[اميمه]

أنا أشتريت الايفون قبل رمضان من محلات الجوالات

وعلى طول أخذ ته مافيه زحمه ولابالمحل الاانا

وش اللي صار على هالزحمه وش تغير؟؟؟؟

[د.هنا]

تشبيه بلييييغ ..

اقتباس المشاركة الأساسية كتبها كلي حنان سعر الشركه نفس سعر السوق والفرق راح اقوله

والله صدقت ..
الان المستخدم يتحاشا الستور البريطاني واسواق النافوره ربما للزياده ولايدرك ان السعر نفسه..
مثلا .. اشتري جهازي ب 2799 من موبايلي ولربما ابشر من احب بالسعر خلاف لما عليه السوق..
وشريحه طبعا الشريحه هذي كلفت 1400 بدون اتصال فيصبح الاجمالي هنا 4500 الى ريال..
والسعر عن غيره ب3700 وربما نشهق..

[أعتز بعقيدتي]

هذي
يسمونه سياسات
التسويق والبيع والشراء...

[دار الايمان]

[MAX 2010]

بخصوص كلامك:
فالذي يراجع مقر إحدى الشركتين المحتكرتين لهذا النوع من أجهزة الهواتف الذكية يلاحظ الـ " منة " و"شينة النفس" لدى معظم موظفي تلك الشركتين المحتكرتين للآي فون فقط بمجرد ما يسأل المراجع عن الآيفون .

فانا اقول انه ماعليهم ملامه الموظفين اذا كانت اخلاقهم مثل ماتقول
لأنهم يقابلون جميع شتى طبقات المجمتع من المتعلم و الجاهل و الهمجي
واللي يجيك يقول تدرون ان رواتبكم ياموظفي موبايلي ندفعها حنا لكم
واللي يجيك له 8 شهور ماسبح يجيك صرع من ريحته الحلوه


كلامي اللي فوق نقلا عن اخوي لانه يشتغل في موبايلي
امس لما كان فيه اجهزة اي فون
كان مقفل جواله اخوي من شدة الازعاج اللي جاه
حتى زملائه في العمل نفس الشي مقفلين جوالاتهم


على رغم الضغط اللي يجيهم موظفي موبايلي
إلا انهم يشكرون على الاستقبال و الترحيب في العميل

وهم ودهم انه يكون الاجهزه متوفره كل يوم
عشان يفتكون من انتقادات الشعب
اللي يلوم موبايلي و لا يلوم الشركة الام ( آبل )
لانها هي المسؤوله عن التوزيع

هذا اللي حبت اضيفه


نسيت اشكرك على طرحك القييييم ياصاحب الموضوع

[قائد المجد]

كلام جميل والايفون يعتبر من الاجهزة الخارقه

[قائد المجد]

ولا ننسى جالكسي s

[ام ديم]

اقتباس المشاركة الأساسية كتبها كلي حنان احترم موضوعك ورأيك بالموضوع لكن في الحقيقه سعر الشركه نفس سعر السوق والفرق راح اقوله الشركه تدفع ثلث القيمه السووقيه كاش والثلث الاخر تدفعه برسوم شهريه وقيمتها 89 ريال شهريا لمدة سنه أما السووق تدفعه كاش يعني مافي فرق / ومو لازم نمسك طابور وننتظر لك كل احترامي وتقديري

كلامك صحيح 100/100

[نـشـقـة]

ألسلام عليكم..

يآحبيل قلبـك هذإ اسلوب حتى بالفرٍوع العألميه..: عشآن مايقل سعرٍه وإلأأ مستودعآتهم مليآنه..

وإلأ أخوي يتكلم جآي من بريطانيآ يقول اسبوٍع كآمل اترٍدد عليهم يقولون مآفيه..عشآن مايصيرٍ مثل الجوإلأأت الثأنية زي . البلإك بيري وألنوكيآ إول مآينزل غألي بعد فترٍة يرٍخص..

وٍدمتم سآلمين..

[وحيد100]

السلام عليكم

أنا هنا لن أدخل في موضوع الآيفون أو غيره .. لكن ساءني ثقافة المجتمع بالنسبة لاحترام النظام .. تجد إنك من أول من وصل إلى الموقع ولكن لعدم الانتظام تحصل إنك آخر واحد دخل ..

إلى متى هذه الفوضوية .. وأنا جالس انتظر دوري عند موبايلي .. اتحدث معه عن الزحام وعدم تفهم الكثيرين للنظام .. وأقول له سبحان الله حنا حتى في التعزية في المقبره يوجد فوضوية فكلنا يريد أن يسلم على أهل المتوفى أول واحد حتى كأنه حمل انزاح عن ظهره وتجد هذا المعزى يزدحم حوله الرهط للسلام عليه وهو في هذا الوقت في أمس الحاجة إلى الرحمة والرأفة بحاله .. وذكرت لمحدثي أن هناك دولا نحتقرهم مثل اندونيسيا ولكنهم في النظام سبقونا بمراحل .. لكن لا أقول إلا يا أمة ضحكت من جهلها الأمم ..

مع التحية والتقدير لكل من ينتظمون في طوابير دون أن يكون هناك شريعه الغاب فالأقوى هو من يسبق ..

[Je MoNo]

والله كلامك جميل

[أأأهم واااحد]

كلام رائع جداً وحتى اننا عشنا الحدث مع هذا الوصف الدقيق وقمة الروعة تلك التشبية بين الماضي (شماغ البسام) والحاضر(الآي فون)

[يربش بريده]

ماعلى موزع الشماغ في ذلك الزمن شرهة بل الشرهة على موزعي الآي فون في عصر الجوالات الذكية .

[سعداف]

اقتباس المشاركة الأساسية كتبها د.هنا تشبيه بلييييغ .. والله صدقت .. الان المستخدم يتحاشا الستور البريطاني واسواق النافوره ربما للزياده ولايدرك ان السعر نفسه.. مثلا .. اشتري جهازي ب 2799 من موبايلي ولربما ابشر من احب بالسعر خلاف لما عليه السوق.. وشريحه طبعا الشريحه هذي كلفت 1400 بدون اتصال فيصبح الاجمالي هنا 4500 الى ريال.. والسعر عن غيره ب3700 وربما نشهق..

غير صحيح كلامك ..
موبايلي يبيعون لك الجهاز بشريحة مسبقة الدفع بمبلغ 2699 تدفعها لهم كاش مره وحدة ولا تعرفهم ولا يعرفونك بعده
أما سوق النافورة مستحيل تحصل الجهاز بأرخص من 3000 بدون ضمان !
الكلام بالنسبة لأيفون 4 حجم 16 قيقا