[الطاحونة]

تحية طيبة

.
.
.

هذا ماجنته أيدينا على مر السنين
ننظر إلى أنفسنا نظرة أعجاب ونزدري
الآخرين...!!!
الكل يكرهنااااا والسبب نحن

.
.
.
ودمتم

[anhm]

مهما رحت في أي منطقة من مناطق المملكة تجد القصمان محسودين ومحطوطة عليهم العين لآنهم إرجال ويحبون تحدي الصعاب لذلك يراهم متوجدي في كل مكان سوى داخل المملكة أو في دول الخليج أو غيرها في طلب الرزق والعلم وهذا دليل على العصامية .........:::::::::::::::ويبدو أن وهذا ناقصة شهرة ويبحث عنها على جساب القصمان .........,,,,,,,,,,,,,:::::::::::

[مــهــاجــر]

والله يا أخوي إني أعاني من الزملاء ممن هم خارج القصيم بحكم سكني في الرياض .

عند الأغلبية من المناطق الأخرى أن كل قصيمي تاجر وعنده واسطه ومطوع.

ولاعندهم ولابقالة تبيع الدخان:D .

حسبي الله عليهم فضخوا راسي بمعلومات عجيبة وغريبة وقصص يقولونها عن تشدد القصمان لم أسمع بها من قبل.

ع العموم من المعروف أنه لايرمى بالحجر سوى الشجر المثمر

ولابد أن نشكر الله على هذه النعم .

[هها بس]

مادام القصمان كلهم رجال وقال الشاعر وقال متولي

ليش نسب بعضنا هذا من بريدة وذا من عنيزة وذا ما دري منين .

واذا جاء الكلام عن القبايل , صارو أفراد القبيلة حتى لو بآخر الدنيا اطيب من اللي ساكن بمدينتنا

ومهوب من قبيلتنا .


باختصار , الانسان متعصب لكل ما يدور حول ذاته فأهل الكرم والمروءة هم تارة اهل منطقته

وتارة اهل مدينته وتارة ابناء قبيلته وتارة من يشجع ناديه الرياضي وفي كل الحالات

قال الشاعر وقال الناثر .

[فارس620]

الي يتكلم عن القصمان اقوله لا يضر السحاب؟؟؟؟؟
(قصيمي حتى الموت)

[مجموعة مشاعر]

يعيش اهل القصيم


لايضر القافلة نبح الكلاب

واذا ركلك احدمن الخلف فعلم انك في المقدمة

[ملاك الورد]

اقتباس ولاعندهم ولابقالة تبيع الدخان . حسبي الله عليهم فضخوا راسي بمعلومات عجيبة وغريبة وقصص يقولونها عن تشدد القصمان لم أسمع بها من قبل.

مثلي تمـاماً

خـاصـة سالفـة الدخان :D


اذكره وحـده من الزميلات كانت تقولي
هو صدق القصيم مافيهاا دخاان ابــــداً
واللي يلقونه يشرب دخان يجلدونه !!!!


قلتلـه:ولله كل شي جايز :D

[مدحت شوقي بريده]

هلا بالبي عراااااااااوي ..
معك اخوك قدر ..
<<((== اقول دن هناك اولاه يالماااالغ ..


اقول يالبي الله يجيرك من الحسد والغيرة ..
كل هالسعوديين حاسدين القصماااااااااااان على هاللي هم عليه ..

والله ياهم يقرطون اظافرهم غيرة وحقد ..

ويالبي ترى مايهااااجم الا البارز ..

ورح لأي ديرة تلقى اللي مسنعهم ( قصمان ) قضاتهم وظباطهم وتجارهم واداراتهم ..
لازم تلقى على راسه قصيمي ..
ديرة مابهم قصيمي مابه حكيم ..


الواحد ماوده يقول مثل هالحتسي لانك اذا دافعت عن نفسك وقلت الحقيقة قالوا القصمان مغرورين ..
بس هم اللي يجبرونك على مثل هالحتسي ..

ويحق لأهل القصيم الغرور .. ولا خُلق الغرور الا لهم .. مفصلن عليهم تفصيل ..
يستاهلونه .. بأبي وأمي هم ..
<<((== بأبي وامي .. لاتخلينا يابن ابي ربقة ..


والقصماااااااان واثقين من انفسهم .. ثقة الأعمى في شارع مظلم مدلهم ..

<<(== وش رايك عاااااااد بمدلهم .. متعوبن عليه صح .. بس لاتقولي اعيده .. ترى يالله كتبته ..


سي يو ..

[هها بس]

اقتباس الي يتكلم عن القصمان اقوله لا يضر السحاب؟؟؟؟؟ (قصيمي حتى الموت)

الكتابة على الحيطان سلوك غير حضاري

اقتباس يعيش اهل القصيم لايضر القافلة نبح الكلاب واذا ركلك احدمن الخلف فعلم انك في المقدمة

يعيش , يعيش , يعيش

اذا ركلك أحد من الخلف , فهذا يعني انك " طاق نعيلاتك وهاج "

لا تثريب عليكم , انتم فلذات اكبادنا مهما لنا أسأتم

[mazen.x]

تسلم يمناك على النقل وصح لسان شاعرناابوعلي .

[عراوي]

اقتباس المشاركة الأساسية كتبها مــهــاجــر والله يا أخوي إني أعاني من الزملاء ممن هم خارج القصيم بحكم سكني في الرياض . عند الأغلبية من المناطق الأخرى أن كل قصيمي تاجر وعنده واسطه ومطوع. ولاعندهم ولابقالة تبيع الدخان:D . حسبي الله عليهم فضخوا راسي بمعلومات عجيبة وغريبة وقصص يقولونها عن تشدد القصمان لم أسمع بها من قبل. ع العموم من المعروف أنه لايرمى بالحجر سوى الشجر المثمر ولابد أن نشكر الله على هذه النعم .

والله هذي حالتي مع ربعي ..
مره تجي من جد ..
ومرة هزل ..



تحياتي لكم جميعا على الردود الي تسر الخاطر..

[أبو ولـه]

ياخي وش محرق رزك انت

خلهم يسبون .. وخلك واثق من نفسك

بالاخير .. مايصح الا الصحيح يابوووي

[الليــ الأبيض ـث]

ماقدر أعلق على الموضوع لأن الشباب أكتفوا بذالك ..

اقتباس لايضر السحــاب نــبــح الكــلاب

[هها بس]

عندما نصف انفسنا بالسحاب

واخوانا لنا مسلمين بالكلاب

لمجرد انهم ارتكبوا خطأ بحقنا

فهذا عيب

أليس كذلك ايها الليوث الأبطال الحلوين

قال تعالى { ولقد كرمنا بني آدم }