[بـلـقـيـس]

اقتباس المشاركة الأساسية كتبها السراج 007 السلام عليكم .. بصراحة موضوع مهم ولا أبالغ إن قلت أنها قضية خطيرة في مجتمعنا .. للأسف .. لا نهتم بالحنان ولا نعطي البنت حقها منه .. وإن حصل لا قدر الله شيء من علاقة عاطفيية أوجدتها البنت مع شاب آخر .. رمينا باللوم عليها .. خطأنا صنعناه بأنفسنا دون أن نشعر .. فالبنت إن لم تجد في بيت أهلها غير العبارات الجافة وعبارات الأوامر كأننا في ثكنة عسكرية .. بالطبع أنها عندما تجد إنسان يسمعها عبارت لم تسمعها في حياتها وكلام معسول قد صاغه بنفاقه وكذبه .. ستشعر بالفرق العظيم بين أهلها وهذا الشاب فتفضل بناء العلاقة .. وكذلك أيضا الشباب الصغار عندما يخرجون إلى الشارع فيجدون من يوليهم الإهتمام ويلقي إليهم عبارت غريبة على مسامعهم وعلى حسب نيته .. سينساقون خلفه والله يستر .. ومن ثم نأتي ونلوم .. !! علينا أن نغير من أنفسنا وأن نرفض عادات الجفاء التي تعودنا عليها .. كي تنشأ أسرة متكاتفة متراحمة .. تنعم بالحب والحنان .. أشكر الأخت كاتبة الموضوع .. فهو موضوع قيم .. تقبلوا تحيـــــــــــــــ السراج 007 ـــــــــــــاتي

وعليك السلام


تعود نجد على الجفاء..


والعادة يصعب تغيرها


وإن حاول تغييرها أُصيب بالحياء ....


لكن الحمد لله تثقف الناس أكثر من أول,, بعدما كثرت الندوات والبرامج المفيدة في كل قناة في كل دار تحفيظ في المساجد <<<قد لا تكون برامج وندوات دينيه؟؟؟

تكون اجتماعية,, لقد كثفوا من هذهـ البرامج حتى تغير بعض من الناس والآخر صعب عليهـ تغيير أنفسهـ لضعفهـ...

فما زلنا نحتاج لمناقشات وحلول جذرية..

العفو

جزاك الله خير يا السراج...

[صاحب الفخامه]

الوالد الله يخليه لي { قولوا امين قولولها ماقلت اقروا وبس } المهم يقول كان معي واحد من اخوياي توفى الله يرحمه وهوماشاف وجه مرته والمشكله ماوقفت على كذا وبس عياله باعمارنا حنا مو ابوي ههههه اخذو منهج ابوهم فيهم اللي تزوج ولا شاف مرته لا قبل ولا بعد والي يقول مستحيل اشوفها ليش انا احسن من ابوي مات ماشاف امي وامهم بعد والله ماشافوها قال ايش قال عيب مدري عادات وتقاليد اي تقاليد اللي تخليك ماتشوف امك ؟؟؟


انا لو محلهم والله طق فيني عرق ومت !! كل شي الا اميمتي ماتحمل تكون قدامي ولا اشوفها
اما عن العلاقه بين الاب وبنته اوبين الاخو واخته فانا اشوف انها من الافضل لا بل من الواجب انها تكون علاقه قويه تربطها باخوها وبابوها يعني مدري تصدقون والا ماتصدقون والله ياخواتي من قو علا قتي فيهن اني احياناً احس اني اعرفهن اكثر من انفسهن!!
اما الوالد وخرررر الوالد فله على كيف كيفك ههههههههه <<< نظل نفسه
على ماقيل حطه على الجرح يبرى مو علشانه ابوي امدحه لا والله احسه باغلب الاوقات الصديق اللي اذا احتجته لقيته او الاخ اللي لا عسرتني حاجه لجأت له لا وبعد فوق هذا كله طقة البلوت مااطقها الا معه مدري ليش ماستانس ولا احس للعبه طعم الا اذا قابلته يمكن البعض يقول هذا يتكلم من نسج الخيال لكن يشهد الله ان كل اللي قلته من واقع الحال اللي انا عايشه ومع كل ذلك مانسيت انه الوالد وله احترامه ....

