 |
|
|
|
|
13-02-2011, 04:43 AM
|
#1 |
|
مشرف أخبار بريدة
تاريخ التسجيل: Jan 2010
البلد: بريدة
المشاركات: 5,840
|
رحلتنا إلى الجوف أكثر من((90)) صورة ....
**
* بالخير وشلونكم عساكم طيبين  وشسمه يوم الأحد اللي راح جزمنا ننقز لم الشمال لم الجوف وبالتحديد سكاكا حركنا من بريدة الساعة 2:30 تقريباً مسكنا الطريق السريع ودسنا بنص واحد ما وقفنا إلا مره وحدة وصلنا سكاكا وهو يذن الأخير ( العشاء) المهم نزلنا عند عمتي يالبى قلبه  ودبغنا من هالعشاء والخيرات اللهم لك الحمد يوم صارت الساعة 12:00 ومير ننام . تغدينا الظهر واخذنا القهوة  هذا جبل جاز لي تقل حقات مصر   اول شي رحنا لمه مكان اسمه قلعة زعبل مكان مرتفع وهو من الاماكن الأثرية     هذي يوم رقينا فوق ومير ندخل ونلقى فتحات كثيره وهذي وحده منهن      من الأعلى         بعد ذلك توجهنا إلى منتزه الامير فهد بن بدر وهذي صور لسكاكا من فوق 7   هنا اكثر من زاوية من منتزه الامير فهد بن بدر         المهم تغدينا غداً عشاء يعني المغرب بعدين رجعنا وحنا بالطريق شفنا ملعب نادي العروبة  رحنا لم الشقه ونمنا يوم صار من بكرى قلنا نروح نناظر مهرجان الزيتون وش عندهم 7 هذي الخيمة اللي به الزيتون بس            طلعنا من الخيمة حقت الزيتون ودخلنا بخيمة الأسرة    المهم بعد ما اخذنا جوله ودخنا رحنا لم الشقه وبدا الجوع يلعب بنا لعب قلنا مالك إلا كودو   من بكرى انطلقنا إلى بحيره هناك حول دومة الجندل صراحة ذيك البحيرة خيااال وكان ودنا نقعد به بس البرد لعبنا لعب عجزت اضغط الزرار حق الكاميرا من البرد ثلووج الصراحة  المهم صورنا بعض الصور     يالبى قلوبهم اكيد انهم من بريدة << مهب عنصري أبد   المهم وجهنا لم دومة الجندل ورحنا لم مكان اسمه قلعة مارد وفيها مسجد عمر بن الخطاب رضي الله عنه . 7           هذي منارة مسجد عمر بن الخطاب رضي الله عنه .  هذا شكله مصلى الحريم    شوفو الحصاة اللي طالعة شكلهم يحطون عليها المصحف         وهذي الصور داخل قلعة مارد 7    هذا دزليب ( بير )     بعد ذلك توجهنا إلى ملاهي flip flap fun ..فلب فلاب فن  من يتحدى  وهذا الذيب الامعط مستلم تفحيط  وهذي صالة حفلات يقولون اذا بتعزم وإلا إذا عندك حفلة ميلاد وش ميلاده يابو الشباب ما يجوز      وهذي صالة تزلج مهبوله الصراحة  ومن بكرى ودعنا الشمال وعودنا على ديرتنا وأهلنا بريده   وهنا وصلنا حائل يالبى حائل وأهلها ياخي بهم طيب النفس وكل شي بهم زين يا طعمهم بعد دام اتجاهك شمال مودعك حاجه$$ سلم على حايل وسلم على شمر      وهذا ملعب نادي الطائي  طريق العودة إلى الديرة  اتمنى التقرير يعجبكم وينال على استحسانكم برب بروح احط فقس على اصابعي  __________________ آخر من قام بالتعديل Leader.20; بتاريخ 13-02-2011 الساعة 05:05 AM. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي