[trke]

لان طبعك غير عن طبعهم

[1مهستر]

مشكلة اجتماعيه كبيرة :

حريم فاضيات .. مايدرن وش يسون .. مالهن الا القرق والهمق الفاضي ..

والله العظيم انهن مايدرن وش يسون باعمارهن ..

يعني فاضيات ولايدرن وش الشي اللي يملىء وقتهن غير فلانه سوت وفلانه حطت ..

بصراحه مرة الولد ترحم .. يعني خوات الولد بالنسبه لمرة اخوهن لوبي صهيوني

قوي .. يجتمعن عليه بكل شيء ويفصفصنه فصفصه ..

لبسه مايعجبهن دايم ..
طريقة اكله ماتعجبهن ..
ذوقه مايجوز لهن ..
لبس عياله يعتبرنه شين ..
دايم يرددن انه مااهتمت باخوهن .. لا بلبسه ولاباكله




الله يعين بس ..

[ﻃفِـڵـٍۃ آڷـِﯗﺮﺪ]

ههههههه ذكرت نفسي اول زواجي كنت حاطه براسي اي حموله يعادون مرت الولد ومن هالكلام طلع الواقع غييير
ماني أكبر همهم ولاشي بس كل شي حسب ظن مرت الولد بحمولته ان حاسبت لكل تصرف صارت حياته نكد وان احسنت الظن عاشت حياته

[عطشــانة دم !]

استغرب عزيزتي من موضوعك
من الذي يلقي التهم على (الحموله) اليست زوجة ابن,, اليس لأخيها زوجه تعتبرهم (حمولتها)؟
أيعقل ان نتهم انفسنا؟
هل تعودنا على أمور نكثر بها النقاش وعلقناها بأذهاننا وماهي الا افكار ومفاهيم سارت معنا وليست الا نسج خيال ؟
متى يحين الوقت ان نبصر الى مانفكر به ونتحكم بألافكار العالقه بأذهاننا الغير واعين بها سيطرت علينا ولم نصنفها لا للصدق ولا للكذب ولا صنفناها لعادات قبيحة ورثناها من السابقين ونعيش عليها وللأسف هي من تعود بنا للوراء مع تقدم المجتمعات الواعيه..

[ღ..خـوآطـر..ღ]

اذا صرتي زينه مع الحموله بيصيرون احلى من العسل بس اذا صرتي ملسونه وقشرآ لازم يولعون العين الحمراء عليك..

وكل الطرفين به حقه يعني بعض الخالات الله يهديهن وين بتروحون من وين جيتوآ وشوله تشريله من الغالي ..
وبعضهن .. وشلون تصبر عليه طق عليه الثانيه عشان تستادب....

أما مرة الولد(بعضهن)..ابطلع ببيتن لحالي >>طيب ما به الا الخال والخاله وش بيضرك لاخدمتيهم عديهم امك وابوك..

اعرف وحده..ساكنه عند اهل رجله والخاله مهنا احليله وبس تمدح مرة هالولد ومرة الولد تسميه العجوز>>وين التقدير والاحترام..
وبزرانه 24 ساعه عند الخاله وهي كبيره بالسن..

والمفروض ان مرة الولد تقول لرجله اذا صرت عند خالتي نصير انا واياك سطحيين لانه بعض الخالات تنهبل اذا شافت ولده مع مرته او بمعنى (تغاار)..

[ღ..خـوآطـر..ღ]

اقتباس المشاركة الأساسية كتبها فسفوريه مير بوه موضه جديده طايحين به بعض الحمايل مرت الولد يصك عليه ولاتختلط بالناااس الا بالمناسبات الرسميه مدري وش القصه هم يخافون تخرب > شغاله على غفله " وهنتس تحاتسين وحده مايرغبونه والاتسد تهاوشو معه مبطي " طبعا هذولا الترللي والافيه اجاويد ونعم مانقول بهم شى ..

عفوا اختي بس هاللي تسمينهم ترللي من عذرهم لانه فعلآ تخرب المره اذا جلست عند ناسن ما يخافون الله

اعرف وحده راحت لناس ما يرغبونهم اهل رجله وبعد ما رجعت منهم انقلبت على خالته ورجله ..
من المفترض انه مرة الولد تصير مع عماتهم والناااس المقربين مرره..مووب تروح تسوي علآقه مع بنات عمه وبنات خالته..!!

[جيهان]

شوي شوي
ذاك قبل في حموله يعترف فيها
لاكن الان للاسف مرة الولد هي اللي تمشي الحموله على كيفها
وهذا الغالب للااسف لان المره هي اللي تمشي الرجل على كيفها الله يخلف

ذاك منول الحموله تسمع كلمتها والعمه لها رنه والخاله هي اللي ادبر كل شي
لا اللحين الله المستعان
الحموله هم اللي يخافون من مرة الولد ويضربون لها الف حساب يخافون تزعل
وتلقون الحموله مدللين مرة الولد
ومرة الولد معطيه الحموله الخامس ماتراهم شي للااسف....!