[بـلـقـيـس]

اقتباس المشاركة الأساسية كتبها صاحب الفخامه الوالد الله يخليه لي { قولوا امين قولولها ماقلت اقروا وبس } المهم يقول كان معي واحد من اخوياي توفى الله يرحمه وهوماشاف وجه مرته والمشكله ماوقفت على كذا وبس عياله باعمارنا حنا مو ابوي ههههه اخذو منهج ابوهم فيهم اللي تزوج ولا شاف مرته لا قبل ولا بعد والي يقول مستحيل اشوفها ليش انا احسن من ابوي مات ماشاف امي وامهم بعد والله ماشافوها قال ايش قال عيب مدري عادات وتقاليد اي تقاليد اللي تخليك ماتشوف امك ؟؟؟ انا لو محلهم والله طق فيني عرق ومت !! كل شي الا اميمتي ماتحمل تكون قدامي ولا اشوفها اما عن العلاقه بين الاب وبنته اوبين الاخو واخته فانا اشوف انها من الافضل لا بل من الواجب انها تكون علاقه قويه تربطها باخوها وبابوها يعني مدري تصدقون والا ماتصدقون والله ياخواتي من قو علا قتي فيهن اني احياناً احس اني اعرفهن اكثر من انفسهن!! اما الوالد وخرررر الوالد فله على كيف كيفك ههههههههه <<< نظل نفسه على ماقيل حطه على الجرح يبرى مو علشانه ابوي امدحه لا والله احسه باغلب الاوقات الصديق اللي اذا احتجته لقيته او الاخ اللي لا عسرتني حاجه لجأت له لا وبعد فوق هذا كله طقة البلوت مااطقها الا معه مدري ليش ماستانس ولا احس للعبه طعم الا اذا قابلته يمكن البعض يقول هذا يتكلم من نسج الخيال لكن يشهد الله ان كل اللي قلته من واقع الحال اللي انا عايشه ومع كل ذلك مانسيت انه الوالد وله احترامه ....

صاحب الفخامه

شكراَ لطرحكـ الصريح


البعض عندهم المرأهـ ما تفتش لزوجها هذولا بـــــعــــــض البدو


فنحن بالنسبه لهم قمة الرقه والحنان

لكن لكي نعلو يجب أن ننظر للأفضل <<<ليس في كل الأحــــوال


أدامك الله لأبيك وأدامه لك...

[align=left]هنا أنا أطرح لكـِ سؤال

كيف هي علاقتك مع أبيكـِ وأخيكـِ ؟؟وعلاقة من حولك بآبائهم وإخوتهم؟؟؟<<<ولا بنت ردت لـــــــــيـــــــــش؟؟



وأطرح لكـَ سؤال

علاقتكـ بأُختكـ كيف هي؟؟؟

وأنت أيها الأب

اشرح علاقتك بإبنتكـ؟؟


إشرحوا لنناقش


شجرة العطاء [/CENTER]

[~{ الوسـامـ ..]

موب الكل

[تالي حياتي موووت !]

اقتباس المشاركة الأساسية كتبها محمد الكويتي . . . انتِ تتكلمين عن نجد أو بشكل عام ...لان نجد يغلب عليها الجفاء والغلظة في التعامل وهذا يرجع للبيئة الصحراويه ولكن هل تصدقين أنه يوجد الان أعراب زوجاتهم لاترفع الغطاء أذا حضر زوجها عندها لانه عندهم عيب ...شي غريب كأننا في العصر الجاهلي ..

