[مدحت شوقي بريده]

اقتباس المشاركة الأساسية كتبها احساس الكون اسلوبك ممتع وسهل ومعبّر كلامك عين العقل "الوقت كاالسيل ان لم تقطعه قطعك " لو أننا عندما نقدم الى شيء سألنا انفسنا هذا السوال :ماالفائده وماالنتيجه ؟ لما وقعنا في سفاسف الامور الفراغ داء قاتل " بورك فيك ولا فض فوك ولا فقدك ابوك .

احساس الكون ..
شكراً على مرورك العطر ..
فقد رشقت على موضوعي ماء الورد ..
وتلولست الكلمااااااااات في حنوتسي .. ولم استطيع البوح بها ..

صحيح الفراغ قاتل ..
وعلى قول ابو العتااهية ..
إن الشباب والفراغ والجدة .. مفسدة للمرء اي مفسدة ..

ترى العتاهية هذولا جيراننا بالسادة ..
اذكر ولدهم سليمان العتاهية يوم يفلق اخوي صالح ..
قسم ان الدم راشقن مترين من دميجة اخوي صالح ..
ولد هالعتاهية ايديه اعوذ بالله الوحدة تقول اسطب كامري من كبره ..

وشكراً لك على مرورك الكريم ..

سي يو ..

[مدحت شوقي بريده]

اقتباس المشاركة الأساسية كتبها الـراصـد اضحك الله سنك يامدحت:D:D .....إن كان للتنسيم الهادف شعار فأنت بكتابتك هذه حامل لشعاره ... لكن ليش بالمره ما أخذت فلافل وكُشري تبيع بالملعب..... الجواب ببساطة لهؤلاء اخي مدحت ....سيقول لك لم استفد شيئا إلا أنني الأحمق الأخير !! تصوير رائع لحال شبابنا وفلذات أكبادنا....التي سُرقت منهم أوقاتهم الثمينة بدون فائدة ؟! الشكر والتقدير للكاتب مدحت ........ سي يوووو ((( الراصد )))

هلا بك يالرااااااااصد ..
يابعدي انت .. ياحبيلك والله .. مشكور على ترقية هالأثل ..


يابعدي ماهنا فايدة الا تقوية عضلااااااااااات ( الحنوتس ) من المزاااااااااعق والتصفير وبس ..

والله يهديهم يالببي ..

سي يو ..

[مدحت شوقي بريده]

اقتباس المشاركة الأساسية كتبها راعي الطيب لا تروح للملعب صجه ووجع راس .. شفه بيتكم أحسن لك .. بيض الوجه أمس الهلال بالثلاثة وهــاردلك يالنصر ...

راااااعي الطيب ..

وانت هاللحين مصدق اني رايحن هنااااااااااااااااك ..
اقول دن هنااااااااااك اولاه .. عاااااااااد اللي يسمعك يقول المباراة بين برشلونة واسي ميلاان ..
<<((== والله مهوب سهل الصعيدي ..
عقدتنا بالأجنبي حتى بالكورة الله يخلف .. ماحناب فالحين وحنا حاطين هالاجنبي انه هو الأبرز ..
حتى بأقل اهتماماتنا .. ننظر اليهم بنظرة المتفوق علينا ..

<<((== ياشينك بعد اذا بديت اتفلسف وانت من جنبه الصعيدي ..

سي يو ..

[وحيد المعنى]

تصوير رائـــع للواقع ، شكراً لكـ أيها النجم الساطع ، أبو ابراهيم انت بارع ، رزقك ربي العلم النافع ، واعتقد بأن كلمة خطأ قليلة في حق هذا العمل الفاجع ، فهو لكل المنكرات جامع ....

[ناســNasNoosــنووس]

كفووووووووووووووووا يامدحت ..
والله انك فلللللللللللللللللللللللللللة ..
وتبي تشوف ان اللي سويته راح تتذكره ..
شف .. خل يوم يجيك ضيقة صدر ..
وتذكر هذا الموقف ..
هذا وجهي اما انبسطت وفليتها وقعدت تضحك ..
شف .. أي شيء تسويه فيه طهبله ومعك عالم ..
راح تستانس وانت تتذكره .. اسال مجرب .. محبك ..

[خباب النجدي]

