[حورية بريدة]

الله يوفقك

حنا كذا مسوين بأخوى كل وحده تقول رأي مستحيل نتفق على بنت وحده

واللحين الله تمم عليه وبيتزوج

تدرى وش سوى؟؟؟؟؟؟












فتح لنا العربيه وكل ماطلعت مذيعه قال وش رايكم بهاذي الى ما عرف اذواقنا
زالحمدلله طلعت انا زى ذوقه وصار مايسأل الا انا

وانا بعد عرفت وش يبي بالضبط والحمدلله لقينا له جمال واخلاق والله يتمم له على خير

البنات كثار والجميلات اللي بهن خير اكثر

بس المسأله يبي له بحث واترك عنك الحريم الكبار ترى ماوراهن الا الدجه شف البنات اللي بالثانوى والكليه خلهن هن اللي يدورن لانهن يختلطن بالبنات ويشوفن وبعد يقدرن يعلمنك من ناحية الاخلاق

والله يوفقك ان شاء الله

[سامي بريدة]

الله يعينك بالحبيب
ومثل ما قالوا اسأل عن الدين والأخلاق
وشف لك بعض المواصفات طول وجسم وبياض >>> تراي خبرة لو شفتن
ثم وقع >> همن شف بنفسك ما يدعوك لنكاحها
وأخيرا اظفر بذات الدين تربت يداك .

[المنتهي 2009]

على قولتهم لاتاخذ زينه

خذ كربه ؟؟؟؟؟؟؟؟؟؟؟؟؟؟؟؟؟؟؟؟

والله ياعليكم اراء بعد

طيب مزيونه وملتزمه ماتجي يعني

اقول الله يوفق يارب

[بدر بن عبدالله]

السلام عليكم:
يالمنتهي 2009 لو سمحت استأذن قبل لا تأخذ شيء ( خذ كربة) حقوق الطبع محفوظة<<<<<< تراي أمزح.
عموماً أخي منصور أنا أنصحك أن تحدد المواصفات التي تريدها <<<<<<<<<<< طلعت سيارة ماطلعت بنت
مثلاً تكون دينه وذات خلق وجميلة <<<< مهب تقلق أهلك إلا جميلة غاية الجمال لا تكون مقبولة.
وبعد كذا إذا لقيت المواصفات اللي تبيه توكل على الله ولات تسمع كلام أحد إلا كلام أمك بس، وبتيسر أمورك
إن شاءالله. الله يوفقك اللهم آمين.
مع تحيات: كربة النخلة.
والسلام خير ختام.

[منصور الكره]

ماشاااااااااااء الله وش هالسرى بالردود وشلون أبخلصكم الله يعين شكلي مانا قاضي الا الفجر.

الاخ هايين :

نعم صدقت الزين غسال يدين لكن أنت لو تبي تروح تشري لك موتر صعبه جدا ما تدور الموتر الزين الكشخه صح والا لا ههههه وش رأيك بالمعادله تراي خطير أنا .

هلا توست بالجين :

ههههههه حلوه تقل سيكل وبالنسبه للتمقل لا توصي حريص إرجع لردي لأخونا الصباخ وتعرف وش أنا مخططن له .

هلا بعمي فلم كرتون ههههه وش رأيك حلوه كرتون بايخه صح

المهم شف يابعدي كلامك ممتاز وهذا شي حصل بالفعل الحريم أيو حده منهن اذا كانت تحب أم البنت او البنت نفسه أو الحموله تمجدهم وترفعهم فوق ولو هم عسل والكل يتمناهم بس ما خشوا مزاج الحريم مسطوبهم بالارض انه فعلا زمن النساء خخخخ وش رأيك هيبه عموما تشكر ياخلفهم على هالمداخلة الطيبه .



الأخت غنوجة نجد:

انا مواصفاتي بسيطة بنية محتشمة تبي الستر وأتمنى تكون مملليحه شوي ماعندي مانع .

