[اخو دريحم]

اقتباس لااله الا الله اخودريحم اعتقد انه من اهل الاسياح لانه ذكر لنـا تطفئة الطرق السريعة مثل طريق بين الأسياح وأبا الورود ولأنوار في الدائري وغيرها ~

كلش ولا الاسياح وخاصة عين ابن فهيد


وابا الدود أجل يخلى صيد على كيفك

ونفوس طيبة زينة شرواك

[الـراصـد]

ترشيد استهلاك الكهرباء امر مطلوب من باب شكر النعمة فقط .

ولكن لعلمك الكهرباء بفلوس مو مجاني شركة الكهرباء جالسة تتشرط على الشعب !

بفلوسنا اللي تحصلها شهريا وياويلك لو ماتسدد يقطعون عنك الكهرباء تطور طاقتها وتوسعتها وتفكنا من تخلفها وقطعها المتعمد للكهرباء عن المنازل والمدارس وأماكن العبادة والمحلات التجارية ....الخ

وهمسة في أذن شركة الكهرباء 70%من اسهمها للدولة...
صحيح أن الدولة تتنازل عن ارباحها السنوية70هللة للمساهمين ولكن السؤال اللي يطرح نفسه لشركة الكهرباء :
هل شركة الكهرباء تحصل فواتير الكهرباء المتحصلة على جميع مرافق الدولة مع العلم أنها اكثر بكثير من تنازل الدولة عن ارباحها للمساهمين ؟


((( الراصد )))

[فتى الطرفية]

أخي الكريم أعتقد أن جميع الأعضاء المحترمين الذين ردو من خلال هذا المنبر الإعلامي المميز لم يتطاولو على أحد بعينه إنما إنتقدوا الشركة التي لم تراعي مصالح المواطنين علماً بأن المواطن لو يتأخر بسداد المستحق عليه بالفاتورة تم فصل التيار عليه والمتسبب هي الشركة نفسها ونطالب بفتح المجال للقطاع الخاص حتى يكون هناك تنافس كما هو الحال في قطاع الإتصالات

[جناب السفير]

اخوي باترول يازينك متغطي ونايم شكلك تشتغل قارئ عدادات
يعني ماعندك ماعند جدتي

[ضحكتي ماركة]

أخوي مشكور نقدر التعب اللي تعانون منه والناس ماترحم كل واحد فيهم نفسي نفسي ولاالمفروض نقدر انهم ماطفوه إلا لوجود ضغط وفيه ضرر والله اعلم ولاهم عارفين انه وقت حر واختبارات بس الشكوى لله شي غصب عليهم

[بولوهي]

اقتباس يأخي أي شيئ معرض للعطل في أي لحظة شف مثل سيارتك انت تأمن انها تبنشر الكفرات على العموم بالنسبة للشركة أجتمعت الات وكائن قديمة لها أكثر من ثلاثين سنة وهي شغالة وحر الصيف هالسنة غير وزيادة الطلب على الكهرباء وكل هذا المفروض مخطط له قبل خمس سنوات لكن الشق أكبر من الرقعة

شكرا لك ولكن

الحراره هذا السنه اعلى بـ3 درجات عن السنه اللي راحت والعداد حق الحراره يشهد .
اما لهن 30 سنه فهذه عيب اخر للشركه .

مثال السياره ليس له دخل .

[فارس 7]

شكل موضف مثالي أخ باترول ... و غيرك ما راح يضيق صدره هاللي يكتب ...


جزاك الله خير ... والله لا يوفق اللي ما سلمكم مولداتكم ...

[حزين طول السنين]

الســــــلامــ ،،،،علـــيــــكـــمــــ ،،،،،،

[الوفي بندر]

السلام عليكم ورحمة الله و بركاته . .

اولا أشكر أخوي باترول و أقول كثر الله خيرك

نحن الآن في صدد إحتواء هذه المشكلة و التقليل منها فالدعاء و الكلام لا يفيد و الشركة أخطأت أو لا هذا يرجع أمره لولاة الأمر و المسؤولين لأنه يجب علينا تنفيذ الامر المطلوب منا بترشيد الإستهلاك في الفترة الحالية من أجل أن تمر هذه الأزمة بأقل خسائر سواء مادية أو نفسية أو معنوية ، بعد ذلك يتم مطالبة المسؤولين لفتح تحقيق رسمي بما حدث و تكوين لجنة و يشرك بها هيئة حقوق الإنسان للنظر في ما حدث و ما مسبباته و مساءلة و محاسبة المسؤول عن ما جراء . .