عاد الكويت اللهم ياااااااااااااكافي دفاااااااااااااااشه بمعنى .. < كفخ وكفيخ

يعني مو بس نجد لااااااااا كل الخليج دفشين ..

وهذول البدويين هم الجافين ..

أنا عن نفسي وأقاربي الحمد لله معااااااااااامله رهيبه وقويه ..

يعني أمـــــــــــون عــلــــــى محــــارمــي بـحــــــدود ..

والتـفـتــح الــــــــزايـــد شــــــــــين ..

يعنــــــــي الـــــــــوسط زيــن ..



(يعني مصافحه وخد بخد واليد اليسرى على الكتف)؟؟


؟ ؟ ؟ ؟ ؟ ؟ ؟

أخــــــــــــــــوي وش فــيــهـــــــا ..!!


مشكــــــــوره أخـــــــتي عـ الطـــــــرح الــرائـــــــع ..

[بـلـقـيـس]

دحيم الفزعه

ولد الديرة


شاكرة مروركم...

[بـلـقـيـس]

تالي حياتي موووت


شكرا لطلتكـ الحلوه ...:D

[الـصـمـصـام]

...


هذا الأمر ليس حكراً على أهل نجد ، و لكن موجود في مناطق أخرى - لا أريد ذكرها - أكثر من ذلك ، و الأمر متفاوت بين المدن و المناطق ، كما أن للآباء دور في التأثير على هذه القضية ، و على العلاقة مع أولادهم ..

لماذا لا يُعطي كثيرٌ من الآباءِ أولادهم إلا فضول أوقاتهم ، و بالتالي تتسم العلاقة بالرسمية المفرطة ،
العلاقة في كثيرٍ من بيوتنا بين الآباء و الأبناء علاقة ( رهبة ) ، و ليست علاقة ( حب ) و ألفة ..

و الدليل على ذلك : أن الطفل الغير مُدرك يترك الخطأ خوفاً من والده .. و ليس حُباً لوالدهـ ، و هذا من أكبر أسباب الانحراف عند النشء ..

شكراً أختي الكريمة ..

[بـلـقـيـس]

اقتباس المشاركة الأساسية كتبها الـصـمـصـام ... و الدليل على ذلك : أن الطفل الغير مُدرك يترك الخطأ خوفاً من والده .. و ليس حُباً لوالدهـ ، و هذا من أكبر أسباب الانحراف عند النشء ..

نعم أحسنت التوضيح ,,
الغير مدرك : الذي لا يميز الخطأ والصح....


التربية الجافة الخالية من أي حنان نتائجها :

إن تكلم تجدته مرتبك فهو لا يحسن النطق ويتأتئ...
وإن حاولت التقرب إليه أو حمله وتلعيبه ابتعد منكـ لأنه لم يتعود ذلكـ ....
لا يثق بنفسه دائما ً,,, كثير الحركه ...

( من إستنتاجي )

جزاك الله خير الصمصام على الإفادة....

[بـلـقـيـس]

جزاك الله خير abraheem



أصبت فعلا فلن نصل لحلول إلا بالتفاؤل....




ولد الديرة :



نحن الآن نعالج الموضوع فلا تحبط غيركـ



جزاك الله خير...

[ثلجه]

هاي

انا من مجتمع متفتح يعني انا اقول الحمدالله انو التماسيح الي عندي يعتبروون في بريده متفتحين عن غيرهم مع ذاللك

انا من البنات الي يرفضووون نهائيا الزوواج من بريده خاص ومن نجد عامه نهائيا
ولو جت بنت من البنات يعني من قرايب تحاول واتفكر انهاء تقنعني من العناد والتشبث برائي اقنعه هي انها تغير رائيه في رجال بريده (لا يفكر احد يجي يسبني اول يقول ليه تسبي اهل بريده لا )