[ٳثمڍ فرζ]

يالله ملينا والله مسلسل مواضيع .,.
الخاله الظالمه ومرة الولد الضحيه المظلومه والحموله مركز الشر .,.

اتقوالله فينا وارتقو بطرح مواضيعكم --> للعامه ولست اخص .,.
والله العظيم قبل مايتزوجون اخواني عبالي لاجت مرة اخوي بـ تصير عيشتنا جحيم .,.
نفطر على مشاكل ونتغدى هم ونتعشى غيره وحقد .,.

تعقدت من هالمواضيع , والحمد لله تزوجوا اخواني ولاشفت شي من هالقرق الفاضي .,.

يعني بالله عليك يا مرة الولد .,.
حمولتك ما لهم هم غيرك يلاحقونك بالطالعه والنازله .,.
ومافي بالحياة الا خاله شر وغيوره .,.

استغفر الله العظيم .,.
خلو نظرتكم للحياة ايجابيه .,.
العاقله هي اللي تعرف تدبر حياتها مو تجي تتشكى وتسب بمحمولتها تفرغ بس .,.
وتصد عن الحلول اللي بيدها .,.

ييعني يامرة الولد عاجبك دور الضحيه .,.
وحمولتك معيشينك الجحيم بعينه .

أفكر اقعد بيتناولا اموت ولا اتزوج عشان ما انصدم بواقع المتزوجات وحمايلهن .,.

+
ركاكة اسلوبي جايه من قهر فلاتلوموني .,.

[نهوض امة]

اقتباس المشاركة الأساسية كتبها •°انكسار الأماني°• مافي شيء إسمه حمولة مافي شيء إسمه زوجة ولد , فيه شيء إسمه مجتمع كامل , الحمولة أهلي وأهلك وأهالي كل الأعضاء بالمنتدى , ومرة الولد أنتِ وفلانة وعلانة وفلنتانة , أكثر من مرة نسمع شتائم تطال الحمولة أو تطال زوجة الإبن , ثم تجي كل وحدة تمدح أهله أنهم حمولة طيبة ويعاملون حريم عيالهم مثل بناتهم ، وعلى هالمنوال كل بنت تمدح نفسه كزوجة ولد رائعة وتمدح أهله كحمولة رائعة وتسب حريم أخوانه وحمولته بأنهم ناس ( وعيّن ) ومن يدري يمكن بنت حمولته ( المسبوبة ) تشاركه بنفس الموضوع وتمدح أهله ونفسه هه , السؤال المطروح / مين هالزوجات السيئات ؟؟ مين هالحمايل السيئين ؟؟ وينهم لاقدر الله ! ممكن أشوفهم على أرض الواقع ! لأن النت كل اللي فيه يقولون أنهم أطلق ناس بالكورة الأرضية , والله أعلم بهم هه ..

كلام في الصميم

[نهوض امة]

أفكر اقعد بيتناولا اموت ولا اتزوج عشان ما انصدم بواقع المتزوجات وحمايلهن .,.


اعوذبالله وش هالتفكير السلبي
نصيحة لاتصدقين كل ماتسمعين ترى بعض الناس الله يهديهم ينفخون بالاشياء ويكبرونها

لاوبشرك ان مافيه حمايل في هذا الزمن كل بلش بحياته

لاوالله ياخيتي تزوجي وعيشي حياتك بسسسس لاتنسين تعزميننا

[أنسهـ رج،ـهـ]

أف يهالحموله الوحده لا أعرست كل همه الحموله ..
يآخيتي عآآمليهم بسلوب يهبل
وخليتس مرتن عآآديه حشآآمه ولسآآآن ينقط عسل
بس واللي يرحم والديتس لا تكثرين من التليوق اللي يجيب المرض ..
ولا تحتسين من وراهم ..
وهذولا الحموله اللي هالحريم متعباتن روسهن عشآآنهم ..

[أحلى صبية]

البنت نفســه هي اللي بيده تكسبهم بآآآ أسلوب ذرااابه لسااان حشيمه,,,

اذا شافوا من هالأشيآآآآء مااتووقع رده فعلهم شينه,,

والخاله مهما كان بتصير غيوره على ولده انتم تخيلوا تربي وتكبر 25 سنه
وبعده تاااخذه بنت الناااس اكيد بتحس بفقد ولده وانتم بعدين بتصيرون مكان الخالات,,

[جيهان]

اقتباس المشاركة الأساسية كتبها أحلى صبية البنت نفســه هي اللي بيده تكسبهم بآآآ أسلوب ذرااابه لسااان حشيمه,,, اذا شافوا من هالأشيآآآآء مااتووقع رده فعلهم شينه,, والخاله مهما كان بتصير غيوره على ولده انتم تخيلوا تربي وتكبر 25 سنه وبعده تاااخذه بنت الناااس اكيد بتحس بفقد ولده وانتم بعدين بتصيرون مكان الخالات,,

صدقتي
وازيدك الحموله مايبون بس كلام
يبون قول وفعل
بعضهن للااسف تمدح الحموله
ومن وراء تعالي شوفي السب...
المشكله الحموله تلقينهم حاشمينها....؟

[1مهستر]

الحموله خمسة طن