[على طريق الأمل]

موفقه

[وحده مفهيه]

والله فكره حلوه
الله يوفقك ويعينك

[@صاحبه السمو@]

تكفييييييييييين ياعروب خوذي اجرنا وافتحيه
صدقيني راح ينجح
ياكثر طلباتنا

[يارب القاء اسم]

مني انا راح ينجح بااذن الله ,

واذا انك خاايفه من الخساره كل واحد ويفكر بالشي هذا راح يخسر ,

وبعدين راح ينجح ولو كان فيه خساره ماراح تكون بشكل كبير ,

ومثل ماقال الاخ ( غريب احساس )

اقتباس المشاركة الأساسية كتبها غريب احساس ما فية تجارة ما فيها خسارة وانا اقول جربي كم شهر وعلى الله الرزق والله يوفقك

[صمت النار]

من ناحية أن الفكرة حلوة فهي حلوة وجميلة ورائعة لكن

الخوف من عدم النجاح لاسباب كثيرة اخاف اذكرها يطبون فيني بعض الناس ( طبعاً هالكلام في بريدة فقط )


المهم

- يجب عليك عمل دراسة جدوى اولاً ( وهناك مواقع يقومون بعمل دراسة جدوى لك وتستطيعين عملها بنفسك فهي ليست بتلك الصعوبة ) .
- من خلال كلامك فأنتِ معك مجموعة من البنات ركزي على هذه النقطة فقد تكون سبب لفشل المشروع لاحقاً بمعنى أنه لابد أن يكون هناك تفاهم وإتفاق على كل نقطة قبل البدء في المشروع . وكما قيل : ( لا تعتمد علي الصديق فهو نادر , و لا تعتمد علي الحبيب فهو غادر , و لكن أعتمد علي الله فهو قادر )
- الدعاية والإعلان حتى لو دفعتي عليها أكثر من 50 % من راس المال فهي ليست خسارة .
- حاولي عمل إستبيان من خلال الجامعة والكليات والمدرسات وذلك بالواقع وليس الإنترنت .
- الاسعار لابد تكون منافسة للغير ولا تكون اغلا من الغير كونه مركز نسائي خاص إنتبهي من هذه النقطة فهي مهمة جداً . ( وهذه النقطة تؤكدها ملاحظتك ورد الاخ عبدالله الصالح )
- دائماً قولي : يارب لا تدعني أصاب بالغرور إذا نجحت و لا أصاب باليأس إذا فشلت .
- هناك أمر آخر إذا إفتتحتوا المركز أكتبي عنه هنا وسأخبركم عنه وسيدر عليكم أرباح اخرى بإذن الله .

وإذا أردتي النصيحة

حاولي أن تكون البداية في المنزل وبشكل بسيط وإذا وجدتي قبول حينها إبتدأي في المشروع ..
فالبداية من الصفر هي من ستقودك إلى النجاح

أخيراً تذكري انه ليس هناك مستحييييل

فـ إبن القيم رحمه الله يقول : لو أن رجلاً وقف أمام جبل وعزم على إزالته ؛ لأزاله .

اسأل الله التوفيق لكم

[نهوض امة]

فكرة جميلة عسى ربي يوفقك

[ام اشواق]

الله يكتب اللي فيه الخير

[يـاسر]

والله فكره رائعة بس عندنا ببريده اتوقع ما تنجح .لاكن اذا تبين مشروع مضمون سوي لك محل ملابس نسائيه ويكون مغلق مثل المشاغل وصدقيني راح ينجح 100% والله يفقك ...

