[الدختور]

كنت في مشوار للعاصمه الحبيبه الرياض*~


واضطررنا نمر كواليس الرياض


عمالة من كل جنس ولون


روائح غريبه

مباني متهالكة


اشجار غير مهذبه بتاتاً<< اتعب انا


ودك تعدي بسرعه ولاندري وش اللي ورطنا وتركنا نطب هناك <<الوكاد انكم مضيعين ..

<<ترا مو منفوحه لأ ,, احياء الرياض القديمه <<تعرف الرياض بالحيل ..


المهم شفت وجه آآخر للرياض

وبما اني في حالة سفر او مشوار ( ماينقال له سفر ) لقربها ..

صرت اتفكر واتفكر كثييييييير

في هالرياض
اللي اول مايطرأ اسمها على من يعرفها

يتبادر لذهنه

ناطحات السحاب

والمولات

والواجهات الجميله

للمحلات ,, للمباني ,,

لكن ابداً مايتوقع يشوف مناظر آخرى
.
اقولكم صرت اتفكر

ان لكل مدينه كواليس خلفيه

تكون هي عمق المدينه

وهي بذرة ظهور هالمدينه ..

ولكل شخص ايضاً كواليس

يجهلها اقرب المقربين ..

كواليس تكون هي مكون شخصيته الحقيقه ..


وعمق هالشخصيه ..

واللي يظهر للجميع مجرد واجهة جميلة يحاول يحسنها قدر الإمكان ..


مثلاً انا من كواليس شخصيتي وهو سر ترا..
بأني اذا ركبت السيارة

مستحيل اشرب وآكل واسولف

لأ ,, اكره كذا ابد

تلقونن ابدأ اعد اي اشارات متكررة في الشارع

لمبات ,, عيون قطط ... حواجز الطرق السريعه

ابدأ اعد اعد وعد وعد وعد ايه وعد
بدون توقف وبدون ملل

واذا اخطيت بالعد ابدأ من جديد

تراى سر حتى اللي يركبون معي مايعرفونه عن
يشوفونن طايرتن عيوني بالدريشه وبس

وتجين حالة نرفزة ودي انزل من السيارة بسرعه


حدثوني عن كواليسكم.. لأحدثكم اكثر ..