[SORRY]

آمآآ .. عدم التحث عن المرض ..
يآآآآ قدمهم .. وقفت عليهم هم وصحافتهم ...
ياسخفهم يا شيخ ..

* الحل عندي :

ان خبرتم أحدن به هالمرض الي تقولون << خايف اقول اسمه

ارسلوه على وزير الصحه ..


وابشروا بالخير ..

[مدحت شوقي بريده]

اقتباس المشاركة الأساسية كتبها ramy آمآآ .. عدم التحث عن المرض .. يآآآآ قدمهم .. وقفت عليهم هم وصحافتهم ... ياسخفهم يا شيخ .. * الحل عندي : ان خبرتم أحدن به هالمرض الي تقولون << خايف اقول اسمه ارسلوه على وزير الصحه .. وابشروا بالخير ..

رامي ..


هلا بك يابعد معاليق شدوقي انت ..

اقول يالبي .. هالربيعة .. بلشن يمصع بزارين خلق الله ..

مير انا عندي لوه فكرة أحسن من هالتمصيع والعمليات ..
يحطهم بقدر بوه موية حارة .. ويتفككون ..



هالوزارة ضايعة .. ماوقفت على هالمرض وبس ..
مشكور يابعدي ..



سي يو ..

[SORRY]

اقتباس المشاركة الأساسية كتبها مدحت شوقي بريده هلا بك يابعد معاليق شدوقي انت .. اقول يالبي .. هالربيعة .. بلشن يمصع بزارين خلق الله .. مير انا عندي لوه فكرة أحسن من هالتمصيع والعمليات .. يحطهم بقدر بوه موية حارة .. ويتفككون ..

ــههههههههههههههــ

عشان كذا استانس لردودك ...

سي يو ايضآ ..

[MEHWAR]

اي والله مشكلة

انا كل ما فكرت اني لو مرضت انكسرت او شي

افكر اني ما اروح للمستشفى

اي والله اخاف تجين ذيك الفلبينو همن يصير به هالمرض

بعدين ينتقل لي

لا يا حبيبي اقعد بالبيت وتوجعن ايدي ولا اموت

اقتباس المشاركة الأساسية كتبها الخفاش حبيبي أنت أنت ما سمعت بقرار شراء 4 ملايين عقار ضد المرض بس تراو مهب لكـ كل هالصفقة لأنه للحجاج أنا ودي أدري وش دخلنا برعايا الدول الثانية على شان نحتاط لهم كل واحد يطعم ببلدهـ و ديرته و يجي يحج

والله ومن مبطي

وهم يوزعون على هالبلادان وحنى نناضر

والله قهر

اجل صار للحجاج <<< اجل ابي احج عشان يعطونن العقار

[الصباخ]

شف أنا كل شيء أبيه يصير إلا إن الدراسة توقف يابن الحلال مابقى لي إلا ترم وأخلص إن شاء الله.
بعدين يابن الحلال ترى الناس مكبرتن مسألة انفلونزا الطيور.
وإلا هو تراه مرض مثله مثل غيره، وإن شاء الله إن الأمور بسيطة وماراح يجينا إلا اللي مكتوب لنا..

[مدحت شوقي بريده]

اقتباس المشاركة الأساسية كتبها mehwar اي والله مشكلة انا كل ما فكرت اني لو مرضت انكسرت او شي افكر اني ما اروح للمستشفى اي والله اخاف تجين ذيك الفلبينو همن يصير به هالمرض بعدين ينتقل لي لا يا حبيبي اقعد بالبيت وتوجعن ايدي ولا اموت والله ومن مبطي وهم يوزعون على هالبلادان وحنى نناضر والله قهر اجل صار للحجاج <<< اجل ابي احج عشان يعطونن العقار

محور ..

يابعد معاليق تسبدي انت ..
ماعليك لاتخاف من الفلبينية .. لأن خشمه قنزة صغير ..
مايآخذ الفيروس لو يمدد الفيروس بخشمة طلعة رجلينوه برا ..


لكن الحقيقة المرة .. هي إن المستشفيات هي منطلق هذا الفيروس ..
ونسبة كبيرة من الأطباء والممرضين يحملون هذا المرض ..



ومشكور يالبي ..



سي يو ..

[راقيه باخلاقي]

الشكوى لله ماهنا اهتمام بنا
تصدق ان وحده عمره 20 مريضه بخلونزا الفنازير بمستشفى حايل
وماعنده خلاف جاك الدكتور يبي يعطي المريضه اللي جنبه صدمه كهربائيه
عطاه هي وماتت ماتحملت الصدمه يعني لو ودك تحيا موتوك والموت بيد الله مابه شك
الله يكفينا شر هالامراض ويغنينا عنهم بالعافيه

[أحلى صبية]

موضوع خطيـــــــــــر ويحكـــي مأســــاه سعـــودي<<<<مهنا غيره دايـــــــم مظلوم
والحقـــوق ضـــايعه الشكوى لله ....

