[فورنر]

والله يالاملاء عندك دردبيس معليش

[أم الوليد]

اقتباس المشاركة الأساسية كتبها asadsd2 والله يتسولون بسبب شركات النظافة النصابة يجيبونهم بعقود 1000 ريال راتب ولما يوصل هنا يعطونهم 200 ريال راتب وآكل وشارب منها وتلقاه ببنغلادش بايع أرضه وبيته وواحد من عياله بعد على شان يجي السعودية ، يوصل هنا ينصدم بالواقع واثره كان ببلاده أحسن ولا يحصل حل إما ترضى بالراتب أو ترحيل فيضطر إلى الأخذ من الناس ، يعني هو انلعب عليه ياحول وتلقى حالته حالة وبعضهم شايب وعنده عيال هناك وبنات ويبغى يزوجهم ويبغى يصرف عليهم وميتين جوع ... المفروض أنك تحث الناس على الصدقة عليهم بدل ما تنتقدهم .

باااارك فيك الله فيك هذا الكلام
(وفي كل ذي كبد رطبة أجرا)

[التحليق]

ايها الكرام
اشكركم على جميل مداخلاتكم
ولكن بعضكم نحى بالمقصد واتى باشياء هي عندي ولله الحمد من المسلمات مثل الصدقة لهم والرأفة بهم بل ومعاملتهم كأخوة لنا لاسيما المسلمين منهم
اعيد وأزيد للتأكيد : اعطوهم ماتريدون ولكن بحذر وان حصل ان من يعطيهم هم الرجال فقط لكان أولى وأتم للعقبى
والله ارحم واعلم بحالهم منا
دمتم بعافية

[هواي الشقه]

صدقت !
يكنس عند الباب ويبداء يطقق بالمكنسه الباب علشان أسمعي ياجارة(الشغاله)

وإلا الصدقة نويدها ولكن بعيده عن المنازل

[SOoOSO]

السراحه احيانان ارحمهم وافتح الشباك واناديه واعطيه اريال خمسه __الي القاو بالبوك

[عربي أصيل]

صدقت ولا تنسى أنهم يجلسون ويتعلثون عند الإشارات وتلقاه يناظرك مته تفتح الدريشه حتى تعطيه فلوس .. أحيانن تلقاه على مسافة كيلو يسلم عليك وأنت في السياره ..
على العموم حصل مره من المرات لي ولاحظت على أحد المتسولين في مسجد بجده وإعند إنتهاء الصلاة قام هذا المتسول وتكلم طبعاً يدعي أنه محتاج وعليه ديون ومطلوب منه أجار لبيته وهو فقير .. وكان شاب ليس كبير بالسن ويدعي وهو واقف بحركه بقصد أن يوحي للناس أنه معوق لكن يوم حددت النظر إليه حيث لاحظت أنه يلبس ملابس جداً جديدة ونظيفه وبالذات أسفل الثوب ، وأيضاً مسبل تماماً وإعاقته التي يدعي بها في المسجد على مشيته بأن رجلاه متعكفتان طبعاً وهو يمشي بالمسجد ثوبه يسحب مره يعني بقوه .. الحقيقه دخلني الشك لأن أسفل الثوب نظيف مره ولا يوجد عليه أثار أوصاخ من سحب الثوب في الإسفلت أو بالممرات <<< وأنا خارج من المسجد قلت له فيه جمعيات خيرية تتبنا أجار بيتك وتدرس حالك والحاجه التي تحتاجها حتى من أرزاق وملابس وأثاث وأيضاً فيه ضمان إجتماعي .. قال لي ما يعطوننا شي قلت زين عطيته المقسوم ما ودي أظلم الرجال ..
عاد يوم رحت للسيارة قلت إلا ما أشوف صدقه من كذبه جلست في السيارة وأنا مطفي النور وأنتظره حتى خرج وهو آخر من خرج من المسجد وهو يمشي بنفس مشته لكن لاحظت إختلاف كبير في مشيته قلت : أتأكد أكثر عاد دخل خلف المسجد يوم إلتفت خلفه يبي يشوف فيه أحد يتبعه ولا لا ..الخ القصه حيث تأكدت تماماً أنه كذوب ..
وللإحاطة التسول في المساجد ممنوع ..فا المفروظ من الناس إذا بغى يتصدق على أحد حتى لو بريال أو خمه ريالات فيه حسابات في البنوك لجمعيات خيرية تعطيها من يستحقها بعد ما تدرس حالته ولديهم تنظيم في هذا الشأن ..
شكراً لك ..

[التحليق]

اقتباس المشاركة الأساسية كتبها soooso السراحه احيانان ارحمهم وافتح الشباك واناديه واعطيه اريال خمسه __الي القاو بالبوك

اكبر هواجسي من هالكريمة الله يستر علينا وعليه هذه
والا قلولي اولاه وشلون تستأمن من هلي اتناديه هذا
ماتخاف يجي ثانية وثالثة ورابعة الين يحفظ من يجي ومن يروح ومن يدخل البيت ومتى يلقاه فاضي
انا مااحب اضخم االموضوع بس عاد ماودي بهاالتعامل حق اوخيتي مع العامل
لابغيتي تعطينه هو ولا غيره الف طريقة وطريقة
بس مهوب مثل طريقة الاخت
الحذر الحذر : تدرون ياناس وشلون البيوت تقمز والا تدرون وراه هالعمال عند ابيوتنا تترزز السبب
سذاجة تعامل بعضنا مع العمال والأخت الكريمة يثبت هذة النظرية (_وافتح الشباك واناديه_)
دمتم بحفظ الله ولطفه