[طير نشوان]

صباح الخير .. الموضوع المفروض منزله أمس .. لكن انشغلت وقلت لازم انزله قبل اطلع الجامعة

أمس الصباح بتاريخ 17 محرم يوم الاثنين .. كنت جاي من المزرعة في الهدية ولا لي بشر طاري .. وبعد دوار حراج الغنم على طريق الهديا قبل اشارة الرفيعة والنقع ولاقي قدامي عالم و زحمة وتكدس سيارات وغيره .. قلت معقولة في تطعيس بذا الشموس وعلى الصباح ( الساعة 30 : 10 ) .. فلم قربت الا وشرطة والمررو السري موقف ويتفرج بعد << وجه واحد مفهي .. ولما قربت أكثر واثاري العالم موقفه تشمت بصاحب الجيب المنقلب على جنبه .. واخوكم بالله مثله مثل العالم وقف وتفرج .. عاد محسوبكم كميرته في درج الدبلون .. تحسبن لاي طاري او سبق صحفي .. فا قلت بيني وبين نفسي .. ليه ما واثق الحدث وانزله في بريدة ستي كأول موضوع استفتح فيه مشاركاتي .. وليعذرني اللي صار عليه الانقلاب على الصور اللي بنزلها .. واعتبرها تسليط ضوء لا أكثر

الحدث بدا من انقلاب الجيب .. عاد الدعوة غشامه او غصب ما ادري ؟ أترك للخبراء التعليق ؟؟

ايه نعم انقلب الجيب ثم جاء صاحب شاص ومعها واير وبدا بسحب الجيب حتى ارجع الى وضعه الطبيعي .. يعني الكفرات تحت والتنده فوق << يرحم والدي اخلص .. ومن ثم تم الحفر للكفرات ومحاولة تعديله حتى لا يعود الى وضعه السابق مع ميكانيكا خفيفه .. بسبب انقلابه لمدة طويله ومن ثم انزاله من اعلى الطعس .. وتم اخذ اجراءات من الدوريات والمرور لصاحب الفكس .. يعني انقلاب وفشيله واخرتها قسايم .. ما قول الا رحم الله امراءًً عرف قدر نفسه .. والطعوس غدارة للي ما يعرفه << ترقيع

اليكم الصور و وردة حمراء لصاحب السيارة











الى اللقاء حتى سبق صحفي جديد