وعلى طاري الحشمه أنا أستغربت من حاجة ليش أغلب البيوت اللي ذكرت لي إذا جيت أسأل عن اللبس يقولون جنوز وعبايات مخصره ونقابات وش جاكن يا أمهات المستقبل انهبلتن أثقلن مثل أمهاتكن لا تتوقعون انا حنّا الشباب ندور عن هذه النمونه أبد بالعكس نقضب الباب إذا شفنا العائله مسوين برستيج بتربية بناتهم ومعطينهم الحرية في التربية مسوين 2008 على غفلة .وبالنسبه للعزيمه من هالحين كل واحد يروح لفلافل عرفه على حسابي لأننا قضينا من المجاملات والكوش والبوفيهات المفتوحه ورانا إيجارات ومعاميل مطبخ ومصاريف ماله أول ولا تالي ...أرفقن علينا شوي

هلا بالباشا مدحت

إزيك عامل إيه يا بش مهندس

عاد تدري انك صادق والله إني مشغلن الكود ريد حق الخطبة , أخوي الكبير يقول لي ياويلك إذا خليت أهلي يخطبون لك أنا اللي أبخطب لك , يقول لي فشلتنا كل المملكه دريت أنك بتعرس ولا صار شي

وبالنسبه للدبيه والله أنك صادق بخفة دمهن لكن وش نسوي نبي نقلد العالم بالماركات والاتيكيت علشان مايقولون باكر لزوجتي الى الحين ذي قرويه دبه شكلها ماتطورت
وبعدين هم يبي يروحون وانا اللي أبشتغل مجفف للدموع .

[منصور الكره]

الدكتور فارس نت

عساه دايمن سنيناتك طالعة من الضحك وعسى ايامك كلها فرح وان شاء الله تجي انت ومدحت لعرسي جميع بس أظبطوا الشربكه زين أبدعي عنده إذا شفنا التصوير .

اخوي السهل اليماني

صدقت ورب الكعبه الاختيار صعب جدا وشكلك انت مجرب لأنك عارف الدعوه وشلون لكن مايمنع إنك يوم سيرت على موضوعي أنك تدعي لي بأنها تكون ذات دين وخلق ونمررررررررره .


الاخ هايين :

والله انك جبتها هذا الكلام عين الصواب ولا راح يجس الا اللي يدور الحين والا تسد دور .

الاخت حورية بريده

الله يبرد تسبدك قلتي اللي كان بخاطري اللي هو حق قناة العربية لكن المشكله ان امي أخر علمه بالتلفزيون أيام خالتي قماشه وقريباتي قلت لهن إن حصل مثل هيفاء حسين والا عبير أحمد مع أخلاق ونماره كذا أكون أزين واحد بالدنيا .

لكن المشكله بأن قريباتي رافضين شي إسمه دين مع زين مع أخلاق .... وراه يعني كل مطوعات السعودية مابهن ملح مستحييييييييييل . اش العالم هادا


واللي باطن تسبدي أنا انه مالنا الا الحريم ينقل لنا المعلومه . والله واحد من الشباب العزيز قال لي عندي لك وحده تصلح لك قلت هاته قال اختي قلت لي الشرف لكن مانويت أعرس الحين انا ... انا كذبت من الفشيله منه أخاف أشوفه ولا يصير شي همن فشيله أقابله مرتن ثانيه تعرفون المجتمع حساس حبتين .



سامي بريدة :

الله يجزاك خير لكن لاتنسانا من صالح دعاك . وبعدين أيش المانع إذا أجتمعن الثلاث دين وجمال ونماره .


المنتهي 2009 :

هههههههه فسم انك منتهي نعم هذا اللي مهبلن بي ليش مايجتمعن العلم عند الله .


عزيزي كربة النخلة (شكلك من الطوالع) :

كلامك عين الصواب كل العالم يقولون الكلام هذا لكن اذا جيت تدور والله يا انت بتبلش الكل يهاجمك بمعلومه تناقض الشخص الثاني عن نفس البنت يعني بالعربي أبلش

مع تحيات صديق كربة النخله

[خواش]

ياما تتشوف من الهرج الله يعينك

عاد الحريم والتسذب

انتبهلن تراهن يوهقن

[ALHR]

يا رجال الحريم يبي يطلعن بك الشيب ما لقن [ الي يبن ] موب الي تبي انت .. عطهم الاوصاف الي تبي موب الي يبون هم ..
وخل مثلاً أختك بس هي الي تقولك .. تبي تضيع ان اخذت من كل طرف [ كأنك بمعامله حكوميه ] ..
مع اني اعرف ناس كثارين والله هو الي راح يخطب ولا قال لاهله ولا شي !!
واعرف واحد زيك يوم مل من اهله راح هو خطب والحين معه ولد
لو هو صابر لأهله يدورون له كان إلى الحين ما أعرس ..
أحسن شي أنك تروح انت تخطب .. تشوف حدا خوياك يمكنه خابر لك ..!