و أرجوا أن نرتقي بإسلوبنا التعاملي و الخطابي لمستويات أعلى .

تقبلوا تحياتي . .

[شاهد ماشفش حاجة]

حبيبي ترانا في عام 2009 وانت جاي تقول طفواللمبات
حبيبي المولدات اللي عندكم من عام 1986 يعني منذ مبطي
ليه ما غيرتوها بس تأخذون فلوسنا التي تتجاوز 1000 ريال شهريا . شنين وقوين عينين ...
المفروض تعطونا تعويض على اللي يصير ؟ قال ايش قال ضغط اي ضغط يالغالي

يكفي انكم رفعتو ضغطنا بالحر و الخساير الذي خسرنها . والله لو اتكلم لين باكر مايكفي ماجاكم

[سرآب]

والله متستحون ..؟
وش هالكلام عيب ... الرجال يعتذر بنفس الوقت يبين الخلل ويوضح شنو هالقضيه
وانتم انواع الانانيه صدز مابكم فايده يا اهل بريده انواع الانانيه ... لو واحد منكم مايطفى عنده الكهرب كان مامر على الموضوع ولا فكر يرد ..
وش هالحقد حقد وقلوب سوداء .. وصار من فلوسكم عاد اصبروو ماتدرون وين الخيره ... اعوذ بالله ... استعغر الله ...

صدق الصبر والاحتساب .. ابشركم تراه يطفى عندنا بالبيت مرتين اثناء النهار خمس ساعات وباليل ساعتين ..؟
ولا قلنا شيء وصابرين
والحمدلله على كل حاااااااااااااااااااااااااااااال يالله الجنه بس ...

[ضايق الصدر]

اقتباس المشاركة الأساسية كتبها سرآب والله متستحون ..؟ وش هالكلام عيب ... الرجال يعتذر بنفس الوقت يبين الخلل ويوضح شنو هالقضيه وانتم انواع الانانيه صدز مابكم فايده يا اهل بريده انواع الانانيه ... لو واحد منكم مايطفى عنده الكهرب كان مامر على الموضوع ولا فكر يرد .. وش هالحقد حقد وقلوب سوداء .. وصار من فلوسكم عاد اصبروو ماتدرون وين الخيره ... اعوذ بالله ... استعغر الله ... صدق الصبر والاحتساب .. ابشركم تراه يطفى عندنا بالبيت مرتين اثناء النهار خمس ساعات وباليل ساعتين ..؟ ولا قلنا شيء وصابرين والحمدلله على كل حاااااااااااااااااااااااااااااال يالله الجنه بس ...

لاحول ولاقوة الا بالله ~ اللهم طولك ياروح ~
كل كلمة حق , يقال عنها قلوب سوداء حقد مادري ايش ,اهل بريده مادري ايش ,
وانتي الحين داخله قلوبنا , شرط ماتجين ولا نقطه من بحر مافي قلوبنا من رحمه, لكن الله يعين ,

عموما ً كلمة حق تقال ,

ندفع فلوس لمن ؟ ندفع فواتير بالآلاف لمن !؟؟
لشركة الكهرباء ! مقابل ماذا !؟
نعم يااسراب فلوسنا هي التي تخدمنا ولله الحمد نشقى ونتعب واخرتها يطفى الكهرب ويتعبون مرضانا
واطفالنا وشيوخنا

لنا كم سنه ونحن نعاني من هذه المشكله ,

أين تذهب أموال الشركه اين تذهب مصاريف الفواتير .,

المفروض تقولين شركة عديمة احساس بالمواطنين والمرضى وكبار السن ,

[حزين طول السنين]

الكهـــــــــرب ذبــحنــا ،،،، ساعدنـــــــــــا،،،،،


مشكـــــــوررر

[ابوخريف]

يا اخي حنى نقول حسبنا الله ونعم الوكيل على من كان السبب وبــــــــــــــــــــــــــــــــــــــــــــــــ ـس