[محتاااااار]

اقتباس المشاركة الأساسية كتبها سومي 90 صراحه لو يخيروني بين بريدة والرياض اختر البقاء ببريدة مع ان كثير سفراتي للرياض لاكن بما اني جلست فترة بالرياض تقريبا عرفت الفرق بيننا وبينهم 1-بريدة اصغر واهدا 2-اهل بريدة حبوبين وخدومين بقوه ولايهينون اهل الرياض ولو بتجي بتلاحظ لاكن تعال اجلس فتره هنا واجزم لك بتقتنع ببريدة واسال الله ان يخيرك بما فيه خير لك

يعطيك العافية ياسومي رايك طيب وانت اطيب

[ابن بريدة.]

خلك بالرياض مليانين وزحمة

[محتاااااار]

اقتباس المشاركة الأساسية كتبها ابن بريدة. خلك بالرياض مليانين وزحمة

الله يستر وش ذا الاسلوب
بدينا ياشباب

[متأملة......]

الي يقول اذا ماصليت طقوا بابك.......تكفى علمني باي حي..........

عندي ناس مايعرفون درب المسجد لعل هدايتهم على يدك

[محتاااااار]

اقتباس المشاركة الأساسية كتبها متأملة...... الي يقول اذا ماصليت طقوا بابك.......تكفى علمني باي حي.......... عندي ناس مايعرفون درب المسجد لعل هدايتهم على يدك

ياجماعة معقولة فية ناس كذا بصراحه خوفتوني
تصدقون جيراني اللي بالحارة لي الان سنه ماشفت احد منهم بالمسجد ولا احد فكر يطق عليهم الباب

[متأملة......]

وانت مصدق؟؟؟؟؟؟!!!!!!!! ليته

على العموم شكلك ماودك تجي.........لاتضغط على نفسك........
الرياض وبريدة حلتة عصا

[محتاااااار]

اقتباس المشاركة الأساسية كتبها متأملة...... وانت مصدق؟؟؟؟؟؟!!!!!!!! ليته على العموم شكلك ماودك تجي.........لاتضغط على نفسك........ الرياض وبريدة حلتة عصا

شوفي اختي متأملة
يقولون بالقصيم توقع اي شي يصير
الجيل الاول كان متعصب جداً
لكن يقولون طالع جيل جديد قلب الموازين وراح يخلي بريده تنافس الرياض وجده

[متأملة......]

تنافس من أي ناحية
لايكون بس من ناحية التفتح والاوفر........

[دموع الغلا]

شوف بعطيك راي وانت حر بالاختيار

اول شي اذ انت بالرياض تحب الطلعات والاسواق والمولات والمطاعم خلك بالرياض ولا تجي

بريده مافيها الا مول اثنيين والمطاعم موب كثيره

انا اقولك اذ انت عشت في الرياض مارااح تتاقلم ببريده نهائي ولا راح يعجبك الوضع لانك بتقارن بين هنا وهناك

والرياض جميييله موفره لك جميع الخدمات

[O X Y G E N]

يالله .. كم أنت رائع .. أشكرك فعلا .. على أنك اخذت رأينا وتبغى نقوله لك بصراحة .. واكيد راح تقتنع في الكلام الي بنقوله لك بحكم أنك ماتعرف شي عن بريدة فقط تسمع وأنك عطيتنا موضع الثقة أنا وباقي الأعضاء عشان نحدد مستقبلك ..

عموماً أنا من رأيي انك تجلس في مكانك ( ليس خوفاً عليك لأني ماعرفك أوكرهاً لبريدة لأنها ديرتي ) وحاول بقدر المستطاع أنك تحسن من ظروفك ولو كان بالإمكان تضع ظرفك في موضوع لعلى وعسى أحد الأخوان يساعدك وتجلس في مكانك وماتتهور وتجي ..

ولو لاسمح الله وقدر ، والله قادر على كل شيء وجيت ، أتمنى أنك تشوف أحد المحافظات المجاورة لمدينة بريدة وتستقر فيها ، وياليت الكثير أمثالك أنهم يستاذنون قبل يقلطون ..

[فكــر]

اقتباس المشاركة الأساسية كتبها O X Y G E N [center] ولو لاسمح الله وقدر ، والله قادر على كل شيء وجيت ، أتمنى أنك تشوف أحد المحافظات المجاورة لمدينة بريدة وتستقر فيها ، وياليت الكثير أمثالك أنهم يستاذنون قبل يقلطون ..

حلوه يستأذنون


اخوى محتااار معك حق تحتار
لأن العيشة في الرياض صعبه الا لا صاحب التجارة والمصالح )
وتعتبر بريده من افضل المناطق واهلها من افضل الناس مع احترامي للجميع
وبخصوص جيك لبريده هلابك
وكما قيل التجربة لزمنيه محدده مع الاستخارة
وبالتوفيق

[ااميره]

اقتباس المشاركة الأساسية كتبها o x y g e n يالله .. كم أنت رائع .. أشكرك فعلا .. على أنك اخذت رأينا وتبغى نقوله لك بصراحة .. واكيد راح تقتنع في الكلام الي بنقوله لك بحكم أنك ماتعرف شي عن بريدة فقط تسمع وأنك عطيتنا موضع الثقة أنا وباقي الأعضاء عشان نحدد مستقبلك .. عموماً أنا من رأيي انك تجلس في مكانك ( ليس خوفاً عليك لأني ماعرفك أوكرهاً لبريدة لأنها ديرتي ) وحاول بقدر المستطاع أنك تحسن من ظروفك ولو كان بالإمكان تضع ظرفك في موضوع لعلى وعسى أحد الأخوان يساعدك وتجلس في مكانك وماتتهور وتجي .. ولو لاسمح الله وقدر ، والله قادر على كل شيء وجيت ، أتمنى أنك تشوف أحد المحافظات المجاورة لمدينة بريدة وتستقر فيها ، وياليت الكثير أمثالك أنهم يستاذنون قبل يقلطون ..

ماخرب بريده ونشر التعصب فيها وخلاها منبوذه ومكروهة من جميع مناطق المملكة الا هذه الاشكال

[حربي عابر دربي]

اقتباس المشاركة الأساسية كتبها ااميره ماخرب بريده ونشر التعصب فيها وخلاها منبوذه ومكروهة من جميع مناطق المملكة الا هذه الاشكال

الله يعينك على قرق اوكسجين ........ لكن شهاده لله تراى قلبه ابيض

رحمتك والله

[بريداوي 7]

من وجهة نظري
عنيزة أفضلك صغيره وهاديه وفيها خدمات ...