[الأميرة]

ايه ارد لييييش لا وعلي قولت الاخت الصوره ما تطلع

[سامي بريدة]

اقتباس المشاركة الأساسية كتبها طمـــ أتعبني ــوحي أكيييد لا !!!!!!!!!!!!!!!

بارك الله فيك والله يقويك

اقتباس المشاركة الأساسية كتبها قوووت القلوب لاااااااااااااا وألـــــــــــــــــف لااااااااااااااااااااا ،،،، ليه ادخل نفسي بمتاهات انا بغنى عنها ؟؟!!! ونفرض انه احد يبين من جد ويعرفن ،،، يرسل رساله يقول انا فلانه او فلانه وبها لحاله القرار راجع لي ،،، ،، تحياتي ،،

مشكورة أختي الكريمة على وجهة النظر الطيبة التي تقطع خطوة من خطوات الشيطان ( رأيي )
فابن آدم ضعيف جداً

اقتباس المشاركة الأساسية كتبها أراسيل سلمان أيه ماتفرق مسجل ولا غير مسجل اذا كنت فاضيه أرد والحمدلله

أشكرك على هذه الصراحة
وجزاك الله خيرا

[سامي بريدة]

اقتباس المشاركة الأساسية كتبها متوهق اقوووول اطلع براا احسب عندك سالفه ! !

هلا بمتوهق أجل وهقتك ... آسف
شكرا لمرورك ورفعك الموضوع

اقتباس المشاركة الأساسية كتبها عااااااشقة قسمها!! ياملحتس بعد نشمية

شكرا لك وبارك الله فيك

اقتباس المشاركة الأساسية كتبها توولي .. ايه ارد ليش لأ!! واذا كان فاضي وبيلعب عطيته واحد من اخواني وهو بيتصرف معه ... .

شكرا أختي الكريمة ولكن ألا ترين أن عدم الرد أولى ؟ لأنه قد لا يكون عندك أحد من اخوانك ويبدأ يزعجك وقد حصلت كثيرا

اقتباس المشاركة الأساسية كتبها المهرة ' ' ارد وأشوف مين المتصل ... ملاحظة ... ترا الصورة ماتطلع اذا رديت !!! سامي بريدة ، شكرا لكـ

شكرا أختي المهرة ولكن لو قلت أرد و الرد يكون رسمي ومحدود بكلمات إذا كان لا أعرفه وإلا وش رأيك ؟؟؟
ثم المشكلة ليست بالصورة ولكن المشكلة فيطمع الذي في قلبه مرض كما في الآية الكريمة ويكون الشيطان ثالثكما
وجزاك الله خيرا .

اقتباس المشاركة الأساسية كتبها الأميرة ايه ارد لييييش لا وعلي قولت الاخت الصوره ما تطلع

أشكرك على مرورك ونفس الرد السابق 888
وبارك الله فيك

[برمائية]

أحيانا إيه وأحيانا لا

[بسمة تحدي]

..

لا ماارد

بس اذا كرر الاتصال

ارد واشوف يمكن يصير حدا اخواني

لان كثير يصير لي كذا

اخووي يكلم علي من رقم غريب



...

[@رسيل@]

تبغون الصراحة


ارد


لاني دايما ارد ويطلع احد يبغاني يكلم من اي جوال


ولو كان واحد فاضي

سكرتة بوجهه وماصار شي


وسلامتك يا راعي الماضوع


هع هع هع

[غريبة الديار]

بسسسسسسسسسسسسسسسرعة لأخوي الحبيب الله يخلية
واذا ماعندي اخواني وصارو طالعين
ارد وانا ساكتة واشوف الصوت ريال ولا مرة

متشنكر



سي يو < أوكيشن

[سامي بريدة]

اقتباس المشاركة الأساسية كتبها اليمامه نعم أرد !

وفقك الله ... أشكرك على مرورك العجل وطرح رأيك .