على طاري الكورة انا كنت ادرس في مدرسة تحفيظ قرآن يعني المدرسين مطاوعه ولا عندهم هالخرابيط الشاهد رحت مرة وحظرت مباراة وأذكر يوم اطلع امي تقول رح اغديهم يحررون فلسطين وانا اقول يميمتي فكينا من السياسة ترى الجدران له اذان قالت انا ما علي ابحسي وخلهم يسجنونن قلت ايه المشكلة انتي ما وراس مباراة يعني مستويه معس قالت اللحين المباراة اغلى من أمك رح عساهم ينهزمون هي دعت قلة والله من قله تبي تفوز يا الهلال العوض بالبطولة الثانية هذا راحت عليك
توجهت الى درة الملاعب <<< وش عنده خباب المطيويع طبعن فاز الهلال وعلى ما اذكر انه فاز 3 لكن كان الغريب ان المصور كل ما يجيب الهلال هدف كان يجيب علي الصوره وانا اناقز تقل خبل وبكل هدف والي فاته الهدف الأول يبي يشوف محسوبكم بالهدف الثاني والهدف الثالث والأخير للي شاك ويبي يتأكد من شكلي رجعت وبكرا الصبح الحصة الأولى عندنا علوم اول ما دخل المدرس ويصفق بديه وهو يتمسخر فيني ويقول برافو صراحة ما قصرت بيضت الوجه ونعم قلت هذا حق العلوم ويقول كذا اجل التوحيد وش يبي يسوي شكله يبي يطلع فيني فتوى سويت على بالي انه مهب انا قلت وش السالفة طبعن وش ارقع الشق اكبر من البعج اذكر ما بقى من وجهي إلا الحواجب والباقي تحت الطاوله من الفشلة بعدها انتشر الخبر مثل انتشار النار في الهشيم <<< وش عنده خباب الثنيان هالمشهور
ما يستفاد من هذه القصة
اولى : ما نفعن الهلال . ضاع وجهي ولا احد من اعضاء شرف الهلال على الأقل قال امش ادخلك مدرسه اهلية علشان ما تتعب نفسيتك بعد الصدمه <<< ما يشتهي يبي اهلية ابو الشباب
ثانين : اصبحت في نظر المدرسة والمدرسين صاحب سوابق
وانا الذي كان ينضر إلي على اني المؤدب وحكيم المدرسه <<< الأخيره من عندي يعني فقشه
ثالثا : الي يبي حظر مباراة يطق لاطمه شوريله لا يقعد المصور يتبله

[abo suliman]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههه

الله يجعل سرك للقعر اللي تنهشه نهش ..

مهبول مهبول ..

[{}{}{الساميو}{}{}]

اقتباس وادعسه حدر الكرسي ..

>
>
>
مدووحتي حسيت أنك شلخته علينا

أمس يوم أحضره مافيه خابره مافيه كراسي بالمدرجات خخخ خخخ خخخ
>
>
>
بصرآآحه مدتوه ألبي ،ا رايح من العصر
اول شيء ماعندي شغل
ثاني شيء صليت كل لات في وقتها ولله الحمد
ثلاثه اذا طلعت الحين أنت والأهل لشاليه ما تدفع حق الدخول ؟؟!
اعتبرن طالع لشاليه
وهاذي حالت الشباب{{ حق الوناسه }}
أنا أأيد لكن بشرط الا يضيع شيء من الصلاة او يشغل نفسه هو بالأصل مشغول بشي اعضم او اكثر اهميه
>
>
>
يبدو ان كلامي مفهوم
>
>
>
تقبل مروري وتحياتي وأشكركـ على الطرح الجميل
>
>
>
دمـــــتـ
...>>a.

[(الوادعي)]

بصراحة يا أخ مدحت إنك رهييييييييييييييييييييييييب
تدري شلون ؟؟؟ كل مقالاتك وقصصك تجيبها بأسلوب مرررررررررة روعة

جزاااااااااك الله خير

[فتح مبين]

أسلوب رائع أخي الفاضل .

[محمد ديارا]

تنسييييييييييييييييييييييييييييييييييييييييييييم

[زرزور]

اسلوووووووووووووووب جميييييييييييل جدا مدحتو

[مدحت شوقي بريده]

اقتباس المشاركة الأساسية كتبها نبض المشاعر والله ان الخطأ راكبك ركوب ... وراه ما اخذت امك معك كان ماتلومك على هالروحه ... بيض الله وجهه اميمتك والله هذي المره اللي تعرف ... وانت وش لك بالملاعب والحسره والضييييق والروائح يادافع البلاء ... شفها بالبيت واحسن بالضعيف اللي ماوديته للحمام ... بارك الله فيك واتمنى الكل يستفيد من خبرتك ولا عاد يروح للملاعب ويزعجونا ...

نبض المشاعر ..

اول شي ترى الموضوع من تسج الخيااااااااااااااال ..
لإني مارحت للملعب ولانيب رايح ان شاء الله ..

لاوتبي امي تروح للملعب .. امي تشوف الملعب وتقول .. دوك خضر ماشاء الله يلق ..
واويل تسبدتس ياحصة .. اويليه بس لو نص هالملعب كررييث ونصه جرجير ..
والله ان نجمع بوه خالتك هيله وخالك علي وخالك عزيز ..
ونكشت بوه كل يوم .. نحش من هالكريريث يالله من فضلك ..


وشكراً لك على مرورك الكريم ..


سي يو ..

[السمـــو]

اقتباس والله ان الخطأ راكبك ركوب ... وراه ما اخذت امك معك كان ماتلومك على هالروحه ...

أسلوبك الساخر مشي عليهم عاد تحمل مايجيك

ولكن والله أبداع وكلامك جميل وتصور دقيق فعلا هذا الى يحدث في الملاعب
الا عاد سالفه القاروره هذه لحالها ارجع وأقول أبدعت مدحت فشكرا لك