[حصان القايلة]

.



حيى الله العيال والرجال أما البزران أرجوا أنهم يضفون وجيههم لا أضفهن لهم

قسم يا هم يغثون لا كثرهم الله وكل يوم يولد لنا معرف جديد >>> متعوب عليه هالعبارة

الصراحة إنهم سريعين الإنتشار وين ما تروح تلقاهم

بكل جخر تقل قواطي ببس أتحداك تمشي متر بالشارع ما تلقا قوطي ببس

اللي مدعوس واللي مشطوف من طرفه واللي يدربيه الهوا وهذي حالهم بالمنتديات

اللي مدعوس هذا يدعسه أبو سر يعطيه قوست واللي مشطوف يصير يعطيه رجيستر يوسر

واللي يدربيه الهوا ذا إلى الحين ما وصلت له القواة الخاصة تلقاو يتنقل بين هالمنتديات

المويهم ترى لو رد علي حداكم بذا تراه مهب أزين له يقعد يتميلح واحد منكم ويقول

والله إنك صادز يا حصان القايله تراه إذا قاله واحد تراي ما أجامل

أبقول وأنت أولهم ضف وجهك

لذلك ما أوله شرط أخره سلام


الأجناس هذي تبي له تسحت لكن وشلون الفليت ما ينفع

والفردان ما ينفع والسم ما ينفع والضرب والملاحق بالنعال ما نفع بهم

أتوقع أن العلاج تسد قاله لي العربجي يقول تجيب جبص أبيض وتحطه عند جخورتهم

وإذا طلعوا حسبوه طحين همن أكلوه ولا شربوا ماء تسمت ببطونهم صار سقف مجلس


وش رايكم يا الرجال وش الحل تكفون تراي قلت للرجال لا يجي بزر ويحتسي لا ألفعه

قسم بالله يغثون أدخل للسواليف أبي موضوع يفتح النفس ما ألقى شي كل الزينات رايحات

وخروهن بقراشيعهم

تجي للساحة تلقاو قاعد يحلل ويحرم ويحتسي بكل جخر

تدخل للأخبار تلقاو حاطن موضوع عن مباراة بالأسكان

تجي للساحة مرة ثانية حاطن موضوع تصويت نبي منتدى رياضي

إلا وراه ما تصوت بعد نفتح بقالة بامبرز لك وأشكالك

أهج للصوتيات تلقى ما شاء الله بذاك قد توسعت الدائرة الإفتائيه له

وأصبح يرى جواز المؤثرات ويرى بأن الدف حلال ويرى بأن العود مثله مثل

السير لا قطعته وبديت تدندن به بين رجلك ويدك

وذاك يقول لا يا شيخ أنا لا أوافقك فهذا الكلام باطل وأنت فاسق


وخذ يا شتم

همن أطلع من الصوتيات وأدخل التصوير تلقاو بذاك قسم بالله لو ترفع حصاته

بالشوكي إن تلقاو تحته

وحاط رايه بصورة التويجري وتلقى أبو تج علدز وش يبي هالبزر يقيم

قضوا الناس

همن أطلع لنسمات بريه وهنا المحك >> تلقاو صايرن أبو فريد وإحداثيات

وشغل ويبي دله بغدادية والله ما يحقر روحه ما يدري إن مرده عقب العشاء

قبل ما ينام تزين له أمه سيريلاك ولا أصبح مرست له تمره وحطته له بالديد

همن أجي للإستقبال وش أقول وش أخلي

أجل التقنية كاتبن موضوع حداهم بذاك يقول :

فززززززززززززززززززززززعه يا

همن لا دخلت تلقاو بلش يبي يطفي الكمبيوتر ما يعرف يقول

يا ميقا أفصل السلك من عند الجهاز وإلا من الكهرب

الله يلعن أبو ابليسه لا وكل شوي يرفع الموضوع يناس أفزعوا


همن اخرج إلى المطابع أقصد تصاميم فنيه

الصراحة بذاك مهب كثارين ما أدري وراه

بس به واحد تسد ........ بالكشته يبي شعار وزينوا له وكل شوي رافع موضوعه


ويالله قسم يهالمبزرة إنهم يغثون وش رايكم يعيال

إننا نقترح على أبو مهند يفتح حضانه بذا وأنا علي الشغالات





.


حصان



.