[M 2]

اقتباس المشاركة الأساسية كتبها روزانا)) قسم بالله مأؤيد ابدن ابدن انا من النساء اللاتي يذهبن للمسجد قسم اني وانا ساجده ادعي على اللي بجنبي استغفرالله يااما ولده يرقى على رقبتي والا الحفاضه اكرمكم الله تصرع هذا غير اللي تجيب الشعب كله صياح أند ضرب اند عدم خشوع واذا قلت له اركدي ببيتس أأذيتي المسلمين اللي مثلس الأجر بالبيت يااما تسفهك ؟ يااما تقول وين صك ابوس بهالمسجد ؟ يعني كل الحالتين تحسب جيته افضل مع اني اجزم انه لو انثبرت ببيته كان احسن له من دعاوي المسلمين اللي مااقدرو يخشعون من بزارينه ةشكرا

أختي أفهم من كلامك إنك مؤيدة لإحضار حارس أمن يمنع دخول الأطفال مصلى النساء ؟

[ابو كندا]

انا من رأيي إن الاطفال مايجابون للمساجد

خاصة تحت سبع سنوات ت

وامهم تقعد معهم بالبيت آجر له

وتصلي بالبيت ( وبيوتهن خير لهن )

وتفك الناس من إزعاجهم

[M 2]

اقتباس المشاركة الأساسية كتبها بنت كفو ليتهم يفهمون ، نتعب منهم احيانا اقول الله يستر مايفغصون راسي >>> اسمحوالي إذا سجد الامام اخذوا ركض على روسنا ودنا ندعي نحس بخشوع مانصدق يرفع ، والله حاااله منهم ، فكرة الحارس ممتازة .

البزر ما يدرك قبل سن 7 عاد كيف يفهم

والبزر إذا ما ربي على الأخلاق الحميدة والاحترام

وإذا ما ربي على تعظيم بيت الله

ما راح يعظم بيت الله وبيلعب ويسوي كل شيء

(( وينشأ ناشئ الفتيان فينا **** على ما كان عوده أبوه ))

[M 2]

اقتباس المشاركة الأساسية كتبها عبدالله الشرهة على الذينيحضرون ألادهم وهم يعلمون أنهم مشاغبون واثم أذيتهم على من أحضرهم وكذلك النساء نفس الشيئ...........

أكيد اللي جابوهم عليهم الشرهة أباء وأمهات الأطفال

لكن حتى لو كان المقصد من الموضوع كله هل تؤيد إحضار حارس أمن لمنع الأطفال من مصلى النساء مثلا ؟

[...~بدون اسم...~]

بالنسبة للنســاء..
لا تستطيع أن تحضر للمسجد وتترك أولاده في البيت.!

[ايوب بن عبدالعزيز]

في مسجد بحارتنا دايم ازعاج وسويت جوائز قلت
الشروط
الصلاة التراويح
سويت الجوائز فلوس وصار المسجد مافيه ازعااج
وهاذي حكمه انا قلتها لاولياء الامور
علموهم من سبع واضربوهم من10
علشان ماينتشر الازعاج بالمساجد الثانيه

[M 2]

اقتباس المشاركة الأساسية كتبها قلب من ألماس فعلاً شي مؤسف والمفروض الأمام او المؤذن ينهى الآباء عن إحضار الاطفال للمساجد مسجدنا يشدد جداً على الاطفال الله يجزاهم خير

بعض الأباء يهملون أبنائهم ويخلونهم

أمس مسجدنا يتحالتوا بالحجارة بالمسجد ولعب وصاير مسرح مصلى النساء

والمشكلة أمهاتهم تشوف وساكته

مدري هي فرحانه بإزعاج المصليات وإلا إيش ؟

[M 2]

اقتباس المشاركة الأساسية كتبها جوااد مايقهرك الا الي يشوف ولده يلعب ولا يقول له شيء ..! العام بصلاة التراويح .. واحد مصري معه ولده .. وحنا بالصلاة الولد يلعب بين الصفين ويرقى على المصاحف ويقعد عليهن .. وابوه ساكت .. يوم خلصنا الركعتين كرشوه الجماعة ..

ما يقدر يلعب الحين البزر قدام أبوه بمصلى الرجال

لأن أبوه يخاف يدعون عليه المصلين قدامه

بعكس لو لعب في مصلى النساء

[M 2]

اقتباس المشاركة الأساسية كتبها ابو كندا انا من رأيي إن الاطفال مايجابون للمساجد خاصة تحت سبع سنوات ت وامهم تقعد معهم بالبيت آجر له وتصلي بالبيت ( وبيوتهن خير لهن ) وتفك الناس من إزعاجهم

يا سلاااااااااااااااااااام عليك

ياخي المسجد له اهتمام خاص

المفروض نبديه على بيوتنا والاهتمام في بيوتنا

لكن البعض المسجد عنده كأنه روضة

[M 2]

اقتباس المشاركة الأساسية كتبها ...~بدون اسم...~ بالنسبة للنســاء.. لا تستطيع أن تحضر للمسجد وتترك أولاده في البيت.!

يعني تجيبهم معها للمسجد ؟

طيب إذا كانت بتروح للعرس أو السوق وين تودي عيالها ؟

شيء من المنطقية يا رجل

[M 2]

اقتباس المشاركة الأساسية كتبها ايوب بن عبدالعزيز في مسجد بحارتنا دايم ازعاج وسويت جوائز قلت الشروط الصلاة التراويح سويت الجوائز فلوس وصار المسجد مافيه ازعااج وهاذي حكمه انا قلتها لاولياء الامور علموهم من سبع واضربوهم من10 علشان ماينتشر الازعاج بالمساجد الثانيه

أنا ضد فكرة إعطاؤهم جوائز وتعويدهم عليها

لأنه هذا يقتل فيهم جانب الاحتساب والتقييم الذاتي للنفسي

ويعوده أن كل شيء بمقابل حتى لو كان لنفسه

[Ricky]

لو كل واحد شاف له بزر يلعب عطاه كف كان ماشفت احد يلعب بعدهـ
لأنه اللي يجي اليوم بيجي بكرا ...

[حروف آبجديه]

المفروض يتم التنبيه من قبل الامام

[رنيم2]

والله انك صادق بزران تقل بمدرسه مو مسجد وصراخ بس الجامع الي انا به يحط البزران فوق والحريم الي مامعهن تحت اكيد لازم حارسه اجل كان تصيرفوضى بس البلا بعد حتى بالعيال الي اعمارهم 10 يبدون يضربون بالباب حق الحريم