حيـــل الله أقــوى ....
أقرى وردك ولا تشـــوف شر، انا عن نفســـي هالمرض مايجينا الا من هالأجانب
الله يكفينا شرهـــم...

[مدحت شوقي بريده]

اقتباس المشاركة الأساسية كتبها الصباخ شف أنا كل شيء أبيه يصير إلا إن الدراسة توقف يابن الحلال مابقى لي إلا ترم وأخلص إن شاء الله. بعدين يابن الحلال ترى الناس مكبرتن مسألة انفلونزا الطيور. وإلا هو تراه مرض مثله مثل غيره، وإن شاء الله إن الأمور بسيطة وماراح يجينا إلا اللي مكتوب لنا..

هلا بالصباخ ..

اقول ياخال .. هذي انفلونزا الخنازير .. ماهي الطيور ..


بعدين ابشر وزير التربية ووزير الصحة ..
إجتمعوا وقرروا عدم التأجيل ..

تعرف يالبي مادرسوا عيالهم بمنفوحة والا الشميسي ..
علشان يعرفون حجم الخطر وحجم المعاناة ..


ومشكور يالبي ..



سي يو ..

[إكسير]

مدحت يا ألبي , , , ,


علشان كذا افتخر بأنكـ سعودي . . .


ولامن قلنا عن الإمارات ولا الكويت ولا قطر . . قالوا احمد ربكـ أنت سعودي , , ,


قسمـ بالله الحمد لله . . . بس قسم بالله قهر .

[سامي بريدة]

أولا
عليكم السلام ياحبيبنا الغالي أبو إبراهيم

ثانيا

شكرا لك على هذه التوعية التي فقدناها من إعلامنا

ثالثا

وزير الصحة طال عمرك مشغول بفصل السياميين الله يجزاه خير

رابعا

جزاك الله خيرا

[مدحت شوقي بريده]

اقتباس المشاركة الأساسية كتبها راقيه باخلاقي الشكوى لله ماهنا اهتمام بنا تصدق ان وحده عمره 20 مريضه بخلونزا الفنازير بمستشفى حايل وماعنده خلاف جاك الدكتور يبي يعطي المريضه اللي جنبه صدمه كهربائيه عطاه هي وماتت ماتحملت الصدمه يعني لو ودك تحيا موتوك والموت بيد الله مابه شك الله يكفينا شر هالامراض ويغنينا عنهم بالعافيه

راقية بأخلاااااقي ..



عاااااااااااااااد من حينهم الله بالخير .. وش عاد يوم جاهم هالمرض ..

ياويلي ياللي جنبه .. تقول وش بهم علي وش جاهم ..

إما المريضة الأولى .. الظاهر أنه هجت من المستشفى كله ..
قالت قسم إن مابي شي هونت ..



المستشفيات الآن أصبحت مقابر .. الله يكفينا الشر ..
ووزير الصحة لاهي يمكع هالبزارين ..


احس انه لو يشوف إثنين واقفين بجنب بعض بالشارع ..
كان قال هاتوهم هذولا سياميين .. وقام يمصعهم ..


بس ودي اشوفه وهو يوزع القلب على إثنين والكلى على اثنيين وباقي الآجهزة ..

شكله يقسم القلب نصفين .. ويقول للأول خذ هذا لك .. ويعطي الثاني ويقول وهذا الباقي لك انت ..

همن يمصع الكلى ويعطي الأول خذ هذا بيضاء تشبه لك .. به منك ..
وانت خذ هالسمراء شكله لك ..

يالله من يبي المرارة .. لأنه ماتنقسم .. والا علشان ماتتهاوشون ابجدعه ..


خلك بس يالربيعة على السيامين .. وخلنا حنا ننتظر الفرج من رب العالمين ..

سي يو ..

[رمان]

شوف ياشوقي يا عزيزي
انت عايش بهالدنيا الي تهاوش وتناقر وتتشره على شانها وتعض براطمك دائما من الحمق
وتقول الانفلونزا جايه وتبي تنتشر بالمدارس واوك والمسؤولين نايمين ماهمهم الشعب
طيب بقولك
نفرض ان كلامك صار صحيح
وانتشر المرض بالمدارس وغيره
حتى انه صاب مدحت شوقي بريدة
انت وش شايف بهالدنيا غرابيل في غرابيل
ولذلك من حرص المسؤلين على نفسيتك هو اراحتك من هموم هالدنيا
وتركك تصارع المرض حتى الموت ثم تستريح وتريح وتكون مبسوووووووووووط لا مكدر ولامندر
طبعا بعيد الشر عنك وعساه مايجيك ولا يجي اي مسلم
بس انا حبيت اقرب الصورة شوي
اللهم توفنا مسلمين والحقنا بالصالحين