[عآشقة قسمهآ ..]

[BACKGROUND="70 #FFCCFF"]

هلا بالغوآلي ~

جيتكم باللي تبونه واعذروني ع التاخير وحبيت أحطه بشكل موضوع منشآن الكل يشوفه ~

أولآ :
الحشوات :



1- السمبوسة :
دجاج صدور مقطع صغار وتحطينه ع النار لين ينضج
وفلفل رومي وبصل مقطعين طويل وتحطينه النار لين يذبل مع الملح والفلفل والبهارات الي عندكـ واذا
حبيتي أضيفي جزر مبشور
بعدين تخلطين ماسبق مع بقدونس مقطع صغير ومع جبن تشدر [كرفت] مبشور وكثري منه حسب كمية
حشوتكـ ~

2-السبنق رول :
شعيرية تحمسينه بزيت أو زبدة لين تشقر بعدين تسلقينه
دجاج صدور مقطع صغار وتطبخينه بالنار
بصل وفلفل رومي وجزر مقطع طويل تطبخينهن بالنار لين يذبلن مع البهارات والملح والماجي
تخلطين ماسبق مع الصويا [كثير كثير كثير صويا]

وبالعافية ع قلوبكم وعلى مسؤوليتي الطعم وه بس ~



ثآنيآ :

الآيس كريم :



تكسرين في الكاسات بسكويت شاي وتسقينه بشيرة
وبخلاط الكيك :
2 ظرف دريم ويب
نصف كاس حليب بودرة
بيالتين موية باردة
وتخلطين بخلاط الكأس مايلي :
علبة قشطة
علبة جبنة فلادلفيا الصغيرة
نصف كأس حليب سائل
نصف علبة نستلة الكبيرة
فنجان سكر
ثم تضيفينه على الدريم ويب في خلاط الكيك وتخفقينهن مع بعض لين يتجانس الخليط ثم تصبينه على
البسكويت في كآسآت التقديم وتدخلينه الفريزر يوم كامل ~

وطبعا قبل لاتدخلينه الفريزر زينيه باللي تبين انا حطيت مربعات شوكلاته وذريت بودرة كاكاو
واذا تبين البسكويت مايطفى اذا صبيتي الخليط فصبي شوي منه ودخليه الفرزير واذا جمد
طلعيه وصبي الباقي ورجعيه من جديد ~
أنا مثل الصورة خليته يطفى مافيه مشكلة



ثالثآ :

الميلكـ شيكـ أو بالأصح [ستار المثلجات] :





تخلطين بالخلاط :
2 ليمونة بو زهيرة
1 ليمونة كبيرة
4 ملاعق كبيرة سكر
كأس عصير التفآح الجاهز
كأس عصير التوت الجاهز [وتقدرين تحطين الفيمتو المنزلي] الطعم يظل رآئع
تقريبا 15 إلى 17 مكعب ثلج
وتصبينها بالكآسآت وتقدمينه وبس ~


رآبعآ :

العصيرآت :



1- عصير النعنع :
بالخلاط :
عصير 3 ليمون كبير
عصير 6 ليمون أخضر صغير [بو زهيرة]
ثلاثة ارباع كأس نعناع مقطف
ظرف دريم ويب
2 ملعقة كبيرة قشطة
سكر [تقريبآ 3 فناجين ]
3 كآسآت موية ونصف

2- عصير الكريستآل
ظرف دريم ويب وفنجآل سكر لكل 3 كآسآت كريستآل أو فيمتو [مخفف بالماء طبعآ] ~


خآمسآ :
العجينة الملونة :



أي عجينة عندكـ سويها واذا جيتي تضيفين الموية اتبعي الآتي :
للون الأخضر :
بالخلاط [موية + بقدونس]
للون الوردي :
بالخلاط [موية + سماق ]
للون الأصفر :
بالخلاط [موية + جزر ]

والبيتزآ نفس القضية اختاري لون تبينه وخليها عجينة البيتزاء ملونة


وبالهناء والعافية مع ان رمضآن ودعنا
ومع كل الحب

[/BACKGROUND]