[pink touch]

هدانا الله واياهن
شيء محزن بالفعل..
حتى في المجتمعات المحافظة بدأت تتفشى هذه العادة لبس القصير البنطال
بدات شيئا فشيئا ...لبست البنجابي الطويل وبدأت ترفعه كل مرة حتى وصل فخذيها وهي تقول بنجابي مافيها شي ..!!!
عقول لا يهمها إلا اتباع الموضة ونسين وتناسين "نساء كاسيات عاريات" !!!!
والمشكلة إذا نصحتيها بالأسلوب اللطيف أو بالمزح الظريف ردت بقولها :شوفي بنتك فلانه وأختك علانه وتقارن نفسها بفتيات صغيرات أو أطفال..اللهم لك الحمد.
حتى أسواقنا ... أشك انني في دولة أجنبية عندما أرى تلك الملابس التي بعضها تكشف أكثر مما تستر.
لكن مهما فعلوا سنظل نحاربهم بموضاتنا الساترة نطيل الفستان ببعض القماش ونلبس تحت "البودي" بلوزة ساترة..

شكرا لك أختي ورود المساء على طرحك لهذا الموضوع الذي في غاية الأهمية وياليت البنات يتفاعلون ونشوف ردودهم

[أبوثامر]

مثل ماذكر الأخوان .. وش فيها ؟؟ مادام الملاهي نسائية !!

[هـــدوء الكـــون]

اقتباس المشاركة الأساسية كتبها ورود المساء اشكركن خواتي لكن لي تعليق على الاخت هدوء الله يصلحك مهب بس ابهوشك الاليتك عندي واقبصك.....وش الي عادي ترى فيه امور ماتجوز قطعيا وهو هذااللباس ولاهو انتي الي تفتين واي شي يبين محاسن المرأة مايجوز لبسة سواء شفاف أوضيق اوقصير.......

اذا على القبصه خذي راحتك تمونين <<بس انتبهي تراي جواره يعني بسرعه افتح البزابيز

وش اللي افتن ..افتن بنت زيي ياختي احس مالي ذنب اذا صارت البنت شاذه

ومو شرط يكون البنطلون ضيق يكون عادي

وليش مايجوز يقولون تشبه بالرجال اذا تشبه يعني حرام ومايصير عادي بحالات مثلا قالوا عند الزوج حلال طيب اذا صارت عند البنات فهو عادي ..

انا بقولك سالفه صارت لي بالملاهي<< لاتهوشينن بليز ههههههه

جت لي وحده وتنصح عشان البنطلون ومعها بنت صغيره يعني تدرس مو صغيره مره لابسه برموده
قلت لها تنصحيني وانتي ملبسه بنتك قالت بنتي صغيره قلت خلاص انتي كذا تطلعينها على هالشي وماشريته الا انتي راضيه وعاجبك هاللبس مالقت رد قالت مايجوز تقابلين الحجه بالحجه وانا ناويه اقطعه عنها قلت جزاك الله خير وراحت اساسا ماعندها رد ..

وانتـي وسعي صدرك ياحبيلك ولاتصيرين كذا متشدده بقوه شي يهون عند اشياء

وانتـي جزاك الله خير والله يهدينا

[pink touch]

ياأختي لاتقارني لبس الزوجة عند زوجها بلبسها عند النساء لا ياحبيبتي مافي وجه مقارنة
الزوجة تلبس لزوجها مالا تلبسه لغيره ..يعني من إلى..
لكن عند النساء!!!
ماتلبس إلا اللي يرضي ربها ويسترها ...

لي عودة للموضوع..

[هـــدوء الكـــون]

انا ما اتكلم عن القصير او الشفاف او غيره

اتكلم عن البنطلون انه قالوا مايجوز عشانه تشبه ..واقول اذا تشبه فهو محرم علينا كلنا مو محلل عن الزوج

ياربيه مشكلتي ما اعرف اوضح اللي ببالي بس ان شاء الله فهمتوا

وخلاص جزاكم الله خير والله يهدي الجميع

[ساكورا]

•
| ورد المساء~

عاد مالقيتي الا تنصحين الاخوان ينتبهون لخواتهم ,, ليش تشيشتنهم يعني ,,

والله كل اسباب الخناقات بين البنات واخوانهم عشان هاللبس ,, يعني ماشاء الله مو محتاجين تنبيه ,,

والبنت تمشي بالاول والاخير على راي امها بالغالب ,,

وانا اشوف ان البنطلون استر شي بالملاهي ..لان البنت بتلعب و تستانس ,, فمايصلح تلعب بتنورة طويله والا قصيره

راح تبين كل شي ,, اتمنى تكوني فهمتي قصدي ,,


هووووء الكون ,, فهمت قصدك



.. =]

...