اذا في احد بيسألني ويقول ليه تكرهين رجال بريده ابقوللكم
شباب بريده خاصه ونجد عامه الكلام الحلو والاهتمام والتغير معدوووم عندهم نهائيا
الكلام الحلو مايطلع منهم الا اذا بغى وواحد حاجه من حرمته ولا اخته بس تخلص حاجته من حرمته ولا اخته يطلع الضب الاصلي الي معدووم الكلام الحلو ولااهتمام منه


واذا اتزوج شهر شهرين الكلام الحلو وبعده عند تموت الحرمه وتدخل القبر وهي اخر مره قالها كلمه حلوه ايام الملكه (ايام النصب على بعض ) ولا في اول ايام الزووواج (يعني الشهر الاول والثاني اذا كان الضب يعتبر متفتح عند اقرانه )
سبحان الله اذا فيه واحد طلع وشذا عن المجتمع هاذا وطلع متفتح وفري سبحان الله يعني صار من بينهم نادر انو يطلع متفتح من بيئه صحراويه شوفي التريقه عليه والتطنز الي مالها داعي واذا بغوا يضحكون ضربو المثل فيه واهم مايدرون انو البلا فيهم مو في الشخص هاذا


<<<<ذكرتني في وواحد الاسبوع الي فات كنت في محل كان هوا وبنته وزوجته وكان يطلب من صاحب المحل ويقول اعطيني الكريم لي هاالبليه (يأشر على زووجته) وكانت البنت تناظر ابوها (اتوقع انو البنت متعوووده على هالكلمه )
وانا والله لوما الحيا كان ضربته في السلاسل المعلقه في المحل

والله لايبلانا من هيك ماركات يارب ههههههههه (قولو امييييييييييييييييييييييييين )

واتمنى اكون ناقشت الموضووع معك خيتو ولا طلعت على الخط السريع عن الموضوع

اذا حسيت انو لازم ارد مره ثانيه راح ارجع ارد باي

[بـلـقـيـس]

اقتباس المشاركة الأساسية كتبها ثلجه اذا في احد بيسألني ويقول ليه تكرهين رجال بريده ابقوللكم شباب بريده خاصه ونجد عامه الكلام الحلو والاهتمام والتغير معدوووم عندهم نهائيا الكلام الحلو مايطلع منهم الا اذا بغى وواحد حاجه من حرمته ولا اخته بس تخلص حاجته من حرمته ولا اخته يطلع الضب الاصلي الي معدووم الكلام الحلو ولااهتمام منه واتمنى اكون ناقشت الموضووع معك خيتو ولا طلعت على الخط السريع عن الموضوع أنتِ خرجتِ عن طور الموضوع تماماً ( الموضوع عن الجفاء في العلاقات الأسرية ولا يتكلم عن بريدة )

العفو ثلجة

أتمنى في ردك الثاني أن لا يكون تفكيرك محدود..
وإذا استطعتِ تكلمي فصحى ..
إقبلي نقدي كي أقبل نقدك ..


شـــجــــرة الــــعــــطـــاء

[أنوار المنتدى]

صدقتي والله ياعزيزتي...يكون السبب الأول والرئيسي بعتقادي
انه المجتمع ثم الوالدين الذين لم يعلمو ابنائهم على ذلك

بالنسبة إلي ولله الحمد العلاقه عال العال بفضل الله ثم والديّ
طرح متميز

وفقتي عزيزتي...

[بـلـقـيـس]

اقتباس المشاركة الأساسية كتبها أنوار المنتدى صدقتي والله ياعزيزتي...يكون السبب الأول والرئيسي بعتقادي انه المجتمع ثم الوالدين الذين لم يعلمو ابنائهم على ذلك بالنسبة إلي ولله الحمد العلاقه عال العال بفضل الله ثم والديّ طرح متميز وفقتي عزيزتي...

نعم كما قلت الوالدين هم أول الأسباب الرئيسية ..



شاكرة تعليقك أنووووري :D