[أحن امرأه بالعالم]

اخوي انا اعتقد ان زوجتك عارفه انك تدخن لأن الشخص

المدخن يبين عليه حتى لو ماكان يدخن يوميا لكن اتوقع انها ماتبي تصارحك عشان ماتدخن قدامها،،،

لكن اذا ماقدرت تتركه ياليت انك تصارحها عشان مايجي في بالها ان تهرب من البيت عشان اشياءء ثانيه؟؟؟؟؟

واكيد لو عرفت انك تهرب عشان التدخين راح تهون عليها بدال ماتلعب الوساويس براسها......................

الله يصلح شانكم .....

[أبورلي]

شف ياخوي موضوعي يمكن فيه نوع من (الجلافة ) لكن هو الصحيح .
نعم علمه واشرحله عن وضعك واطلب من الله أنه يعافيك .
أما ان زوجك تقول ماحبك اسمع القصة (يقولي أحد الأشخاص عن أبوه اللي عمره تقريبا بهالستين يقول أبوي شف أمك له أربعين سنة معي وتسألن أمس تقول أنت تحبن يابوفلان قلتله له أربعين سنة وأنا أمزح معك صاحية أنتي ) ثم أردف هذا الوالد المجرب أن هذا السؤال يبي يبتل معك حتى الموت .
هذا ماقاله صاحبي عن أبيه .
وأقول لك أن الزوجة مثل جوال (العنيد) دايم يبي شحن . ايــــــــــــــه نعم شحن عواطف وحنان وكلمات حب ورقه يعني كل وقت على ماينقطع الجوال قصدي قلبه عن العواطف اللي تعطيه.

[كاندر]

[احن امرأه بالعالم;انااعتقد ان زوجتك عارفه انك تدخن لأن الشخص

المدخن يبين عليه حتى لو ماكان يدخن يوميا لكن اتوقع انها ماتبي تصارحك عشان ماتدخن قدامها،،،

طيب كيف يبين

[غنوجة نجد]

من وجة نظري , الصراحه راحه ,, تقولها احسن قبل ماتكتشف عاد ترووح ملح وتصير مشكله كبيره وهي ماتحتاج,
غير التفاهم بينكم . وصدقني لما تعرف انك مدخن اكيد راح تساعدك عشان تتركه ,
والله يوفقكم ويسعدكم’

[●غزآل العآرضية~]

ممتآآآآز !!
رهيب والله .. قطعت ثلاثة أربآع المشوآر وبقآلك الربع بس !

لآ تعلمها !
نصيحة ..

لأن كذا بتصير تسهل المسألة عليك وتدخن قدامها وورآها !!
وتضر نفسك وتضرها ..

أما كونك مآعلمتها ، فتدخينك يكون قليل ، بحكم إن يبيلك عنوة وطلعة من البيت وسآلفة !!
أيضاً .. تقديرك لزوجتك واحترامك لها بعدم التدخين قدامها هذا بحد ذاته وربي انجآز !
وصدقني لما تدري إنك تدخن ، هذا أكبر من إنك تطلع برآ وماتقعد معها بعض الوقت !!
بالنسبة لي ع الأقل ..

أخوي دآمك ماعلمتها ، وبديت حيآة جديدة كلها حب بفضل الله ، وزوجتك ماتدري عن دخآنك .. كمل الزين !!
اترك الدخآن .. واكسب صحتك وزوجتك ..
بكره بيجيك عيآل حلوين .. والتدخين يضر اللي حول المدخن أكثر منه !!

شوية إرآدة .. ويتحقق لك كل شي !!
الله يديم عليك السعآدة ..

[احلى بريداويه]

يـــــــــــــــــاقدمك اللحين صاروا الرجال يدخنون مع حريمهم,,,,,,,وانت الا اللحين ماتدري تقولها ولالا ليش تكذب بالبدايه وانت مو قدها.........
احس انا دقه قديمه

[رجل طموح]

اقتباس المشاركة الأساسية كتبها احلى بريداويه يـــــــــــــــــاقدمك اللحين صاروا الرجال يدخنون مع حريمهم,,,,,,,وانت الا اللحين ماتدري تقولها ولالا ليش تكذب بالبدايه وانت مو قدها......... احس انا دقه قديمه

لاحول ولا قوة الا بالله


يأخي اذا كنت ما تقدر تقول كلمة طيبة تساعد فيها الرجال على ترك محرم .. الأفضل السكوت

وعدم الرد , وليس بواجب الرد على كل موضوع..!!

الله يسامحك عكرت المزاج...

[صاحب الامتياز]

مشكووووووورين حبايبي على النصيحة

وكلامكم كله على راسي والله يقدرني اني اتركه

[د . علي]

حبيبي ,,,
لاتسمع لمن يقول لك أخبرها أو صارحها ..

أنا أبوي مدخن له أكثر من ثلاثين سنه ولكن كان يتخفى عنا وعندما قيل له أخبر زوجتك وأولادك لأنه كان يتضايق من الخروج من البيت لأجل التدخين ولكن الطامة الكبرى عندما علمنا عنه أنه يدخن تفاجئنا كثيرا مع أننا كنا نشك في أمره من رائحته ..
وبعدما علمنا بتدخينه الآن يدخن بيننا وبين زوجاتنا وأولادنا ( هذه هي النتيجة ) يدخن عندنا بشراهه أسأل الله له الهداية عاجلا غير آجل ..
أخي أشير عليك أن تذهب للمستشفى التخصصي أو أي مستشفى وتجعلهم يسحبون النكتين الذي بجسمك وبعد ذلك ستكره شيء أسمه دخان (صدقني )
أخي لابد أن تنظر إلى المستقبل وأن أمامك أولاد بالمستقبل فلابد أن تترك التدخين وإلا ستدخن أمام زوجتك وأولادك كما فعل أبي وهذه النتيجة الحتمية لكل من يخبر الناس بمعصيته أما إن كان الناس لايعلمون عنه فمن المستحيل أن يدخن أمامهم ..

أسأل الله لك الهداية ..

[ابويسرى]

اذا انك ادخن وحارم زوجتك من جلوسك معه ولاتقدر تخليه الا علمها ودخن بيتك وامبسط انت وزوجتك عش حايتك ملك ولاتحرمها نفسك من اجل سيجاره ومع ذالك حااااااااااااااااول ان تتركه لله ومن ترك شيئا لله عوضه الله خيرمنه

[ام الزلمات]

افضل لك تصارحها..
وحاول تتركه

[الطوفان البارد]

لالالالالالالالالالالالالالالالالالالالالالالالالا لالالالالالالالالالا تعلمه
وتعالج وبكذا الحمد الله
اللهم ياحي ياقيوم اجعله يكره هذا البلاء من غير ضرر
اللهم ابعده عنه يارحمن يارحيم

[لمسات حنونه]

اقتباس المشاركة الأساسية كتبها الطوفان البارد لالالالالالالالالالالالالالالالالالالالالالالالالا لالالالالالالالالالا تعلمه وتعالج وبكذا الحمد الله اللهم ياحي ياقيوم اجعله يكره هذا البلاء من غير ضرر اللهم ابعده عنه يارحمن يارحيم

انا أؤيد كلام الطوفان البارد

["..SWEET.."]

اخي البكت مكتوب عليه انه يسبب" سرطان"

ومع ذالك دخن ولا كأنه مكتوب شئ حاول اشد المحاوله انك تتركه..

بعدين شف البرامج اللي عن التدخين ممكن تأثر فيك ان شاء الله ..

الله يشفي كل مدخن من الدخان......