[$السفير المجهول$]

الشكوى لله،،،،،،،،،،
ولكن لنتذكر دائما قول الرسول صلى الله عليه وسلم:"الدين النصيحة،قلنا لمن قال:لله ولرسوله ولأئمة المسلمين وعامتهم"_رواه مسلم_

وجزاكـ الله خيرا على هذا الطرح،،،،،،،،،

[عثمان المنجطل]

اللهم أعن كاتبة الموضوع على نفسها !

و ودي أفهم وش مكان " الغيرة " هنا ؟

يغارون على خواتهم من حريم زيهن !

تحيه تشبهك !

[pink touch]

هداكن الله ...كيف تتهاوني بلبس البنطال وتقولي إنه أستر من التنورة !!
ومن قال ذالك ؟!! العلماء,المشائخ,طلبة العلم؟!!
ياأختي هذي حجة من حجج ابليس ليقنعك بلبس البنطال بأنه أستر من غيره كيف ياحبيبتي يكون أستر وهوضيق يبين مفاتن جسمها!!
قبل فترة كنت رايحة لملاهي نسائية والله اني تقرفت يوم شفت لبس أغلب البنات الله يهديهم بنطلون من شدة ضيقه ماأدري وشلون لبسته !! والبعض لابسات الشيالات القصيرة مع برموده !!!
إلى هذا الحد وصل بهن السخف!!!
حبيبتي مافيه أستر من التنورة الطويلة .

[pink touch]

للأسف
لم يرد في هذا الموضوع إلا أشباه الرجاااااااال ....البعض وليس كل من ردوا على الموضوع لأن بعضهم ماقصروا الله يجزاهم خير
هداكم الله...
أين أخوتي الغيورين؟!!!!!!!!!!!

[بـــ sunـــــريدة]

الزبدهـ أن فيه بنات يطبق عليهن المثل (( عنز وطاحت بعبس )) .

يعني اللبس بنطلون ضيق وتنورهـ قصيرهـ هذآ قمة التطور والتفتح عندهن
بس العقل ما هنأ عقل الإ من رحم ربي وهذآ يرجع لرب البيت لأن لو عندهـ
غيرهـ ما ترك بناته يفكرون بالطريقه هذي أو يكون تفكيرهن سطحي لدرجة
الأنحلآل باللبس والمكيآج .....

أنا نفسي أفهم الحين البنت تروح للملآهي علشان توسع صدرها طيب وش
الفايدهـ من وضع المكيآج أو لبس التنورهـ القصيرهـ أو البنطلون الضيق
اذا كان هدفها أنها تغير جو وتنبسط بالملآهي ..

بس الشرهة على الرجال اللي يتركون المجال لبناتهم وبالأخير يجي يبكي أو يتشكى
يقول بنتي وصلت الثلآثين ما جاء أحد يخطبها أذا كأنت البنت لسانها يلوط أذانها
ولبسها غير محتشم ولا من قوة العين وبكل وقاحه ترد على بنات يبغون لها الستر
والعفاف والحشمه بكلآم غير منطقي أو أستهتار باللي تنصحها وتبغى لها الستر
هذي من يبيها أذا كانت أخلآقها بالطريقه هذي والمعروف أن اي ولد بيتزوج اللي
يبحث له عن زوجه هو أهله و أخواته فما ما رآح ترضى اي بنت تزوج أخوها وحدهـ
غير محتشمه وبذيئة لسان وأخلاقها لك عليها ولا تعرف من الدين الإ الصلآة هذآ اذا
كانت تصلي الصلاة بمواعيدها ...

بس الشكوى لله والله يهدي الضال ويصلح الحال .

شكرا لك أختي الغيورهـ على بنات المسلمين .