موفق ..

[ابواحمد123]

ياخي مالك الا الوالده هي اللي الذوق عندها احسن ورضا الناس غاية لا تدرك

[(صعب الوصال)]

يارجال البيوت مليانة من الجميلات والدينات
لا تشاور احد بالزواج إلا امك او حدى خواتك
بس صدقن إذا تعبت تبي تطيح بشي زين
وخذ بنت على ذوقك ذوق البنات دايم ما يصلح للرجال
الله يوفقك ويسر امرك

[منصور الكره]

هلا بخواش (الصراحه إنه نك نيم )

مهوب ياما وياما تشوف الا والله شفت بعيني وسمعت بإذاني , هالحريم ذولن نبي نلقى لهن حل وأنا أبحول موضوعي إلى قضية رأي عام بارك الله فيك

الحر:
ما أقدر اقول لك ما أدري أهتف لك إلا بكلمة

نعم أنت شخصية مستقله .
مداخله غالية الثمن لكن أكيد بتكون غاليه مادامه جايتن من سويسرا لا بد أن تكون باهظة (وش رأيك في باهظة).

ونبي هديه طال عمرك طقم ساعات من عندكم

أبو أحمد 123456

شكلك عجاز على هالترقيمه يابيي

الموهم ماعليش أنا عندي إعتراض صغينون أد كدا (0) لأنه ذوق أمهاتنا أحس أنه يبي له فرمته شوي أو تنزيل ويندوز جديد لأن الامهات على ما أعتقد أن أغلبهن يهمه أن تكون البنت من اللي يحترمن الكبار ورعيات سواليف بغض النظر عن الحاجات الثانيه (دين , شكل وووو).


صعب المنال والوصال

شكرا على تفاعلك مع هذه القضية لكن أنا عجل شوي وأخوي يقول تركد وواحد من العيال يقول جلست سبعة أشهر أدور ولا حصلت وبالنهاية أخذت أخت رفيقي اللي كان يدور لي فسبحان الله قسمه .

[الليـزر]

الله يعينك حبيبنا
مرت بي هالتجربة
البنت الوحدة تختلف حولها الآراء
بنظري
استشر من ترتاح لذوقها من قريباتك
وممكن تخليهم يطابقون على من تعرف من قريباتك بالسمن وغيره
وأهم شي الأخلاق والدين والعايلة نفسه
الشكل لك الشوفة تمقل على كيفك


وراي مدحت مهب بطال
بس أنا أقترح صعافيق علشان تختصر الوقت

[TRKI]

مابقي الا اشرف راعي البقالة اللي بجنبكم ماراح يدور لك ..
شكلك اذا دخلت البيت قلت لهم .. انفروا خفافاً وثقالا .. وروحوا دورولي
للتواصل
al-mshaks2008@hojmahl.com

[جنتي بسجدتي]

هلا اخوي منصور 000000000000
علا قوله تيم الحسن(الي يدور الزين يلقاه)
بنسبه لي اقترح انك تترك سوالف الحريم وخل الرجال يدورون لك تبي تقول وشلون؟؟(رجال)مثلا يعرفون رجل عنده بنت لزواج ياخوي <<اسئل عن النبته قبل تاخذ البذره>>مادري من وين جبت المثل بس المعنى ان البنت تطلع علا
اهله وطبايعهم اكككككككككككيد000000000000 وبعدين هذا انتم يالرجال تبوون مزيونه وتتشرطون واخرته تخذون شيفه زي خالي ماخلينا احد ولابنت الاقال ::وع ،دبيه،شعره خشن،تقل حولا00000000 استحينا من الخلق
كل بيت (وزنابه=وقنا فيه)واخرتها اخذ وحده عاااااااااااااااااااديه واقل من عاااااااااااديه بعد
المهم الله يوفق الجميع000000000000>>>اعقلها ياخوي وتوكل
ملاحظه::: الااخوي وشرايك تنقي من الي بتوقيع (غنوجه نجد) احس كلهم فيهم ملح وعجبني اللي علا جنب
ترى مهنى ملحه