[دهمان]

اقتباس المشاركة الأساسية كتبها جمراوي انا مشتري ارض قبل شهر ونصف بمخطط البدر سعر المتر 310وقبل يومين اتصل علي واحد يسوم المتر 420 كم زادت 110 ريال والله على ما اقول شهيد ياخي ببريده فيه عجز بالارضي السكنية الصالحة للعمار يمكن اللى بعيده مره وغير صالحة بالوقت الحاضر تنزل..الاسماء بالبنك العقاري كثيره ومتعثره باسباب شح الاراضي وتصدق فيه قطع بعيده جنب قصر اليخت شمال المتر 650 وين النزول .. نقول الله يسمع منك بالنسبه للمحكمه المواعيد من 10 ايام وطالع وتقول 2 باليوم يمكنك بعنيزه..

يمقن.

لا لا عنيزة هذي جابت لك المرض .. الله يشفيك ولا يبلانا

[جمراوي]

اقتباس المشاركة الأساسية كتبها دهمان يمقن. لا لا عنيزة هذي جابت لك المرض .. الله يشفيك ولا يبلانا

اذا تبي الحق والقضا على الفساد عنيزه الواجب تجمع جميع الدوائر الحكومية بمنى واحد
وكل دائره له غرفتين وكثيره عليهم ناس جالسه تهش ..... هناك من الفرغ بجميع الدوائر واللي يسوى بعنيزه من طرق ومباني حكومية وغيره تكلف الدوله المليارات على ديره سكانه لا يعادلون نصف حي من احياء الرياض ماذا يسمى ...!!!!!

[أبونوافـ]

بارك الله فيكم

.

[الهارف 2012]

اقتباس المشاركة الأساسية كتبها جمراوي اذا تبي الحق والقضا على الفساد عنيزه الواجب تجمع جميع الدوائر الحكومية بمنى واحد وكل دائره له غرفتين وكثيره عليهم ناس جالسه تهش ..... هناك من الفرغ بجميع الدوائر واللي يسوى بعنيزه من طرق ومباني حكومية وغيره تكلف الدوله المليارات على ديره سكانه لا يعادلون نصف حي من احياء الرياض ماذا يسمى ...!!!!!

دافع من جيبك شي انت يوم تقول تكلف ؟

انت واشكالك والله انكم نقص على الحياة

[torki]

والله وقدرت الحكومة تجيب خشوم هوامير العقار بالأرض
بعدما وفرت المساكن بالتقسيط المريح ووفرة الأسكان الحكومي

[دربك تدله !]

اجل من 900 لحد 600 ريال ، و لامتصل عليك يقول تعال اشتراها !

لكن وينها فيه الارض بنشترى عندنا ؟

قال وش عرفك انها كذبه ، قال من كبرها

[شهبندر]

اقتباس المشاركة الأساسية كتبها دربك تدله ! اجل من 900 لحد 600 ريال ، و لامتصل عليك يقول تعال اشتراها ! لكن وينها فيه الارض بنشترى عندنا ؟ قال وش عرفك انها كذبه ، قال من كبرها

لا يا حبيبنا ما هي كذبه

وإذا ما أنت مصدق رح لسوق العقار وشف بنفسك

[دربك تدله !]

اقتباس المشاركة الأساسية كتبها شهبندر لا يا حبيبنا ما هي كذبه وإذا ما أنت مصدق رح لسوق العقار وشف بنفسك

عارف سوق العقار ، فيه ركود ومحد يشترى
لكن الاسعار ثابته ما نزلت

فيه ناس تتصل تقول حصلت بسعر اقل ! تقول وينه فيه انا بشترى يقول لك ها !! واحد قالي عنها !

شوف اسعار الوحدات السكنيه ، و الاراضي مافيه شي نزل

[TRY]

المشكلة ليست شح أراضي، هذا شح أنفس والعياذ بالله،
الله يرخص أسعارهم سبحانه

[شهبندر]

العقار رايح في خرايطها من 6 شهور وأكثر

[هلاالي]

الأراضي نازلة في المخططات اللي ما فيها خدمات واللي وسط البلد وحولها خدمات ركوود

كان عندنا مخطط معروف بالمضاربات والبيع والشراء الفوري يمكن تنباع الأرض بالشهر 10 مرات وكلها بمكاسب

لكن الحين قسم بالله نزلت الاسعار بحدود 30 % وهذا شيء انا واقف عليه وبايع وشاري معهم ,

وإن شاء الله تنزل أكثر من كذا قسم بالله ملينا من الاجارات والبهذلة ورفع الاسعار نبي نعيش حياة سعيدة نبي بيت

ملك , تعبنا من القروض والديون اللي خلت الواحد مندوب لراتبه يعني من ينزل الراتب وتلقى معك قائمة بأسماء

أشخاص تحول لهم سداد دين وقرض وفواتير وكهرباء وأجار ووووووووووووو إلخ

[عبدالله]

عسى الله يرخص أسعار المسلمين ويبارك في أرزاقهم

[torki]

المتر في حي سلطانه الشرقي
بــ 700-800-900 تصدقون والله هذا الي صاير

واذا صار الموقع (( توب )) يوصل لــ 1000

وعليك السعي للمكتب يعني 2.30 بالمية

[رهين الذكريات]

اقتباس المشاركة الأساسية كتبها torki المتر في حي سلطانه الشرقي بــ 700-800-900 تصدقون والله هذا الي صاير واذا صار الموقع (( توب )) يوصل لــ 1000 وعليك السعي للمكتب يعني 2.30 بالمية

والله حرام والله لو حنا بسويسرا ماتاصل لهذي القيمة