 |
|
|
|
|
14-09-2012, 11:15 PM
|
#1 |
|
عـضـو
تاريخ التسجيل: Oct 2011
البلد: بريدة
المشاركات: 645
|
>>> / * رآح الزمان اللي نعيمة صفالي */ <<<
مساء الخير .. المدخل ~ يوم الأربعاء الماضي شلت أختي من الإبتدائية وأثر خشته وارمة من الصياح عاد يوم تحريت بالموضوع وأثرة متفشلة من فسحتة أمي حاطة له صامولية وحشوته قشطة بالفراولة .. عاد ضحكت وتذكرت الآيام الخوالي <  ~ المحتوى ~ إإإإإه ياذيك الأيام كانت أمورنا قشرآآ على الحديدة  و كان أبوي مايفطر الا على خبز وتصير أمي اللي خابزتة   < والله من الفضآوة عاد وش أقول وش أخلي هالخبز والله كود تغرقة بكل سعابيلك وتكشر عن أنيابك وتشهد وتعظة بكل ما أوتيت من قوة  علشان تنقطع الخبزة  .. عآد أميمتي تحرص وتأكد أنتبه يآ محمد تفتح الخبزة بالمدرسة ترى اللي بوسطة يبرد ويصير طعمة شين  ~> رحت أول يومين وماشي على الأرشادات وثالث يوم صادقت ولد نآس أجاويد  أمه حاطه له خبزة صامولية داهنتة بسمنه .. <~ والله من زين الرؤائح  قال وش اللي بخبزك أمر أفتح خبزتي يوم فتحته وش اشوف ..فآضية !!  أدور يمين يسار بيض جبن .. كشنة على الأقل مالقيت قلت شكل اللي بوسطة طآح تحت رجليني ناظرت تحتي مالقيت شيء  .. وأجلس أشمشمة قلت يمكن أمررينة من فوق البيض وهو يقلى مافية أمل ..<~ عاد خويي تطنز علي وانا زعلت  وبحكم أن ولد عمي بـ سادس أكبر المدرسة وامورهم المادية أحسن منا رحت أشتكي عندة عاد جاء وصفق خويي ويوم تفحص السالفة قال تعال افطر معي كل يوم عآد فطوره محشوم شغل عدل مهب مثلي  ..بس كان يقول لي أذا بغيت تنادين عند أخوياي قلي عبدالله مهب " إعبيصة "وش تقولي؟؟ ثم أقول عبدالله .. وأعبيصة تقال بالبيت ونهوبة !! بالبييييييييييييت كل صبح يقولي يخاف أنسى  ..عآد تعدلت أمورنا يالله لكل الحمد  وبدى الفطور ريالين مع صامولية ملفوفة بكيسة لحم وعصير سنتب <~ الله يذكر الطوابع بالخير كنت ألصقهن على الطاولة كانت موضة هآبة بالمدرسة  ..طلعت للمتوسط وصآر فية مقصف محترم ورتفعت الميزانية لـ5ريال وكان كل يوم واحد يفطرنا على حسابة وأذا صار يومي بالفطور ترتفع الميزانية ومثلة بالثنوي  ..ودخلت الآن الجامعة وصرت أتقهوى بالبيت وخير شر ما أفطر وأضربة غدوية ويآلله تديم النعمة ..~ الخآتمة ومايستفاد من المقال ~ - أذا كنت مدرس ولك ولد بالمدرسة لا تخلية يجي لمك ترى بقية الفصل محتميتن أتسبدهم .. - عزيزتي الأم لا تحطين سندوتش " لبنتك " الا ومعلمته وش اللي بوسطة ماله دآعي المفاجئات يمكن ولد يتحمل لكن البنت تلقى رسالته الشخصية حاطة " أنآم من كثر التعب وأتعب اليا صحيت ..> والسبب قشطة الفرآولة  - بالنسبة لمقولة " يكبر وينسى " تسذب والدليل مانسيت خبزتي الفآضية ..- بالنسبة للي يسون أنفسهم عيال النعمة يحلتون قرطاسة الكيكاو وهم مالحسوهن بالمدرسة ترى مكشوفين ندري بالبيت تلعطونهن وتطلعون تاريخ المصنع ..- بالنسبة للعنوان مالة أي علاقة جغرافية بالمضمون بس من باب المفاجئة - أذا كانت أموركم أرهآف ترى بتتجرون بس أصبروا وفي نهاية فرائدي من جد وجد ومن زرع حصد  ..المطلوب: + شآركوا بمواقف فسحتكم ! وش كانت فسحتكم وقفة : الموضوع ذو هدف نبيل فلا تحرم نفسك الأجر وفقك الله ~
__________________
. |
|
|
| الإشارات المرجعية |
| أدوات الموضوع | |
| طريقة العرض | |
|
|
النمط الأحادي