 |
|
|
|
|
25-08-2009, 01:29 AM
|
#1 |
|
عـضـو
تاريخ التسجيل: Aug 2009
البلد: المملكه العربيه السعوديه
المشاركات: 23
|
ورني اثاثك اقل لك من انت + سؤال + انه اول موضوع لي
السلام عليكم ( ياويل اللي ما يرد السلام )  اخبار اهل بريده و شلونكم  الغريب اني من بريده ولا سجلت هنا الا اليوم  مدري بيصير موضوعي مخالف لقوانين المنتدى او لا !! اذا مخالف حلالكم اجدعوه بالي تبون الولد ولدكم و اذبحوه مدري سموه  طبعا لكل بيت اثاث ( بالله جايبتن شيء جديد يالاخت ؟ ) ولكل شخص ذوق في تصميم اثاثه و طريقته في وضع الاباجوره جنب راسك والا باقصى غرفتك << ترا تحسب الاباجوره كنب  فيه ناس يحبون الالوانات الفاقعه من زي تسذا :  هالناس لهم فلسفه خاصه يعني راعين ذوق مخيس << برا  ينبهرون بالالوان ( احلفي ) ويحبون الميراندا مع الفش فاش  و وسعين صدر وراعين طرب و اهم شي انهم يعيشون يومهم بكرا يحلها الحلال  مفلسين ما يجي اخر الشهر الا يتسلفون عشان يطلبون من المطعم ! و دببه و دايما يبلشون يدورون لهم لبس مقاسهم هههههههههههههه ذولا ودك ما تقوم من مجلسهم من الفله والوناسه و البلع بس اهم شيء البسوا نظارات شمسيه لاتعمى عيونكم من اثاثهم ( قلب ) ___________________________________ ناس تحب الالوان الاحاديه وشلون احاديه ؟؟ صراحتن مدري يعني يحبون بالاثاث لون او لونين بالكثير ولا يحبون النقرايش والزخاريف والديكوريشنات  يا بغضي لهم ذولا ما عندهم شي اسمه وناسه ولا مزح ولا ودك تقرب منهم ابد هج احسن لك الحياة عندهم تمشي بالمسطره والروتين ذابحهم ذبح وفيهم بخل شوي  مبرمجين حياتهم برمجه ولو تتلخبط شوي ينهبلون و يقولون : لا ااااا مستحيل ابي امي ابي ابوي ابي زوجي << روحي اخمدي احسن لتس اذا تلخبط جدولهم انحاسوا و يقعدون يفكرون شلون يضبطونه مره ثانيه و يشيلون هم لبكرا وش بيسوي او وش بيصير وتلاقون هالنوعيه عصلان  ____________________________________ انا هنا = عندي قروشن واجده ماتدرون ؟؟ اجل شوفوا  هالنوعيه من الناس اهم شيء نأثث أثاث غالي . زين او شين موب مشكلتي اهم شيء غاااااااااااالي هماااااا عندي قروش !! ابي الناس تدري جعلها العمى هذولا ناس تافهين و سطحيين و اهم شيء عندهم : وش سيارتك ؟ وش ماركة فستانتس .؟ وين سافرتوا الصيف اللي فات و بكم شارين ساعتك ؟ واذا تكلموا معك تلاقونهم ما يقدرون يتنفسون من قوة الزعطه و الهياط اللي هم فيه و ينفخون صدورهم ويناظرونك من فوق حتى لو انت اطول منهم على انهم اغنياء بس لو حياتك يشترونها لك بريال ما عطوك  و يحبون المدح و البلع يعني اعزمني وامدحني تصير احسن واحد بالدنيا ____________________________________ وناس وهـ عليهم يحبون النعومه في الاثاث والبساطه في التصميم و النقوشات الي كلها ملح  ما ودي امدحهم خاف تقولون تمدح نفسها <<< من جد انقلعي هذولا جامعين كل الصفات اللي قبل من كل شيء شوي ********************************************** نجي لـ لب الموزوع بتاعي هذا طال عمركم والسامعين << تسولفين بمجلس ابوتس انتي ؟ ما علينا قولوا للي جنبكم يمكن يسمعون ويعرفون  ترا وقسم موضوعي كلها عشان هالسؤال  مامتي الحلوه قالت لباباي الجميل بنغير مجلسنا حق الحريم و نبي نفصل مجلس ثاني للحريم << فصلوا بعد مطبخ للحريم و غرفة نوم للحريم عشان ما يطلعون ابد  وبتغير كنب البهو << صاله وتخب  قال باباتي اوكي يا زوجتي الحلوه فصلوا اللي تبون ( تحسون ابوي لابسن ترنق رياضه من زود الادب و سماحة النفس ماتسنه صفق امتس بكأس الماء )  قال سووا الي تبون بعد لو تلغون الصاله والمجلس و كل ابو شي وتحطون الحريم بالحوش يكون احسن انفه و اوسع لهن صدر << لبى قلبه ابوي ينكت احيانا عاد بين شد و مزر شوش بينه وبين امي قال انقلعي سوي الي تبين بس بشرط : ما نيب مدور لتس محلات ولا شي دبري عمرتس وهاتي الفاتوره اذا خلصتوا << يالبي على الديموقراطيه  عاد امي تقول دبريني يا ياسمين اخبرتس بنت سنعه و تطلعيننا كل ابو دايم من المخاطر بأقل الخسائر الفادحه  قلت ولا يهمتس ماماه اللحين اجيب لتس الخبر اليقين والعلم الاكيد ..... يلا عاد ابي احسن محل ببريده يسوي مجلس عربي و كنب واسعارهم معقوله ودي احط قلب بس خاف يردون علي عيال و حنا برمضان << والا بغيره عادي ؟؟؟؟  ودي اني مكملتن موضوعي و انواع الناسات الثانين واثاثهم بس امي بجنبي وكل شوي تنغز تقول اخلصي اساليهم موب لازم تكتبين موضوع بس استحيت اجي ادودل يديني  واذا جاز لكم موضوعي ابشروا بالي تبثركم كل يوم موزوع احس اني حللت الايقونات آخر من قام بالتعديل ياســــمين; بتاريخ 25-08-2009 الساعة 02:27 AM. السبب: شسمه اغير الصوره :( |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي