[ابتسامة تواضع]

اول شي الله اكبر الله اكبر لااله الا الله
حقنا لااله الا الله
انا بعد ماشفت الموضوع تحمســت اني ازين اغــرض الحــج واصــور لكــم
لعل يــارب احــد يستقيــد من ردي

اول شي نجيب كيســه ونحط به اغــرض الاحرام>ماعندي وقت


همن لاركبتــي البــاص دعسيــه تحت رجلينتــس لمن وصلتي الاحرام نزليه معتس


بعدين جلســت ارتــب اغــراض الشنطــه
اخــذت كمن قميــص


وخــذت كمن بلوزهـ وتنـورهـ>>>اهم شي التنوره الجنز وسوداء


امي قالت لي خوذي قميص شتويقلت ايه
ويوم دخلتوه لشنطه اخذ مكان قلت بوب لازم اهم شي الجكيت


بعدين طلعت ملابس العيد


وهمن حطيتهن بكيسه


وحطيتهــن بشنــطه عشان لاصار يوم العيد ماقعد ادور واحوس


وخلصــت من الشنطــه
ايــه لاتنسن الشــراب تحطن بكيســة الاحرام


ولاتنسن بالشنطه الخاصه قرانتس واذكارتس


والحمدلله خلصــت


وهذا نموذج حملتنــــــــــا


انطلـــق الى مكــــــه

[أمير القوافي]

لكــم الشكــر يمن افتدونآ لاني ابح ـج السنه ومتررد وش اخذ وش اخ ـلي
اكرر شكري لكـم

[مدحت شوقي بريده]

حبيب البي ساااااااااامي ؟...

هذا غرض بس ماينفع الا ( للدببة ) ..


( الفازلين ) ..
صديق الدب في الحج والتعبد ..


انت ماتسد شفت ( دب ) وهو يتحكك بالمسعى ..
تشم ريحة ( كترة ) من قوة الاحتكاك وانت بآخر المسعى ..


يالبي .. عادي تشوف ( دب ) بالشوط الثالث بالمسعى ( ملبق ) يمين ..
ياويلي ( مجيم ) من قوة الاحتكاك ..


عطه بس من هالفازلين خله ( يلطس ) بهالرجلين ..
قسم ان يقوم مثل ( بباي ) اذا اكل سبانخ ..
يموط لك المسعى 46 شوط عااااااااااااااادي ..
بكل راحة وسرور ..




ونسلم عليك ياحق ..


سي يو ..

[loquacious]

اقتباس المشاركة الأساسية كتبها رافعه كمي أخدم أمي فاااااااضيه انتي تشلين عباتين >>بس تصدقين عاد دخلت براسي ونعال اباخذ ازهاب واحد اما عاد ابنقل ومن رايي حطي جوالتس بالبيت انا بحطوه بالبيت ولابعطيه احد يستانسبوه لين اجي خخ صراحه الجوال يلهي وبوب لازم اكلم اهم شي اميميتي معي وابيي وخواني اكلموه من جوال امي بس شوفي وشي حملتس ؟؟ غديتس معي وانتعزم انا ويتس منحيني عاد وديبتس

ياليت والله اشوفك حبوبه

وبالنسبة لحملتنا حجازيه راح نروح لهم على طياره < الأخ مايداني شيء اسمه قصمان

وبالنسبة للمسابقات والمحاضرات , أبدا ً مااقتنعت فيهم

اصلاً من طول الوقت اجلس اسابق واحل اسئلة واتثقف واسمع محاضرات , انا رايحه ادعي

المحاضرات والثقافة لاحقين عليهم ,, ولازم الواحد يستزيد بأحكام الحج قبل السفر ..

والجوال أهم حاجه ولما تضيعين وش تسوين ؟

اذا كان معك بلاك بيري او آيفون بدليه بالكشاف , وخليه معاك وين مارحتي ..

ترا جوال الكشاف مايتعدى 200 تلاقينه بكارفور والا جيان

وبالنسبة للجزم , لازم تآخذين جزم خاصة لدورات المياه

وشكلك متحمسه آخذه معك لبس , أنا الى الآن متردده آخذ لبس للعيد وإلا لأ !

