[الازغر]

كلامك صح لو التجمهر بهدف المساعدة وحتى التجمهر باعداد كبيره يعيق كل شي . اعتقد المساعدة تتطلب القليل من الاشخاص لحين وصول فرق الطواريء وينتهي دورهم

لكن الي صاير غير كذا . تجمهر وتصوير وجوالات والبعض ضحك .

[شقاوة طفوله]

لا ياقصيّه والله انهم اعاقه سير وشرافه وقلّة أدب سموها اللي تبوون
المصاب بذيك الحاله مايبي تصوير ولا تجكهر!!
أذكر مره كنا على طريق الرياض,جايين للقصيم
وفيه حادث قدامناوالله ان السير متعطّل وسيارة الاسعاف ماقدر يوصل للمريض اللي على الارض
وبعض الناس الله يهديهم موقّف سيارته بالطريق ونازل يناظر المريض!!!

هل هذي فايده؟؟؟

[د.مصرقع]

العجيب المثير في هذا الموضوع ان صاحبه معرّف ناعم

حيث اعتدنا التجمهر من الشباب ..

وهذا العجيب المثير جعلني اطرح سؤالا بيني وبين مخيلتي ..

انه لو بدوا الحريم بالسواقة - الله لا يقدر - فهل سيزاحمن المتجمهرات .. المتجمهرين؟

وتقف إحدى السائقات بجانب الرصيف وتنزل وهي عاضة العباية تسأل بعض المتجمهرين من الذكور وش صاير؟عسى ماتعور احد!

ويبدا نقاش مختلط على قارعة الطريق عما حدث

[للآخر معك]

التجمهر عادي ومفيد ولكن بعضهم يربش يطول صوته ولا يحسسك انه حادث مميت وهو دقشه رفرف ..

[ا س ص 2555]

هالحين يجي واحد يقول بسبب الهايلوكس والرربع

[L&M]

تجمهر لاجل المساعده .. هذه من صفات المسلم .. ومن شيم الرجال ..


لاكن تجمهر من اجل الشرافه .. هذه من صفات الاطفال ..


والتصوير .. قلة حياء ..

[السهم 11 القاتل]

اقتباس المشاركة الأساسية كتبها السراب 33 انتم في بريدة قبل ماتنطون بي و تقولون بكل مكان الشرافه يصير اصلهم من بريدة حتى العمال انتقلت لهم العدوى

قاهرينك اهل بريده !!

التجمهر عند الحوادث في كل مكان بالعالم حتى بامريكا عند اي حادث حتى لو كان بسيط تجد السيارات تراكم بالكوم اكتب حادث في اي دولة بقوقل وشف التجمهر بس حقدكم على بريده جعل منها ظاهره سيئة
لكن الرافع الله وبريده فوق بحول من الله وكرمة..

[السراب 33]

اقتباس المشاركة الأساسية كتبها السهم 11 القاتل قاهرينك اهل بريده !! التجمهر عند الحوادث في كل مكان بالعالم حتى بامريكا عند اي حادث حتى لو كان بسيط تجد السيارات تراكم بالكوم اكتب حادث في اي دولة بقوقل وشف التجمهر بس حقدكم على بريده جعل منها ظاهره سيئة لكن الرافع الله وبريده فوق بحول من الله وكرمة..

على ايش قاهريني ياحسره على تصرفات البعض منهم

على الاقل بامريكا تجمهرهم يكون للمساعده على طول

اما هنا حدث ولا حرج هي من شرافه هي من لقافه

يموت الواحد و السبب حاشرينه مايقدر يتنفس ايش اقول ايش اخلي

[عاطل بريدة]

مرحبا

التجمهر بالحقيقه في كل الدول العربيه بشكل كبيررره وبالسعوديه اكثر

لكن راح اعلق على تجمهر اهل القصيم وتحديدا بريدة ولاني من اعيان بريدة بس بقوول الحق التجمهر يهون عند الترزز واخذ رقم الوحة وعمل اشياء تستفز صاحب الحادث خاصة انه بالمواقف لايتحمل احد اعصابه

[نايف بريدة]

معنى التجمهر الشفاحة والمضايقة

[حربي عابر دربي]

اقتباس المشاركة الأساسية كتبها قـــصـــيـــة السلام عليكم ورحمته وبركاته الكثير يستاء من تجمهر الناس عند حصول حادث! أعتقد التجمهر شي طبيعي وجميل .. فمنها التعرّف على المصاب ومنها المساعدة إذا لزم الأمر وأهمها أخذ العِظة والعِبرة وبالنسبة لإعاقة المسعفين بسبب تجمهرهم .. بإستطاعة المُسعف رفع صوته بالإبتعاد لنقل المُصابين لسيارة الإسعاف ولن يتوانوا عن الإبتعاد : ) بعدين التجمهر يدل على ترابط المسلمين وخوفهم على بعضهم وحب الخير بالمساعدة والنخوة أخشى بكثرة نقدكم سنصبح كالكفار يرون المصابين على الأرض وبحاجة لمساعدة ويمرون كأن لم يروا شيئًا ..!!

وانا اقول وراه الي ببرنامج ( احذر ...تسلم ) يجيبون صوت كعت فرامل وبعده صوت صدمه ويلتفت الرجال ويتبسم ... شياطين اثرهم عارفين بالفوائد ولا علمونا


صدقتي

الله يدفع البلاء عنا وعن المسلمين اجمعين

ماكنت اتوقع ان في التجمهر كل هذه الفوائد

تصدقين انت السباقة لهذه الفوائد ..... كم كنا غافلين عنها

اذكر اذا صار حادث طازج يتهاوشون من الي ينطل المسجل ومن الي ينطل الشرطان والشنطه كنت اتوقع مابه غير الفايدتين طلع فيه اكثر.. سبحان الله ( وفوق كل ذي علمً عليم )

هم يقولون ان ظاهرة التجمهر ظاهرة غير صحية

شكراً لك انرتي بصيرتنا واتحفتينا بماهو جديد

[قـــصـــيـــة]

^^
اضحك وإلا أصيح؟

====================================

جزاكم الله خير جميعًا على مشاركاتكم وآرائكم بالتجمهر
ولتعلموا أن الخير بالتجمهر يغلب على الشر مثل الشرافة أو المضايقة!

[محمد الله يحفظك]

اللهم اكتب مافيه خير

[عزتي في شموخي]

مره واحنا بسياره بالسيد الثاني
ننتضر عند المحلات

صار حادث لكن ماعرفنا كيف امراء جالسه وعنده طفلها
امي من الخوف نزلت من السياره وتدعي لها
المشهد الاول
وبسرعه الناس يبون يقدمو لها المساعده واحد بدايه الحادث شكلها مادرى عن الحادث وقف بسرعه وفتح الباب الخلفي لاكن شكله رفضت
المشهد الثاني
واحد يصرف عند صرافه بسيارته بعد ماشاف الحادث من الخوف ترك سيارته مفتوحه وركض وكان متردد بين سيارته والحاداث وترك سيارته

انا كنت ارفض مسالت التجمهر

بس بعد ماصار هذي الشي امامي اختلفت النضره تماما
كلن من الخوف يبي يساعد ويبي يتطمن