[Abu hmid]

اقتباس المشاركة الأساسية كتبها عروب السعودية السلام عليكم ورحمة الله وبركاته أما بعد ,,,,,,,,,, ابغى إفادتكم لي الله يخليكم بما إن هالمنتدى جزى الله خير القائمين عليه يضم شريحة كبيرة من سكان بريدة حبيت إني أخذ رأيكم في موضوع يراودني من عدة سنين لأن رأيكم هو الأهم بالنسبة لي فأبدأ بالموضوع ................ أولاً : أنا وحدة عندي خبرة بالحاسب مررررررره حلوة من تصاميم وخبرة في تحاضير المعلمات وعمل المحاضرات والبحوث على برنامج باوربنت وأشياء كثيرة أسويها عن طريق الحاسب . وأنا الصراحة حبيت أفتح مركز نسائي للنسخ والبحوث وغيره على قدي أنا وبنات معاي وإحنا راح نشتغل فيه بدون عمالة وعشان المعلمات والطالبات ياخذن راحتهن إذا كان المركز نسائي فقط وش رايكم بالفكرة ؟؟؟؟؟؟؟ حلوة الرجاء الرد باسرع وقت الله يخليكم . ملاحظة : كان فيه محل نسخ وتصوير نسائي في بريدة خلف تسجيلات أحد بالصفراء كان أسمه خدمات الطالبة وسكر لأن الأغلبية عمالة وأنا وقفت على المحل قبل كان متكلف ديكورات كبيرة أسعارهم نار وعشان كذا قفل المحل .......للمعلومية .

وعليكم السلام ورحمة الله وبركاته

فكررره روعة أهنيك بصراحة على هالفكره الله يوفقك أنتي واللي معاك يارب

** بس لازم تسوي برشورات عشان الكل يعرف وبرضه لازم توضحي أنه نسائي وكل مميزاته وانتبهي تجاملي إذا جاء أحد تعرفينه لاتجاملي على حساب نفسك لاتخسري نفسك عشان أحد الأسعار محددة
** أهم شي المكان يكون صح مثلا شارع المشاغل أو أي مكان ثاني

[مزيون القصيم]

حلوه الفكره . ويكفي تتعاملي مع بنات زيك

[هدوء الكون ..]

مرحبا اختي

فكرة حلوه وانا برضو كنت مفكرة فيها لاني متخصصه في تقنية الحاسب

وفكرت اني افتح محل خاص للنساء لاصلاح اجهزتهن وعمل مثل اللي ذكرتيه للباوربوينت والفوتوشوب والتصوير والشبكات واي شيء يختص بالكمبيوتر ..

وخصوصا مثل مانسمع من القصص الكثير الكثير انو اذا راحت البنت لمحل صيانه مايحصل معها من سرقه لبياناتها وصورها الخاصه والتلاعب عليها ..\


بس اللي فكرت فيه موقع المحل صراحه احترت فيه كثير ...

وتدرين فكرت اني افتح بالعثيم او النخيل لانو البنات اغلبهم عادي يروحون للسوق ومادام انها جايه للسوق فتقدر تخلص حاجتها عندنا

يعني مثلاً مايكون بمكان بعيد او مو مناسب مراح يقدرون يجون البنات ويتعنون عشان المحل والمحلات كثيرة ممكن تكون اقرب لهم من المحل بتاعنا <<< خلاص املكت المحل هههههه

فإذا احتجتي شي ترى عادي اشترك معكم بالمشروع..

[Quinn]

فــــــــــــــــــكررره حلـــــــــــــوووووه والى الامــــــــــــــــــــــــــــــــام

[ياحبيلتس يانا 2]

مااتوقع انه يبي ينجح لانه لو تشوفين اكثر هالي يجون لمراكز النسخ والتصوير رجال وشباب جاين ياخذون لخواتهم وحريمهم قليل الحريم يجن يعني وهنا مشكله اذا جو الرجال شلون تبون تعاملون معهم انا اقول مثلاا لو تغيرت الفكره مثلا تسون مركز بأحدى الكليات هذا افضل... الله يوفقكم

[غــــ م ــــوض]

مبدئياً الفكره حلوه

بالذآت للي مثلي مآتعتمد على أي شخص ينجز له اشغآله

بس أهم شي إختيآر الموقع ..

لأنه من أهم العوآمل لنجآح أي مشروع