أصلا ً يوم العيد راح تكوني تعبانه بعد مزدلفه والرمي , شكل العيد حقي مخدتي خخخ

[سامي بريدة]

اقتباس المشاركة الأساسية كتبها الخفاش نصيحة خآطفة / إذا شفت دورة مياه أعزكم الله ( فاضيه ) أدخل لو مآبك شي لو ما يجيك إلا إنك تروش يعني لا توفر و تفوت الفرصة عليك شكراً سامي ..

هذا إن لقيتها فاضية

شكرا لمرورك

[vimto]

خذ احتياطك من الجزم و لا تنسى الفقس لان رجولك رايح تكبر مقاسين عن الطبيعي
ههههههههـ

[vimto]

رافعه كمي أخدم أمي < من جدك اخذتي ليفة التروش هناك ماراح يطول اكثر من 5 دقايق
الناس موب فاضين لك

[ابتسامة تواضع]

اقتباس المشاركة الأساسية كتبها loquacious~~ ياليت والله اشوفك حبوبه وبالنسبة لحملتنا حجازيه راح نروح لهم على طياره < الأخ مايداني شيء اسمه قصمان وبالنسبة للمسابقات والمحاضرات , أبدا ً مااقتنعت فيهم اصلاً من طول الوقت اجلس اسابق واحل اسئلة واتثقف واسمع محاضرات , انا رايحه ادعي المحاضرات والثقافة لاحقين عليهم ,, ولازم الواحد يستزيد بأحكام الحج قبل السفر .. والجوال أهم حاجه ولما تضيعين وش تسوين ؟ اذا كان معك بلاك بيري او آيفون بدليه بالكشاف , وخليه معاك وين مارحتي .. ترا جوال الكشاف مايتعدى 200 تلاقينه بكارفور والا جيان وبالنسبة للجزم , لازم تآخذين جزم خاصة لدورات المياه وشكلك متحمسه آخذه معك لبس , أنا الى الآن متردده آخذ لبس للعيد وإلا لأ ! أصلا ً يوم العيد راح تكوني تعبانه بعد مزدلفه والرمي , شكل العيد حقي مخدتي خخخ

اعنبو دارتس وش تلبسين اذا ماتتدنين القمصــان
ياختــي المحــاظرات اهم شي انا هــذي الحجــه الثـــانيـــه لي
تخيلي كــان مافي محـاظرات الا قلييل
بس دربين الراس ماتتدرين وش السالفه
صراحه في ناس مايدرون وش السالفة الحج
لازم ومهم المحـاـظارات>>وتراالمحـاظرات تتكلم عن الحج
قولي المسابقات>> هي اللي بكيــفه بس المحـاظرات لاوالله انا اؤؤيــده
على طاري المسابقات شـارين هــدايا للمسابقات وانتي تقولين لاحقين عليهن

وخوذي لبس للعيد مهنى تعب ولاتنامين استانسي وادعي ربتس>لاتنسين اطقينه سواليف مع البنات
ونعال حقت الحمام >خوذي اي ازهــب قــدامتس
ولارطشتيهــن مــاء قــولي معليييييش لرعيته
ياختي مخذه كل البس عشـان مجــربه الحج والله يهي فشيله ذاك اليوم
شريت من الحجيات قميص ايقالوه زين
تبي تندمين خوذي لبس بس
واللي مامعوه عطيــه

[ابتسامة تواضع]

اقتباس المشاركة الأساسية كتبها vimto خذ احتياطك من الجزم و لا تنسى الفقس لان رجولك رايح تكبر مقاسين عن الطبيعي ههههههههـ

صح ذكرتين الله يذكرك الشهـاده

اقتباس المشاركة الأساسية كتبها vimto رافعه كمي أخدم أمي < من جدك اخذتي ليفة التروش هناك ماراح يطول اكثر من 5 دقايق الناس موب فاضين لك

وندري عنه امــي

تقول ذي لتــسd

[ـالتُفاحة الورديّة]

امي قالت لي خوذي قميص شتوي قلت ايه
ويوم دخلتوه لشنطه اخذ مكان قلت بوب لازم اهم شي الجكيت