اقتباس المشاركة الأساسية كتبها بصمه فوووشيه طبعا ماراح ارد شكرا

جزاك الله خيرا
ولكن إذا تكرر الرقم لأكثر من ثلاث مرات ألا تعتقدين أنه أحد يعرفك يتصل من رقم جديد أو رقم غيره
ربما تقولين يرسل رسالة ويعرف بنفسه وهذا هو التصرف السليم ... فبارك الله فيك .

اقتباس المشاركة الأساسية كتبها **بنت منيره** بصراااااااااااااااااااحه انتم معطين الموضوع اكبر من حجمه اذا ازعجني ما ارد خله يدق لين تطلع روحه يعني ما صار شي ولا فيه قطع ارقاب وليه يدقون على وحده ما تعطيهم وجه واللي بايعات اعمااااارهم كثير(الحمد لله والشكر)

أختي الكريمة الموضوع نقاشه يطول ووجهات النظر تختلف
أما قولك ما أرد فهذا سليم ولعلمك بعض المتصلين إذا سمع صوت ناعمة لا يترك الاتصال نهائيا حتى يجد جوابا منها
وهنا يستمر بالإزعاج حتى في وقت الراحة
وللعلم بعض النساء اضطرت لتغيير رقمها بسبب أنها ردت مرة واحدة فقط فاستمر يزعجها ويرسل لها رسائل ... إلخ
وقد تعرفين قصصا حدثت من هذا النوع وغيرها من المشاكل .
اللهم اهد ضال المسلمين
ولعلك تستفيدي من ردود بعض الأخوات الفاضلات

اقتباس المشاركة الأساسية كتبها أسير الواقع1 بارك الله فيك

جزاك الله خيرا وشكرا لمرورك

[سامي بريدة]

اقتباس المشاركة الأساسية كتبها فضاء اقتباس اقتباس أنت ماذا تقصــــد بسؤالكـ؟؟؟؟ أقصد من السؤال هل ترد الفتاة على رقم غريب لاتعرف المتصل من هو ...!!! اقتباس ومالذي ترجوه من وراء ردود البنات على سؤالكـ الغريب؟؟؟ يستفاد من ردود الأخوات على سؤالي الذي تصممين على أنه غريب أن لا تقع أخت من الأخوات بحسن نية فريسة للذئاب البشرية ومن باب الباب اللي يجيك منه ريح سده واستريح ولتحذير بعض الأخوات اللاتي لايعرفن طرق وحيل ومكائد شيطان الجن والإنس بالتأكيد لن أرد إلا إن كنت مضطره أرد وأصمت.....بانتظار المتصل يتكلم... على كل حــال شكرا لكـ..

جزاك الله خيرا وما تقومين به في الرد هو عين الصواب
ولعلك قرأت ردود بعضهن داهن الله لا تبالي بالرد على أي متصل ...

اقتباس المشاركة الأساسية كتبها بسمة تحدي .. لا ماارد بس اذا كرر الاتصال ارد واشوف يمكن يصير حدا اخواني لان كثير يصير لي كذا اخووي يكلم علي من رقم غريب ...

بارك الله فيك
أحسنت تصرفاً ولكن لابد أن يكون الرد بحذر كما قالت أخواتك في ردودهن

اقتباس المشاركة الأساسية كتبها من وإلى الثرى انا ما أرد اخلي ابوي ولا اخوي يردون شكرا لك

أحسنت وهذا هو التصرف السليم الذي أتمنى من كل أخواتي فعله
شكرا لمرورك الكريم

اقتباس المشاركة الأساسية كتبها @رسيل@ تبغون الصراحة ارد لاني دايما ارد ويطلع احد يبغاني يكلم من اي جوال ولو كان واحد فاضي سكرتة بوجهه وماصار شي وسلامتك يا راعي الماضوع هع هع هع

أشكرك على مرورك
ولكن لو ما رديت هل سيفوت من عمرك شيئا هاما ؟؟؟
وبالنسبة لبعض الذين يتصيدون الفريسة لا يملون ولا يكلون
حمى الله بناتنا وأخواتنا من كل مكروه

