[مراقب المدينة]

صحيح هذي الصوره خلفية "الشلال" بدوار الهديه لكن الغريب اهمال البلديه والامانه لهذا المنتزه الحيوي

[الأسمراني]

قهر والله..

يا أمانة بريدة..
.
.

[فحل العروبه]

ياليت الاحمد ينظر الي هذا الدوار؟ممكن له راي ثاني لانالطريق الجديد يمرمنعنده

[السفاح 911]

هذا طال عمرك بمنتزه جنوب غرب البلديه

والله يهدي من تركها لحد الآن بدون صيانه

وأولها طال عمرك الزجاج المتكسر خطر بما تعنيه الكلمه لو وقع بالأرض وتحطم وتجرثم

من المسؤل ؟؟؟؟؟؟

الله يهدي الجميع

[المسفهل]

فعــلاً صــورة مؤسفـــة لأجمــل وأكبــر الدوارات في بُريـــدة

لكــن .. !! هــل المسؤوليــن على علــم بذلــك .. ؟؟

إذا كان الجواب بــ [ نعم ] فتلك مصيبــــة

وإن كان [ لا ] فالمصيبــــة أعظــــم

[الواصف]

اقتباس المشاركة الأساسية كتبها 1000حيل الي اتوقع ان لم تخني الذاكرة انها صورة لشلال دوار الهدية ================

.
.
.
برافو عليك

[بريدة العز]

وودي ادري وش مسوووي المبنى علشاان يسوون تسذا

[قصي100]

يادافـــع البــــلاء

وشــو ذا

لولا الشخاميط اللى عليه لا أقول صوره من فلم مرعب

بيت الأشبـــاح ...!!

الشكوى لله تقول المبنى بمستشفى مجانيين ..؟؟

أول مــره أشوفه بحياتي

الحمدلله إني عرفت وين علشان ما أمــر من عنده .

[عاشق الرياض]

ماشاء الله .. والله عندكم معالم يا اهل بريده ..
ابسألكم كم التذكره لبريده من الرياض .. لازم نجي نتمشى بالابراج والمولات والمجمعات والقرية الرياضيه والقرية العالميه والقريه المائيه .. لازم نجي نوسع صدورنا عندكم ..

[المانع]

اقتباس المشاركة الأساسية كتبها 1000حيل الي اتوقع ان لم تخني الذاكرة انها صورة لشلال دوار الهدية ================ =============== صورة لامانة بريدة

مثل الشباب

[ابو عجاج]

اقتباس المشاركة الأساسية كتبها عاشق الرياض ماشاء الله .. والله عندكم معالم يا اهل بريده .. ابسألكم كم التذكره لبريده من الرياض .. لازم نجي نتمشى بالابراج والمولات والمجمعات والقرية الرياضيه والقرية العالميه والقريه المائيه .. لازم نجي نوسع صدورنا عندكم ..

اقول خل عنك الطنزه........
ياراعي الرياض شكلك ماشفت المناظر اللي عندكم بمنفوحه والا البطحا والا الخالديه
اقول ترا عندكم مناظر ازين من اللي عندنا لا تخلينا نكب العشاء ونصور اللي عندكم
بعدين فشيله.....انت بعاصمتنا ولا ودنا ننفضح ببعض خل الدعوا مستوره احسن
.........
قايلك يامراقب المدينه لا تنشر غسيلنا على العالم شف راعي الرياض وش يقول
ما اقول الا حسبي على امانة بريده واهماله خلت اللي يسوى واللي مايسوى يهرج

[عاشق الرياض]

منفوحه والبطحاء .. اقص يديني من كتوفي اذا انت ماتسكن فيهم اذا جيت للرياض ..

هين والله يافندق التاج وفندق سفاري بالبطحاء وشارع الغرابي ماربحهم الا انت وغيرك ههههه.. تلقى القصيمي لا فك هايلوكس جديده جاء للغرابي والعليان والسنيدي ورهمها BMW2007

جب لي في بريده شي واحد بس يُقارن مجرد مقارنة في حوش من حوشة الرياض ..

يابعد قلبي انت ويابعد كبدي مسافة مية متر في شارع العليا ولا التحليه قيمتها تساوي شوارع بريده كلها بما فيها فندق الموفنبيك حقكم هذا اللي بازينن فيه ..


عموماً كل السعوديه بلادي واموت في الرياض فقط لاغير ..

[ام ركب سودددد]

عيب عليك يا عاشق الرياض هالكلام
وين ساكن فية لا تكون تتكلم عن باريس وحنا ما ندرى
وش الرياض انا ترى من سكان الرياض
ابيك بكر تروح تتمشى بالعزيزية وحنشليلة والصالحية والنسيم وشف العجب العجاب
وابيك تتامل تروح لشمال الرياض الى يعد من ارقى شوارعها وشف المجارى بشوارع معطر الاجواء الجميلة
لا ما سمعت اخر خبر برياض وشو يا عاشق الرياض مهزلت الملز مياة المجارى مختلطة مع مياة البلدية هذى اخر صحية من صيحات مدينتك الى انت فرحان فيها رح شف مستشفى الجامعى واسال عن عدد حالات التسمم
بنو الفيصلية والمملكة صدقو عمرهم نيو يورك

[ابو عجاج]

اقتباس المشاركة الأساسية كتبها ام ركب سودددد عيب عليك يا عاشق الرياض هالكلام وين ساكن فية لا تكون تتكلم عن باريس وحنا ما ندرى وش الرياض انا ترى من سكان الرياض ابيك بكر تروح تتمشى بالعزيزية وحنشليلة والصالحية والنسيم وشف العجب العجاب وابيك تتامل تروح لشمال الرياض الى يعد من ارقى شوارعها وشف المجارى بشوارع معطر الاجواء الجميلة لا ما سمعت اخر خبر برياض وشو يا عاشق الرياض مهزلت الملز مياة المجارى مختلطة مع مياة البلدية هذى اخر صحية من صيحات مدينتك الى انت فرحان فيها رح شف مستشفى الجامعى واسال عن عدد حالات التسمم بنو الفيصلية والمملكة صدقو عمرهم نيو يورك

الله قولي امين.......يوفقك وينصرك على اعداك دائمآ
تصدقين اني ابرد على النشبه ذا بس قاعد اجمع له علشان بعده مايتنفس واسكر عليه
وينك ياراعي باريس......معليش ابقول الرياض........خخخخخخخخخخخ
الف شكر لك وعساك على القوه
ولا تخافين اجلديه وفضحي به وانا ابصير حولك ماني مبعد
وسوف اتدخل بالوقت المناسب