[وداي الثلج]

اقتباس المشاركة الأساسية كتبها عمر الأحمد آين فيصل بن بندر ! بهذه الطريقة تتحدث .؟ أولآ هذآ آسمه صآحب السمو الملكي الأمير فيصل بن بندر بن عبدالعزيز آل سعود ثآنيآ هذآ آمير منطقة القصيم ثآلثآ ولي آمركك في هذهـ المنطقة تفهم وش معنى هالكلآم هذآ .؟ يعني توزن كلآمك وتعرف كيف تتكلم وعن من تتكلم أمآ بالنسبة لموضوعك الي ذرف المنتدى من ترديدهـ فالملآم وزآرة الموآصلآت وهالشركآت الي تمسك الشوآرع اما سمو الأمير الله يطول بعمرهـ ويحفظه مآقصر وخيرة سآبق للقصيم كله موب بس بريدهـ تحيآتي

أظــلــم الـنـاس لـنـفـسـه من رغـب في مـودة من لا يـراعـي حـقـه .
(الشافعي)

[نفود الهامل]

الله يذكر الا مير عبد الاله بلخير...اللهم اكفنا شر النفاق

[salooohy]

اقتباس المشاركة الأساسية كتبها عمدة نجد تمهل يارعاك الله فالأمير لايعيبه أن نسميه باسمه ,, وهو أخ وأب لكل مواطن ومسؤول عنه أمام الله ..

كفيت ووفيت اخي الكريم ،،

[ســــــنجار]

اقتباس المشاركة الأساسية كتبها salooohy السلام عليكم ... وبعد بدخل بدون مقدمات ... ليش المشاريع تتاخر ولم يتم تنفيذها - ليش الطرق كلها حفريات ولا طريق عدل - ليش الكباري والانفاق مافيه تنفيذ سريع سريع - ليش هالتلاعب والكل شايف وساكت - ليش طريق الملك فهد إلى الأن شهور ولم نرى انارته وطريق زفت الزفت طبعاً من بعد مطعم الخلوج وانت متجه لمنتزه الملك عبد الله مع انه اهم طريق في بريدة - ليه بريدة إلى الأن بكل طريق دوار ياخي بريدة صارة زحمة واسلوب الدوارات خلاص انتهى ايام زمان الان زحمة واشارات ويالله يالله - بعدين طريق حي مشعل والله والله سيارتي راحت فيها معقووولة !!! ماحد شايف لو انه طريق على الدائري يمكن نقول ماحد يدري بس طريق مهم جدااً ؟؟؟ أخيراً أين فيصل بن بندر عن هاللعب والمهزلة اللي ببريدة ؟؟؟ شي يقهرررررر وربي على فكرة عضو جديد ياليت ترحيب

ياهلا بك مليون ترحيب انت وموضوعك اللي ضرب بالصميم احييك مئة تحية
وربي محييك "

لية تزعل اصل انت مكروه من لدن سموة واخر ما يقكر فية سموة بريدة ليست همة الوحيد بريدة مغضوب عليها من سمو الامير والكل عارف انه ضد بريدة ونهضتها هذا شيء معروف اقراء قبل الحذف والتوقيف
واعرف ان بريدة لها اهلها العظام اللذين ساندوا الملك عبدالعزبز وساندوه في فتح الجارة ايام ما كانت مصتعصية بنخيلها ويساتينها "
الكل يعرف ولكن الامير يسبح بعكس التيار
شكلر

[اموت ببريده]

اقتباس المشاركة الأساسية كتبها ســــــنجار ياهلا بك مليون ترحيب انت وموضوعك اللي ضرب بالصميم احييك مئة تحية وربي محييك " لية تزعل اصل انت مكروه من لدن سموة واخر ما يقكر فية سموة بريدة ليست همة الوحيد بريدة مغضوب عليها من سمو الامير والكل عارف انه ضد بريدة ونهضتها هذا شيء معروف اقراء قبل الحذف والتوقيف واعرف ان بريدة لها اهلها العظام اللذين ساندوا الملك عبدالعزبز وساندوه في فتح الجارة ايام ما كانت مصتعصية بنخيلها ويساتينها " الكل يعرف ولكن الامير يسبح بعكس التيار شكلر