يا رافعه كمي اخدم امي

لاتاخذين قميص شتوي ولا جاكيت لاتاااااااخذين ياحبيلك واسأل مجرب

اصلاً مكه حرررررر ماتعرفونه وهنا ببريده الوقت هذا حااااار وش عاد بمكه لا تاخذين شوري عليك

انا حجيت قبل 3 سنين وكان الوقت هذا برد وآخذ من القمصان الشتويه والصيفيه يوم رحنا ضيقن علينا ولا لبسناهن احسن خوذي يمكن كل قمصانك الصيفيه لأن كل اشوي بتغيرين

هااااااااااذي نصيحه للي بتحج تجنبي الملابس الشتويه

واهم شي الصيدليه مكونه من 1/ المره وما ادراك ما المره 2/ حبوب مسكن 3/ واذا كان فيك ربو رجاء كثر من البخاخات خذ يمكن ثلاثه لأنه بسرعه يخلص 4/ الفوار يمكن حموضه او شي

وخوذي جوالك لأني قريت بأحد الردود تقول مو لازم وهذا خطا فرضاً لو ضعتي مين بيلقاك << والله ياعلي شين فال واشحنيه 100 ريال سوا

وبس والله يساعد الحجاج

[أتعبني غروري]

اقتباس المشاركة الأساسية كتبها رافعه كمي أخدم أمي فاااااااضيه انتي تشلين عباتين >>بس تصدقين عاد دخلت براسي ونعال اباخذ ازهاب واحد اما عاد ابنقل الأفضل تأخذين عبايتين ..والجزم (أعزكم الله) أفضل لك خوذي اثنين (سبورت+شبشب) وبالذات الشبشب بتحتاجينه لدورة المياه <<بالسفر العادي أخذ اثنين فمابالك بالحج ومن رايي حطي جوالتس بالبيت انا بحطوه بالبيت ولابعطيه احد يستانسبوه لين اجي خخ صراحه الجوال يلهي وبوب لازم اكلم اهم شي اميميتي معي وابيي وخواني اكلموه من جوال امي أكبر خطأ تخلين جوالك بالبيت خوذيه معك واذا يلهي على قولتك أشتري الكشاف بـ50 ريال لأنك بتحتاجينه لاقدر الله وضعتو (تفرقتو) أنا مره بليله 27 بالحرم ماجبت جوالي معتمده على جوال أختي وضعنا ولا عرفنا نوصل لبعض لأن ما معي جوال ..بس بالنهايه التقينا وذالك لحسن تصرفي بالموقف بس وش عقبه ضاعت علينا ليلة 27 ماصلينا ودعينا.. واللحين توبه كلن يمشي وجواله معه إحتياطآ .. وأزيدك من الشعر بيت أخواني يأخذون على جهازين بالحج وبطاريه <<علشان اذا فضى شحنه ولا حوله شاحن يبدل بينهن ..

.
.
.
.
.
.

[سامي بريدة]

اقتباس المشاركة الأساسية كتبها البندري الله يوفق اللي يبي يحجون وييسر لهم ويعين رجال الامن ويوفقهم ويحميهم يارب ويرجعهم لاهلهم سالمين اللهم اني استودعك اياهم يامن لا تضيع ودائعك وشكراً لـ سامي بريدة

جزاك الله خيرا

وتقبل الله دعاءك

اللهم آمين

[سُـقيا]

السلام عليكم
اشكر كاتب الموضوع وكل من افادنا
ولن انساكم باذن الله من دعائي

وبعد اتمنى أستفيد اكثر خصوصا اني ابحج مو مع حمله
ودي تجارب اللي حجوا؟؟
والأغراض اللي ياخذوها؟
وهل اخذ ملابس شتويه أولا؟؟يقولون منى بررررااااااد

ودمتم بحفظ الله ورعايته

[loquacious]

متأكدة منى برد : $

لأن أغلب جلوسنا فيها ..

وأنا مااستعديت بالملابس الشتويه نهائي , سوى شال آخذته لمزدلفه البسه إن احتاج الوضع فوق العباية ..