ولاغم ولاإختبار ولاغيره

0
0
0

إييييييه ياأيام الغوص ,, الله المســتعان

روحوا ناموا تراي مانب نافعكم ,,

0
0
0

[خرمان توت]

^
طيب أنا ماكد سألت خويي عن رقم نعاله ؟ < وده يقول أي شي من القهر

[.: بصمة :.]

،
المشكلة إذا كنت تراجع قبل الإختبارات !!
يبدا يجيكـ مر وغثيان متى تجي الإختبارات ونقضي من همه !!



،
بصراحة إذا كنت مشغول أدرس صح
أما إذا كنت فاضي تصير الدراسة دردبيس !!




،
وفق الله الجميع !!

[هب لك مصيبة]

و الله انكم فاضين قم ادرس انت واياه ازين لك ولي ولنا وللجميع

[أسد بريدة]

لا

لاجت العطلة بعد الإختبارات على طول


تصير فاضي صدز من الكسل ( الناس توه ما بدت تروح وتجي )

[وحيد الخلان]

اقتباس المشاركة الأساسية كتبها حفيد اعقيل 0 0 0 قبل يمن الله عليّ بالهداية >> (فاهمن غـلط ) كانت قـهوة العصر تمتد لفترات أطول وقت الإختبارات , وكنت بس ألهي أمي أخاف تفطن لي و تقول ( قم ياوليدي إدرس ) والله ياشـاهي العصر إنه يغدي طعمه غير وكل شئ له نكهه , وإلى صليت العشـاء الآخر ولقيت أحـد بالعـاير ( هذي راحت عليكم) كنت أسـتانس وأقعـد أسـولف معه وأنشـده عن رقم نعاله من الفضـاوة عـاد تصدقون إني امنول لاشـفت بسـة ( تعرفون البسـة ) أقول في نفسي والله ياسـعده لاهم ولاغم ولاإختبار ولاغيره 0 0 0 إييييييه ياأيام الغوص ,, الله المســتعان روحوا ناموا تراي مانب نافعكم ,, 0 0 0

طيب يابيي .. زبيرياتك كم مقاسهن
^^
بداية مشروع الفراغ