[شهبندر]

ياخي خل الناس تستانس وتسترزق وتمارس هوايتها

[محمد الله يحفظك]

اللهم ارزق الجميع الرزق الحلال
اللهم انصر اخواننا في سوريا وجميع بلاد المسلمين

[Abo khald]

بولوهي احذف الصور يامريض ٠٠٠٠
فيه ناس ماتتحمل تشاهد مثل هذي الصور ٠٠٠٠
وانت حاطة بدون مقدمات !!!

[أبو غــلا]

الحمدلله الذي عافنا مما ابتلاهم به تفضيلا كثييرا

المعافى بنعمه .

[وطن ومواطن]

بعد شهر رايح يقولون بلغت المبيعات 15 مليون

[!!! الادعشري !!!]

مابقى إلا الدجاج هذا اللي فلحتوا فيه يا أهل بريدة

[صوت البحر]

والله حدث كبير ؟

[الفدائي]

بارك الله فيك يا أبو فهد على هالتغطية الأروع من رائعة

وفعلا حراج مزايين الدجاج كان رائع وجميل
وفعلا كان ترتيب وتنظيم أروع من الرائع

بارك الله فيك
وبارك الله بأبو عبدالرحمن الفهيد على هالفكرة والتنظيم
وبارك الله بأبو حمد صاحب الموقع

وأما المرضى النفسيين اللي ما يحسنون إلا النقد فأقول لهم
الظاهر إن عنوان الموضوع هذا كان (15 ألف ريال مبيعات أول مزايين للدجاج بالقصيم ( صــور ))
يعني واضح الموضوع من عنوانه إنه يتكلم عن الدجاج
فليش تتعب روحك وتدخل
هل هي شرافه
وإلا فراغ


أما المرضى الآخرين
الي يدخلون موضوع وهموم سوريا بموضوع الدجاج
فأقول لهم
قامت الحرب في تونس ثم مصر ثم اليمن وسوريا
والناس كل يوم يقومون ويفتحون البقالات والصيدليات وورش السيارات وورش النجارة والحدادة
وبياعين البعارين وبياعين البقر والغنم يروحون للسوق ويبيعون ويشرون
وكل واحد يشتغل شغله

فليش تحرمون على أصحاب الدجاج والحمام شغلهم


فيا سبحان الله
من المريض الآن

وهل إذا قامت حرب بدولة خلاص نسكر كل شي ونقعد نصيح ببيوتنا



عموما ما أقول إلا إن كل واحد يعرف قدره
فالي قال مريض ما أظن به مريض إلا هو
والي قال بساسه ما أظن به بس إلا هو (وعلى فكرة ترا البس ما ياكل الدجاجة وهي حية)
والي قال أبو دجاجة لو يقالك أبو سيارة تبي تجلس تضحك يعني



بالأخير أقول لا يضر السحاب نبح الكلاب

وخلوا كل واحد يشتغل شغله ويشوف رزقه اللي كاتبه الله له




مشكور يا أبو فهد
والله يقويك
ونبي تقريرك الشهر الجاي
ونبي التغطية تكون أقوى وأفضل
ونبي لنا صور أوضح

[بولوهي]

اقتباس قامت الحرب في تونس ثم مصر ثم اليمن وسوريا والناس كل يوم يقومون ويفتحون البقالات والصيدليات وورش السيارات وورش النجارة والحدادة وبياعين البعارين وبياعين البقر والغنم يروحون للسوق ويبيعون ويشرون وكل واحد يشتغل شغله فليش تحرمون على أصحاب الدجاج والحمام شغلهم فيا سبحان الله من المريض الآن وهل إذا قامت حرب بدولة خلاص نسكر كل شي ونقعد نصيح ببيوتنا

المحلات لزوم فتحها والبيع والشراء اما الفسق ايهم ازين دجاجه ولا ايهم ازين بعير فهذا سبب حرماننا الخيرات وهالنوع من الفسق ستحاسبون عليه ..

[الفدائي]

يا اخوي بولوهي
تراك فاهم الموضوع غلط

من قالك إننا رايحين علشان نشوف أيهم أزين دجاجة

هذا حراج مثل حراج الحمام ومثل حراج البعارين وغيره

يعني كل واحد يجيب دجاجه ويحرج عليه ويبيع الي يبيع

يعني بالنهاية بيع وشراء

بس خاص بدجاج الزينة
يعني دجاج العربي ودجاج المشاريع من لاحم وبياض ودجاج الهجاين ما يدخلن بالمزاد
وهذي هي فكرته


وهذي مشكلتنا دائما

نحكم على الشي وحنا ما ندري وش السالفة

وكل شي جديد نحرمه ونتحرج منه ونعتبره فسق
وكأن الشرع يحرم كل جديد


أفهموا وبعدين احكموا


وترا الناس يترزقون من ورا الحمام والدجاج
وأنتم إلى هالحين تتحرجون من تربيتهن والتجارة بهن

الطيور تطير بأرزاقه وأنتم يبيلكم 20 سنة علشان تتقبلون الأمر

[جيهان]

صراحه مهزله وعيب وفشيله وكلش
العالم تصنع صواريخ واسلحه وذولاء بلشين بمزاين البعارين والدجاج الله يستر بكرى
مزاين النمل بعد ماهي بعيده

[ام ريفاان]

حسبي اللــ̷ـّہ ونعم الوكيل عليك يابشأاار. الصووووور مررة تخووووووف):

[عبدالله الرقيعي]

ايه العقل نعمة

[عمر الأحمد]

الي الدجاج صآر بهن مزآيين .!

يعطيك العآإفيه طآرق ع التغطيه