اقتباس المشاركة الأساسية كتبها النمرة الجارحة بسسسسسسسسسسسسسسسرعة لأخوي الحبيب الله يخلية واذا ماعندي اخواني وصارو طالعين ارد وانا ساكتة واشوف الصوت ريال ولا مرة متشنكر سي يو < أوكيشن

بارك الله فيك
وهذا التصرف من التصرفات السليمة التي تنجي صاحبته بإذن الله من خطوات الشيطان
أشكر لك مرورك الكريم

[سليمان2004]

الأخ الفاضل ســـامي بريده

ليتك نقلت موضوعك بقسم النساء

المفترض انك تركت الموضوع مفتوح حتى للرجال لان الرجال وش موقفهم اذا اتصل بالخطأ لانه قد يسبب
بمشاكل زوجية لان بعض الرجال له أعتقادات خاصة ونظرة قاصرة احياناً

وشكراً

[الملاك الوردي]

جوالي حاليا مسرووووووووووق

الله يعوضني خير

[السهيل اليماني]

ينقل لقسم بنت بريده

[ρίє¢є Όƒ Сђoсoζάtє]

والله مب يدق علي الا اميمتي
وان طلع لي رقـــم غريب اذا بتل يدق ارفعه وانا منثبره اذا صــوت رجولي عطيته الزلم الوالد
تســلم على الموضـــوع

[زخآت مطر ,,]

يــــا حــبــيــــبــاتي
اللي تـــردون

كوننا ما نرد ما يعني إننا نعتقد إن صوت المرأه عورة أو حرام

لأ !

بل إنه كف للشر

خصوصاً إن كثير من (الطايشين) يخبط رقم ويتصل عليه

وإذا رديتي وعرف إنك بنت أو حتى حرمه لو عجوز ظل يتصل ويزعج

وحتى لو تبتلين ما تردين ظل يتصل لأنه عرف إنك بنت






بقولكم قصة صارت لوحده من قريباتي أو صديقاتي .:

اتصل عليه رقم غريب 3 مرات
وماكانت عند الجوال فما ردت
بعده بيوم اتصل وردت
قال : أهلين قلبي .!
- نعم !!!!! وش تبي
قال : أنا ودي ندردش سوى
- يا قليل الادب

وسكرت فوجهه السماعه

بعد المكالمة بدقايق اتصل
وهي ما ترد
ظل يتصل كم مره
بعدين أرسل رسالة

(( ردي يا ......فلانه...... ، ولا بتشوفين شيء ما يسركـ ))

هي ما خافت ولا جابت همه
اتصل ولا ترد عليه
علمت واحد من اخوانه
واتصل عليه اخوه من جواله هي

رد الولد : الووو ، هلا يا حلوو ، شفتي إن خليتك تتصلين لو إنكـ ما تبين ، هي أمنية وحده بحققه وخلاص لا عمرك تتصلين ولا تردين
**واخوه منصت يسمع هالكلام **
بعدين قال : انت مين يوم انك تتصل على هالرقم ؟؟!
تلعثم الولد ثم قال : انت اللي مين ..!
قال : أنا فلان واللي بايدك سوه .. وش عندك
الولد : يا خبيث ،، يا حقير ،، وش تبي ،، الله يلعنك! أنا أصلاً ناوي أفشلكـ وأنزل راسكـ باختك بس لا تحسبك نجيت والله لا أخليك تحت رجليني !
وبتل يشتمه لين سكر اخو البنت السماعه فوجهه



تخيلوا خبثهم

حنا بالأصل ليش نعرض أنفسنا لمثل هالمواقف

وبعدين لو هي وحده من الزميلات

اتصلت كم مره ولا رديتي

ترسل رساله

وينتهي الأمر


<( كلامي هذا لأني أحبكم ..




تحياتي للجميع : }