[منابــــــــــــــــر]

الكل منا له عادات وتقاليد في مجتمعه
عادات اهل نجد تختلف من ناس الى ناس أخرين
طبعا انا راح أخذ جانب من الجوانب وهو العادات والتقاليد في الزواج عند اهل نجد
لهم والطرق المختلفه في العادات بتكلم عن عاداتنا وياليت تتحفونا بالعادات والتقاليد الي تتبعون لها

طريقتهم: ان الأهل هم الي يحددون طويلة العمر
طبعا على حسب اختيار الام الاخت للمعرس وطبعا والد المعرس يكلم ابو البنت الي حطو عينهم عليها ومن هنا تبدأ الشراره ما يردون عليه علطول يسألون عن الولد ويسألون البنت عن رايها : اغلب البنات يقولون كيفكم الي تشوفونه
المهم بعد كذا يوم يرد ابو البنت على ابو الولد بالموافقه من عدمها
طيب
إذا وافقو يتم الاتفاق عن موعد العرس ويعطيهم ابو المعرس المهر والمهر يتراوح من بين 60 الف إلى 100 الف على حسب استطاعه الشخص
المهم البنت تتقضى وو والعاده ما تطول السالفه بين الخطبه والزواج لانه مهوب من عاداتنا انه يكلمها قبل الدخله ولا يشوفهاالا نادر الي يشوفونها وش رايكم بالمسألة هذي وهي التكليم في فترة الملكة من المؤيد ومن المعارض واسباب ذلك موضوع للنقاش
المهم يجي يوم الزواج يكون في المغرب اجتماع يجتمعون فيه اهل المعرس والي يعزون عليهم ثم يروحون للصاله الافراح سوى كجماعه وحده وما تسمع غير البواري "بيب بيب بيب " << للي ما يفهم البواري " الهرن " ويكون في الاستقبال اهل العروس والي يعزون عليهم يدخلون اهل المعرس دفعه وحده
إذا جت الساعه 9 ونص تقريبا : يروح "المعرس" " العروس"وهنا تكون اول مره يشوفها وينتهي الزواج على كذا بالنسبة له ويبدأ شهر العسل :
البعض يحط عرضة لعبة اهل نجد المفضلة يكون بعد العشاء
زواج الرجاجيل ينتهي على الساعه 11 إذا مافيه عرضة وإذا كان فيه يمكن يوصل للفجر
أما الحريم يالله يطلعون الفجر تخبرون الحريم يحبون الرقص والفله


الي خلاني انزل الموضوع كل واحد يعلمنا بعادتهم ووتقاليدهم يا النجداوين وناقشوا المسأله الي فوق

ياليت الكل يتحفنا بعاداتهم وتقاليدهم

والتكليم في فترة الملكة