من تقصد بالجارة
عنيزه ههههه
انا اسمع ان عنيزه هي الوحيده في القصيم لم يتغير اميرها

[بريـدة]

فيصل بن بندر بالرياض والله مادرى عنك لا انت ولا بريده حقتك !!

[alawy]

بريدة من اولها لأخرها كلها شوارع زفتتتتتت
مافي شارع زين
حتى في شارع هدمووه بعدين زينووه ونفسه ما في اختلاف ههههه
حرامية
حسبي الله عليهم

[manedl]

سبحان الله أنا مع النقد الهادف لكن ضد التجريح والإسقاط على أياكان !!!

ملاحظه : أكثر الردود التي تتهجم بإسم النقد جميعها معرفات جديده ومشاركات قليله ؟!!!

[نور الزمان]

مشكور يابريده هي عزوتي والله كلامك بالصميم

[Abu Jilad]

روقونا علامكم؟

[MiLaNy]

لم اسمع بهذا الاسم من قبل .

[MiLaNy]

اقتباس المشاركة الأساسية كتبها اموت ببريده من تقصد بالجارة عنيزه ههههه انا اسمع ان عنيزه هي الوحيده في القصيم لم يتغير اميرها

لانه مو من الاسره الحاكمه .

[Abu Jilad]

بارك الله بقلم ٍ يُحدث كهذا حديث ..

[ابوحنفيه]

ياشباب خفو شوي كلنا نحب اميرنا وتاج راسنا فيصل بن بندر وهو ماقصر معنى بشي لكن هذا مايعني انه ماعليه ولاعيب ماهو نبي هذي النقطة الاولى

نجي للنقطة الثانيه صاحب الموضوع محروق من اللي يشوفه واللي حنا نشوفة بعض الشوارع السيئة بمعنى الكلمة .. انا قراءت الردود في بعض الشباب يقول ان الامير غير مسئول المسئول الشركة القائمة على تخطيط وزفلتت الشوارع صحيح لكن هذا ماهو عذر لان الكلمة الاول والاخير لمن ماسك الشركة ولما يكون المواطن منزعج من بعض الشوارع لبد من المسئول ان يكون قريب من الموطن ويصحح الاخطاء ....خصوصا لما تكون المدينة كبيرة بحجم بريده وفيها زحمة عجيبة لازمنا توسيع الشوارع مع تقليل والاشاراة وفيه من دوار لابد من تطيرهن
انتهيت من النقطة السابقة والان نجي للاخير تراى احنا اخوان يعني مايحتاج الكلام من بعض الاعضاء اللي في الردود يعني لازم ياشباب نرتقي بالكلام حتي بالذم

ملاحظة او نصيحه !!!
انت كتبت اللي طلع معك وانا احييك على صراحتك صحيح انت تمديت في الكلام بس هذ مايخلينا نشوف كتابتك مرة ثانية وثالثة النصحية هي لما تريد تذم اي شخص لازم تنفخه اول شي يعني تمدحة وتكبرة بعيون الناس بعدين قل اللي تبغاء بكذا استحالة تشوف رد ضدك
راح اقول مثال لما اقول ان المهرجان الفلاني من افضل المهرجانات كذلك ومميز وفيه من العليات الممتازة للكبير والصغير ووووو ثم اقول لكن فيه بعض المشاكل من ضعف الانوار والاختلاط بدون تقسم الرجال عن النساء والمواقف وو كذا انا وسطت بين الذم والمدح ان شاء الله اكون خفيف عليكم وهذي اول مشاركة لي وشكرا للجميع