[بودرة نونو]

اقتباس المشاركة الأساسية كتبها الجلف االسلام عليكم بما اني سمعت خبر ان العوانس وصل عددهن لمليون ونص ............ وبالتعداد السكاني ثلاث اناث يقابلهن ذكر واحد ............ يعني لو تزوج كل الشباب على وحده يبي يبقى ثلثين البنات من غير زواج ........ عليه ادعوووو الى احياء سنة التعداد وخاصة من المتزوجات لازم يحثن ازواجهن على الزواج من ثانيه وثالثه ورابعه من باب حب لاخيك كما تحب لنفسك ....... لان كثير بنات جالسات وصل اعمارهن فوق الثلاثين ولا تزوجن ..... وطبعا مافيه امل تاخذ متزوج لان الثقافه العامه الزواج من ثانيه جريمة لا تغتفر والمصيبه الكبرى والطامة العظمى ان المتزوجة ترضى ان زوجها يسافر ويرتكب المحرمات ولا ترضى انه يتزوج ........... سمعت قصه ان وحده ضبطت زوجه مع الشغاله وتبين انه قبل يجيبها من بلدها تزوجها فالزوجه غضبت غضبا شديدا وقالت لو كان بالحرام كان (اهون) اي اخف ............ المهم لازم يكون قلوبنا على بناتنا الي جالسات من غير زواج وكثير منهن عادي تتزوج شخص متزوج بس المشكله ماحد يدل احد على احد لان المثل المصري الي يقول : امشي بقنازة وماتمشيش بقوازة هو المطبق عندنا ............ المهم اختصار الكلام ترى الدعوا حلال بحلال وفيه تكافل اجتماعي وتكثير النسل خاصه ان الحوادث قرضت كثير من الشباب والبنات مابعد ساقو عشان ينقرضون .. ولا لقاه غير هالمشايخ هم الي معهم اربع الوحده تتصل على شيخ تقول شف لي عريس يقوم هو يتزوجه ............ ولا تطلب منه مهر والشباب قاعدين يغبرون الهاي لكسات وينسمون الكفرات ويلبقون على شارع وضرب من الشاورما والببسي ............... مادري وين وصلت .......... ايه المهم لا تطلع لي وحدة تقول انتظر يفتح الزواج من اجنبي لانكم منتب كفوو لاني بقوله ايه ياااعتاب ترى الزواج من الاجانب مسموح بس سؤالي وش يبي بك الاجنبي يتزوجك ........ لو انتي فنانه وعندك كم ريال عادي لامنه لطشهم يشوتك بس انتي ماغير مطامر بالمشاغل وكل يوم قصه ومكياج ومبيضات والمثل يقول ((( لايصلح العطار ماافسد الدهر ))) وخلونا من المهايط والكلام الفاضي نبي كلام منطقي علمي مبني على رؤيا ثاقبه وعقل رصين وراي حصيف مانبي لجه وصجه واخر شي اشوف الموضوع صار هواش ... ويالله بروح لسوق التمر ........... سلام عليكم ....

تصدق لو ماكان معرفك الجلف كان الجميع عرفو ....
من اسلوبك

ثم يااخي من قال ان التعدد جريمة في المجتمع ؟؟
وين عايش يااخي .. التعدد امر مشروع ونراه امامنا ..
والحمدلله اللي يبي يعدل بين زوجاته فليتزوج .. الله يوفقه
ثم من قال لك اننا نرضى الحرام والعياذ بالله ؟؟؟ انت من نفس الكوكب اللي حنا عايشين عليه ؟؟؟
اتحدى شخص يقنعني ان اي زوجة ترضى لزوجها بالحرام وتمنعه بالحلال ..!!!!!!!!


والقصة اللي ذكرتها شكلها حلوم ليل

بعدين ليه ماتصير شيخ يالله من فضلك ؟؟ اكيد الشيح لاصار ملتزم ويخاف الله بنسائه يعطى ونص ..والنعم فيه
لكن يجي واحد مغبر الهايلوكس ويدور بالشوارع ويتميلح بالتعدد !!!
ثم مادخل فتح باب الزواج من الاجانب بالموضوع ؟؟؟(شكلك ودك تكتب موضوع طويل والسلام)
واذا ع الاجانب للمعلوميه .. اكثر شعب حريمهم طايحة كن عيونهم انتم يالسعوديين
واكثر النساء رفعة عند الشعوب الاخرى النساء السعوديات
شئ اخر ... وش دخل (لايصلح العطار ماافسده الدهر )
وبعدين ترانا ملينا من الصراعات بين الحريم والرجال بهالمنتدى قسم بالله فشلتونا المنتديات الثانية يرتقون وينتاصحون
وانتم ماغير هواش وتميلح على غير سنع ..ارجو من كل عضو ان يرتقي بقلمه والفاظه ويختار لنا مواضيع تفيدنا وتنفعنا بهالشهر الفضيل بدلا عن صراعات لافائدة منها .. فاانتم الرجال مالكم غناة عن النساء ... واخيرا .. في كل مجتمع هناك الصالح والطالح .. الجيد والسئ .. سواء رجال او نساء ..فاارجو ان لاتميلو كل الميل !!!
الجلف الله يرضى عليك ويرحم والديك .. لاتعدى قسم موسم تمور بريدة ... الا بكم سطل السكري (ولااعيرك )

[&&ريا&&]

اقتباس المشاركة الأساسية كتبها المنخرش اعتقد ان الموضوع بقصد إثارت المشاكل ليس إلا لأنه يناقش ليس بطريقة علمية لأنه اولاً دعاء بالزواج بأربع عشان العوانس وفي اخر كلامه يقول زواج من أجنبيات إذا كيف تتزوج اجنبيه وانت هدفك انك تقضي على العوانس الحل بالنسبة للعوانس معروف وهو (تكاليف الزواج الباهضه) ولآن الناس طاحت بالعائلي وارتح كل متزوج يبيله مالا يقل عن 150.000 ريال كما قال الشيخ ابن عثيمين رحمه الله إذا انت تبي الأجر فلوسك حقات الزوجه الثانية عطها شاب وعف شاب وشابه

كلام منطقي ياخي المنخرش لقد قلت ان من رجالنا من يستحق كل خير
شكرا لك ولامثالك

[شم ـوخ]

اذا كنت قادر تعدل رح تزوج ما احد مانعك

ترى حتى حنا ما نحب المهايط والكلام الفاضي

[بدر بن عبدالله]

عذراً أخي الكريم الجلف:

الموضوع طُرح تكراراً ومراراً وأشبع نقاشاً.


[ يغلق ].