[الحزين]

حكم لبس البنطلون ؟
سئل فضيلة الشيخ صالح الفوزان :

الاجابة:
الثياب الضيقة التي تصف أعضاء الجسم وتصف جسم المرأة وعجيزتها وتقاطيع أعضاءها لا يجوز لبسها ، والثياب الضيقة لا يجوز لبسها للرجال ولا للنساء ، ولكن النساء أشد ، لأن الفتنة بهن أشد . أما الصلاة في حد ذاتها ، إذا صلى الإنسان وعورته مستورة بهذا اللباس ، فصلاته في حد ذاتها صحيحة ، لوجود ستر العورة لكن يأثم من صلى بلباس ضيق لأنه قد يخل بشيء من شرائع الصلاة لضيق اللباس ، هذا من ناحية ومن ناحية ثانية يكون مدعاة للإفتنان وصرف الأنظار إليه ولا سيما المرأة . فيجب عليها أن تستتر بثوب واف واسع ، يسترها ، ولا يصف شيئاً من أعضاء جسمها ، ولا يلفت الأنظار إليها ، ولا يكون ثوباً خفيفاً أو شفافاً ، وإنما يكون ثوباً ساتراً يستر المرأة ستر اً كاملاً ، لا يرى شيء من جسمها ، لا يكون قصيراً حاسراً عن ساقيها أو ذراعيها وكفيها ولا تكون أيضاً سافرة بوجهها عند الرجال غير المحارم ، وإنما تكون ساترة لجميع جسمها ، ولا يكون شفافاً ، بحيث يرى من ورائه جسمها أو لونها ، فإن هذ1 لا يعتبر ثوباً ساتراً . وقد أخبر النبي صلى الله عليه وسلم في الحديث الصحيح ، فقال : *" صنفان من أهل النار لم أرهما : رجال معهم سياط كأذناب البقر يضربون بها الناس ، ونساء كاسيات عاريات مائلات مميلات رؤوسهن كأسنمة البخت لا يجدن رائحة الجنة "* . فمعنى ( كاسيات ) : إنهن لابسات شيئاً من الملابس ، ولكنهن في الحقيقة عاريات ، لأن هذه الثياب لا تستر فهي ثياب شكلية فقط ، لكنها لا تستر ما ورائها : أما لشفافيتها ، وإما لقصرها ، ولعدم ضفائها على الجسم . فيجب على المسلمات أن ينتبهن لذلك . (1)
(1) كتاب المنتقى من فتاوى الشيخ الفوزان ج 3 ص 308 -309



حكم الملابس ذات الأكمام القصيرة والمفتوحة والضيقة

وسئل فضيلة الشيخ ابن عثيمين :

الاجابة:
الذي أراه إنه لا يجوز للمرأة أن تلبس مثل هذا اللباس ولو أمام المرأة الأخرى لأن هذا هو معنى قوله صلى الله عليه وسلم *" صنفان من أهل النار لم أرهما بعد نساء كاسيات عاريات مائلات مميلات رؤوسهن كأسنمة البخت المائلة "* قال أهل العلم معنى كونهن كاسيات عاريات إنهن يلبسن ثياباً ضيقة أو ثياباً شفافة أو ثياباً قصيرة ، وكان من هدي نساء الصحابة رضي الله عنهن إنهن يلبسن ثياباً يصلن إلى الكعب في الرجل وإلى مفصل الكف من الذراع في اليد إلا إذا خرجت إلى السوق فإنهن يلبسن ثوباً نازلاً تحت ذلك وضافياً على الكف أو تجعل في الكف قفازين فإن من هدي نساء الصحابة لبس القفازين لقول النبي صلى الله عليه وسلم للمرأة إذا أحرمت لا تلبس القفازين ولو لا أن لبس القفازين كان معلوماً عند النساء في ذلك الوقت ما احتيج إلى النهي عنه في حال الإحرام (1)

(1) فتاوى منفردة ومكتوبة وموقعة من الشيخ العثيمين

[pink touch]

أشكرك أخي الحزين وشمس بريدة ماقصرتوا
وأنا متحمسة لهذا الموضوع مع إني مو أنا اللي كاتبته بس إني تألمت لردود وتعليقات بعض الإخوة والأخوات هداهم الله....

[بـــ sunـــــريدة]

أختي pink touch

لا يهمونك اللي تألمتي على ردودهم سواء بنات أو شباب وخاصه اللي قالوا وش فيها لأنهم ما يشكلون
ولا 1&#37; للمعارضين لما يحدث للبنات من أنحلآل وسفور وتبرج سواء بالأماكن النسائيه أو المجمعات
العامه فا الحمد لله على كل حال ..

وأذا أنتي فاضيه أي واحد عارض كلآم ورود المساء أرجعي لملفه وأقرأي ردودهـ على بعض المواضيع
فسوف تعرفين وتكتشفين أن تفكيرهم سطحي مثل هؤلاء البنات اللتي تظن أن لبس الضيق أو التنورهـ
القصيرهـ أمام خلق الله وبألأماكن العامه هو قمة التطور والتفتح بعيدا عن مخافة الله....

فا ما بالحامض أحد والله يهديهم ويصلح حالنا .

تقبلي مروي مرهـ أخرى .